16 Manziko relelani mu va yela; hi lavaya, va kanziha vata hi le xitsungeni xa Zizi. Mu ta ya kumana navo le magumo ka nkova lowu wu cuwukeneko ni xiwula xa Jerueli.
aku: Zwanani nwina nwentlhe vaJuda ni vaaki vontlhe va Jerusalema, na wena hosi Jehoxafate! Jehova i ngalo ka nwina: Mu nga chavi mu mbhela ntamu hi kota ya xidlemo lexi xa hombe nguvu, hakuva a yimpi leyi a hi ya nwina, kanilezi nja Nungungulu.
A hi nwina mu ta ngalwa yimpini leyi: nwina humani mu ya yima ntsena. Mu ta wona a kuhanyisa ka Jehova loyi a nga zinwe na nwina. Mu nga chavi nwina va ka Juda na nwina va le Jerusalema mu mbhela ntamu, manziko fambani mu ya va vuka, Jehova i tava zinwe na nwina. Ekso. 14:13
Jehova a ku ngalo ka Joxua: U nga va chavi, hakuva manziko hi xona lexi xikhati, nzi ta va nyikela vontlhe va dawa mahlweni ka vaIsraeli. U ta tsema misiha ya milenge ya mahaxi yabye, u hisa tikareta tabye hi nzilo.
