2 Kronekele 20:7 - Tshwa Bible

⁷ Nungungulu wa hina, a hi wena u panzanyileko a vaaki va tiko legi mahlweni ka vanhu va wena, a va ka Israeli, u gi nyikela kala kupinzuka ka pswalo wa Abrahama loyi a nga hi xaka ga wena hi masiku?

2 Kronekele 20:7 교차 참조

Genesisi 12:7

Jehova i lo woneka ka Abrama, aku ngalo; Nzi ta nyika ka pswalo wa wena legi tiko. Zonake i lo aka a alati ga Jehova, loyi a nga woneka ka yena laho. Neh. 9:8; Miti. 7:5; Gal. 3:16

Genesisi 13:15

hakuva a tiko gontlhe legi u gi wonako, nzi ta gi nyika ka wena ni pswalo wa wena kala kupinzuka.

Genesisi 17:7

Nzi ta tiyisa a xivumelwano xa mina zinwe na wena, ni ka pswalo wa wena anzhako ka wena ni ka zizukulwana za wena, xi tava xivumelwano xi nga gumesiko, nzi tava Nungungulu wa wena ni wa pswalo wa wena anzhako ka wena.

2 Kronekele 14:11

Asa i lo khongela ka Jehova Nungungulu wakwe, aku: Jehova, ahandle ka wena, cima a nga kona munwani a zi kotako ku vunetela lava va nga hiko na ntamu, loku va vukelwa hi lava va nga ni ntamu. Hi vune wena Jehova Nungungulu wa hina, hakuva hina hi tsumba ka wena; hi hlomile yimpi leyi vitweni ga wena a ku talwa ni xidlemo lexi. Wena u Jehova Nungungulu wa hina; ngha a nga hi kona munhu a hlulako wena! Vala. 7:2, 7; 1 Sam. 14:6

2 Kronekele 20:8

Vona va akile ka gona, va akela a vito ga wena a yindlu ya kubasa, vaku:

Nehemia 9:8

u kuma mbilu yakwe na yi kholekile mahlweni ka wena, u maha naye xivumelwano xo nyika vana vakwe a tiko ga maKanani, ni ga vaHiti, ni ga vaAmori, ni ga vaPerizi, ni ga vajebusi, ni ga vaGirgaxi, u tlhela u tatisa timhaka ta wena; hakuva wena u lulamile.

Tisimu 44:2

U lo hlongola a vamatiko hi canja ga wena, Kanilezi vona u va zimekile; U lo mbhetisa matiko manwani, kasi vona va fela ku enzeleka. Ekso. 15:17

Tisimu 44:3

Hakuva a va kumangi tiko hi matlhari yabye, A va hlulangi hi mawoko yabye, Kanilezi hi canja ga wena ga xinene, ni woko ga wena, Ni kuvaninga ka nghohe ya wena, hakuva u lo xalala ha vona. Ekso. 33:14; Mitse. 6:25; Jox. 24:12

Tisimu 80:8

Wena u simule a sinya ya vina le Gipite, U hlongola vamatiko, u yi sima. Gen. 49:22; Isa. 5:1; 27:2

Eksodusi 20:2

Hi mina Jehova, Nungungulu wa wena, loyi a ku humesileko tikweni ga Gipite, a ndlwini ya wukhumbi.

Eksodusi 33:2

Nzi ta ruma a ngelosi leyi yi ta nga ku rangela, zonake nzi ta hlongola vaKanani, ni vaAmori, ni vaHiti, ni vaPerezi, ni vaHivi, ni vajebusi.

Eksodusi 6:7

Mina nzi ta mu teka muva vanhu va mina, mina nziva Nungungulu wa nwina, loyi a mu tlhatlhisileko ka mikhinyavezo ya vaGipite;

Isaya 41:8

Kanilezi wena Israeli, nanza ga mina, Wena Jakobe loyi nzi ku hlawuleko, U nga pswalo wa Abrahama a xaka ga mina. Ekso. 19:5; Lu. 1:54; Jak. 2:23

Johani 11:11

Loku a wulawulile lezo, aku ngalo kabye: Lazaru, a xaka ga hina, i etlele; kanilezi nza famba, nzi ya mu vuxa. Dan. 12:2; Mat. 9:24; Miti. 7:60

Johani 15:15

A nza ha mu vitani lezaku mu malanza; hakuva a nanza a gi zi tivi lezi zi mahiwako hi hosi ya gona; kanilezi nzi mu vitanile nziku mu maxaka, hakuva nzi mu tivisile zontlhe lezi nzi nga zizwa ka Dadani. Miti. 20:27

Deuteronome 4:38

ni ku hlongola mahlweni ka wena a matiko lawa ma ku hunzako hi wukulu ni ntamu, ni ku ku enghenisa wena lomu tikweni gabye, ni ku ku nyika gona gi maha a tshomba ya wena kota lezi u zi wonako nyamutlha lezi.

Jakobe 2:23

Hizalezo wu lo tatiseka a mutsalo lowu wu nge ngalo: Abrahama i lo kholwa ka Nungungulu, ku lo hlayelwa ka yena lezaku kululama; i lo vitanwa lezaku i xaka ga Nungungulu. Gen. 15:6; Isa. 41:8; Rom. 4:3

Joxua 1:6

Tiyisa mbilu, uva ni ntamu, hakuva hi wena u ta nga avela lava vanhu a tiko legi nzi hlambanyileko ka vararu vabye a ku va nyika gona.

Joxua 23:9

Hakuva Jehova i hlongolile mahlweni ka nwina a matiko ya hombe ya ntamu, ni lezi a nga kona munhu a zi kotako ku yima mahlweni ka nwina kala legi siku.

Joxua 24:13

Nzi mu nyikile a tiko legi mu nga gi tirangiko ni miti leyi mu nga yi akangiko, makunu mu tshamile ka yona: maga mihanzu ya xivina ni maoliva, lezi nwina mu nga byalangiko. Deut. 6:10

Joxua 24:3

Zonake nzi lo teka a raru wa nwina Abrahama le tlhatuko wa congo, nzi mu fambisa xikari ka gontlhe tiko ga Kanani, nzi mu anzisela pswalo wakwe, nzi mu nyika Isaka. Gen. 12:1