2 Kronekele 19:7 - Tshwa Bible

⁷ Makunu ngha mu chava Jehova, mu ti wonela ka lezi mu ta nga zi maha hakuva ku hava kukanganyisa ka Jehova Nungungulu wa hina, hambu ku cuwuka xiyimo xa munhu, ge hambu ku rengelelwa. Miti. 10:34; Rom. 2:11; Efe. 6:9

2 Kronekele 19:7 교차 참조

Genesisi 18:25

Ngha lezo zi nga hi ka wena a ku maha lezo, a ku lovisa valulamileko ni vangalulamangiko. A mulamuli wa tiko a nga ta tsema timhaka hi nongameto ke?

Genesisi 42:18

Zonake hi siku ga wunharu, Josefa aku kabye: Mahani lezi mu ta hanya, hakuva nzi munhu nzi chavako Nungungulu.

2 Samueli 23:3

Nungungulu wa ka Israeli i wulile, A Ribye ga ka Israeli gi te ngalo ka mina: Loyi a fumelako vanhu hi kululama, A mufumeli loyi a chavako Nungungulu,

Nehemia 5:15

Kasi lava va nga wa hi vafumeli hi mahlweni ka mina, va wa binzisa vanhu, va va tekela zakuga ni vinya, ahandle ka 40 wa maxekeli ya siliva. Ina, hambu a malanza yabye ma wa binzisa vanhu. Kanilezi mina a nzi mahangi lezo, hakuva nzi wa chava Nungungulu.

Joba 13:10

Hizinene, i ta mu kawuka, Loku mu hi ni xihlawulela le xihundleni.

Joba 34:19

Nungungulu a nga cuwuki xiyimo xa tihosana, A nga khataleli vafumileko ku hunza zisiwana; Hakuva vontlhe va hi ntiro wa mandla yakwe. Deut. 10:17; Miti. 10:34; Kol. 3:25

Joba 8:3

Nungungulu wa zi kota ku hunzula nongameto ke? Nyamintamu wa zi kota ku hunzula kululama ke? Deut. 32:4

Tisimu 82:2

Ku ta kala kuva rini na ma ha lamula hi kukhohlisa, Ni ku yimela a vanhu va kubiha ke? (Sela.)

Eksodusi 23:8

U nga amukeli a zinyikiwo, hakuva zi vala a mahlo ya lava va wonako, kambe zi byeketa a timhaka ta lava va lulamileko le hubyeni.

Isaya 33:15

Hi yena loyi a fambako kululameni, a wulawulako zinene; Loyi a alako a titshomba ti wulilweko, Loyi a mandla yakwe ma nga amukeliko zakuxavelelwa. Loyi a tindleve takwe ti nga ingiseliko a timhaka ta kudaya, Loyi a valako mahlo yakwe lezaku ma nga woni kubiha.

Mika 7:3

A mandla yabye ma tlharihile ku maha zobiha. Hosana yi kombela, zinyikiwo, ni mulamuli i ranza ku xavelelwa; a wahombe i wulawula a, kumbilukela ka mbilu yakwe, lezo va hlengela ku tlavinyela timhaka.

Mateu 22:16

Va lo ruma ka yena a vapizani vabye zinwe ni va ka Herodi, va yaku: Mugonzisi, ha zi tiva lezaku wena u wa zinene, u gonzisa a ndlela ya Nungungulu hi zinene; a ku khatali hi munhu, hakuva a ku cuwuki a xiyimo xa vanhu.

Mitiro 10:34

Pedro i lo vulula nomu wakwe, aku ngalo: Hakunene nza zi wona lezaku Nungungulu a nga hi na xihlawulela;

Va le Roma 2:11

Hakuva Nungungulu a nga na xihlawulela. Joba 34:19

Va le Roma 9:14

Zonake hi taku yini ke? Ku kona a kungalulami ka Nungungulu ke? Kokwihi! Deut. 32:4

Va le Galatia 2:6

Kanilezi lava va tibyiwako hi lezaku mbamani (kutani mba ku yini, a hi nchumu ka mina; Nungungulu a nga cuwuki xiyimo xa munhu), nzi ngalo: Vona lava va nga vahombe a va nzi engetelangi nchumu. Xip. 6:3; Miti. 10:34; Rom. 2:11; 2 Kor. 2:11

Va le Efesusi 6:9

Na nwina venyi, mahani zalezo ka malanza ya nwina, mu tsika a ku va dzukisa; na mu tiva lezaku loyi a nga Hosi ya vona ni ya nwina i le tilweni, ni lezaku ka yena a ku na kuhlawulwa munhu. Kol. 4:1; 1 Ped. 1:17

Deuteronome 32:4

I Ribye, mitiro yakwe yi mbhelele; Hakuva tontlhe tindlela takwe ti lulamile; I Nungungulu wa kutsumbeka, loyi a nga hiko na kukanganyisa; I na ni wunene, i lulamile.

Va le Kolosi 3:25

Loyi a mahako kubiha i ta tlheliselwa hi kota ya kubiha loku a ku mahileko, hakuva a ku na kuhlawulwa munhu.

1 Pedro 1:17

Loku nwina mu mu vitana muku i Dadani, loyi a lamulako munwe ni munwani hi mitiro yakwe, na a nga cuwuki a xiyimo xa munhu, hanyani hi kuchava a xikhati xa kuluvela ka nwina lomu. Deut. 10:17; Rom. 2:11

1 Samueli 11:7

Zonake i lo tlhava a patswa wa tinkavi, a ti maha zitlubyana a zi rumela tikweni gontlhe ga ka Israeli hi canja ga mitsukano, aku: Kani himani a to kala ku huma a lanza Saule na Samueli, a tihomu takwe ti ta mahiwa kota lezi. A xichabyo xa ka Jehova xi lota hehla kabye, a vanhu va huma na va bohene hi moya munwe. Vala. 20:1