2 Kronekele 20:6 - Tshwa Bible

⁶ aku: Jehova Nungungulu wa vadadani va hina, a hi wena Nungungulu wa le tilweni ni mufumeli wa matiko wontihe ke? Canjeni ga wena ku na ni ntamu ni wunhenha; a nga kona munhu a zi kotako kulwa na wena.

2 Kronekele 20:6 교차 참조

1 Tihosi 8:23

Jehova Nungungulu wa ka Israeli! A nga kona munwani Nungungulu a fananako na wena, le hehla tilweni hambu lahasi misaveni; wena u loyi a hlayisako a xivumelwano ni tipswalo ka malanza ya wena lawa ma fambako mahlweni ka wena hi timbilu tontlhe ta wona.

1 Tihosi 8:30

Ingisa kukhongela ka nanza ga wena, ni ka vanhu va wena va ka Israeli, loku va ta khongela ka legi wutshamu. Ingisa na u hi kwaleyo tilweni wutshanwini ga wena, ni laha u zwako, tsetselela!

1 Kronekele 29:18

Jehova Nungungulu wa vadadani va hina, Abrahama, na Isaka, na Israeli, maha lezaku a timbilu ta vanhu va wena tiva ni maalakanyo ni mixuvo ya kunghahi kala kupinzuka, ni kuranza ka maalakanyo yabye, u koka a timbilu tabye ka wena.

2 Kronekele 20:5

Jehoxafate i lo yima laha gotsovanyanweni wa va ka Juda ni va le Jerusalema lomu ndlwini ya Jehova, mahlweni ka hubye giswa,

2 Kronekele 25:8

Loku u famba navo, hambu loku u hi ni ntamu, Nungungulu i ta ku wisa lahasi mahlweni ka valala va wena, hakuva Nungungulu i na ni ntamu ku vuna ni ku wisa lahasi.

2 Kronekele 5:14

laha kaku a vapristi va tsanzeka ku yima lomo, va maha a ntiro wa kukhozela hi kota ya refu, hakuva a kungangamela ka Jehova ku wa tatile a yindlu ya Nungungulu.

2 Kronekele 6:14

aku: Jehova Nungungulu wa ka Israeli, cima a ku na Nungungulu a fananako na wena, le tilweni ni laha misaveni; wena loyi u hlayisako a xivumelwano xa wena ni ku va mahela wuxinji a malanza ya wena lawa ma fambako mahlweni ka wena hi timbilu ta wona tontlhe; Ekso. 15:11; Deut. 4:39; 7:9

Joba 9:4

Loyi a nga ni wutlhari ga mbilu, i nhenha; Himani loyi a ti nonohisileko, a mu vukela, a simamisa ku vuvuma ke?

Tisimu 115:3

Nungungulu wa hina i le tilweni, Wa maha ni zihi a zi ranzako.

Tisimu 46:11

Jehova wa tiyimpi i na hina, Nungungulu wa Jakobe wuchavelo ga hina. (Sela.)

Tisimu 47:2

Hakuva Loyi a Hunzeleleko Kutlakuka wa chaveka. Hi yena Hosi ya hombe laha misaveni yontlhe. Zak. 14:9; Mal. 1:14

Tisimu 47:8

Nungungulu wa fumela matiko; Nungungulu i tshamile xitshanwini xakwe xo basa.

Tisimu 54:1

Nungungulu, nzi ponise hi vito ga wena, U nzi yimela kulamuleni hi ntamu wa wena.

Tisimu 62:11

Nungungulu i wulile kanwe. Nzi zi zwile kumbiri lezaku A ntamu ngwa Nungungulu.

Eksodusi 3:6

Yena i lo engeta kambe aku: Hi mina Nungungulu wa raru wa wena, a Nungungulu wa Abrahama, ni Nungungulu wa Isaka, ni Nungungulu wa Jakobe. Zonake Mosi i lo fenengeta nghohe yakwe, hakuva i lo chava ku cuwuka Nungungulu.

Isaya 14:27

Hakuva Jehova wa tiyimpi i zi xuvile, himani a ta nga zi thinda? Ni canja gakwe gi nawulutilwe, himani a ta nga gi tlhelisa? 2 Kro. 20:6; Dan. 4:32

Isaya 66:1

Jehova wa wula, aku: A tilo xitshamu xa mina xa wuhosi, A misava xikhegetelo xa mikonzo ya mina. I yindlu ya kuyini mu ta nga nzi akela yona, Wutshamu muni gi ta ngava wuhumulelo ga mina ke? 1 Tih. 8:27; Mat. 5:34; Miti. 7:48

Jeremia 49:19

Languta, i tata kota nghala yi humako hi lomu xihlahleni xa Jordani, yiya wugehveni go nyuka. Nzi ta mu hlongola xikanwe; ni wihi loye nzi mu hlawulako, nzi ta mu yimisa hehla ka gona. Hakuva himani a kotako mina? Himani a ta nga nzi yimisela xikhati ke? Himani murisi a ta nga tiya mahlweni ka mina ke?

Danieli 4:17

A tsanziselo leyi yita hi le hubyeni ya tingelosi, a mhaka yi leletelwe hi vabasileko, kasi lava va hanyako va ta zi tiva lezaku Loyi a Hunzeleleko Kutlakuka wa fumela a mifumo ya vanhu, ni lezaku i yi nyika ka wihi a mu ranzako, a yimisa hehla ka yona a munhu a nga wa nyalidede nguvu.

Danieli 4:25

U ta hlongolwa xikari ka vanhu u ya tshama ni zihari za khwati, uga byanyi ku fanana ni tihomu, u tsakamiswa hi mbhera ya le tilweni, kala ku hunza a ntlhanu wa zikhati ni zimbiri, kala u zi tiva lezaku Loyi a Hunzeleleko Kutlakuka i fumela a mifumo ya vanhu, a yi nyika ni wihi a mu ranzako.

Mateu 6:13

U nga hi yisi minzhingweni, kanilezi hi tlhatlhise ka loyi wa kubiha. Lu. 22:40, 48; Joh. 17:15; Kuv. 3:10

Mateu 6:9

Hikwalaho khongelani kota lezi: Dadani wa hina wa le tilweni, a vito ga wena a gi hlawuliwe. Lu. 11:2

Mitiro 11:17

Loku Nungungulu a va nyikile a xinyikiwo xalexi a nga xi nyika ka hina, laha hi nga kholwa ka Hosi Jesu Kristu, xana nzi wa hi mani mina, wo kala nzi kaneta Nungungulu ke?

Va le Roma 9:19

Zonake wena u taku ngalo ka mina: Xana Nungungulu wa ha solela yini ke? hakuva himani a nga alelako a kuranza kakwe ke? Joba 9:12

Deuteronome 4:39

Zi tive nyamutlha, u zi alakanya mbilwini ya wena, lezaku Jehova i Nungungulu loyi a nga hehla tilweni ni lahasi misaveni; a ku na munwani,

Joxua 2:11

Na hi zwile lezo a timbilu ta hina ti lo nyeka; a ha hi na kutiya ka nchumu hi kota ya nwina; hakuva Jehova Nungungulu wa nwina hi Nungungulu loyi a nga le hehla tilweni, ni lahasi misaveni.