2 Kronekele 19:11 - Tshwa Bible

¹¹ Hi loyi mupristi wa hombe Amaria, i yimisilwe hehla ka nwina a ku wulawula tontlhe timhaka ta Jehova; na Zebadia nʼwana Ixmaeli, a mufumeli wa yindlu ya ka Juda, i leletelwe tontlhe timhaka ta hosi; ni vahlayisi lava va ta nga mu vuna hi vona vaLevi. Tiyani hlana, mu tira! Jehova i tava zinwe ni vanhu va nene.

2 Kronekele 19:11 교차 참조

1 Kronekele 22:11

Makunu, nwananga, ngha Jehova ava zinwe na wena, u vuvuma, u aka a yindlu ya Jehova Nungungulu wa wena, khwatsi hi lezi yena a wulileko xungetano ha wena.

1 Kronekele 22:16

Kasike a nzalama ni siliva, ni suku ni ziketse, zona a zi hlayiwi. Suka u tira! Jehova ave zinwe na wena!

1 Kronekele 22:19

Makunu lavani Jehova Nungungulu wa nwina hi timbilu ta nwina tontlhe, ni mihefemulo ya nwina yontlhe; mu suka mu aka a yindlu ya ku basa ya Jehova Nungungulu, mu neha a arke ga xivumelwano xa Jehova, ni zibya za ku basa za N ungungulu lomu ndlwini leyi mu ta nga yi akela vito ga Jehova.

1 Kronekele 26:30

Lomu xikari ka va ka Hebroni, Haxabia ni vanakulobye, 1,700 wa vavanuna, va wa yimisilwe ku hlayisa va ka Israeli le tlhatuko wa Jordani hi tlhelo ga Mupela-gambo, lomu timhakeni tontlhe ta Jehova ni mitirweni yontlhe ya hosi.

1 Kronekele 26:32

A vanakulobye va Jerija va wa hi 2,700 wa vavanuna, a tinhenha ni tihosana ta tiyindlu ta vararu vabye, lava hosi Davida a va yimisileko hehla ka va ka Rubeni ni va ka Gadi ni khihlanya ga nyangwa ya Manasa, a ku lulamisa a timhaka tontlhe ta Nungungulu, ni timhaka ta hosi.

1 Kronekele 28:20

Davida i lo engeta kambe aku ka nʼwana wakwe Solomoni: Tiya hlana, u ngavi na hlenekera; maha zalezo! U nga chavi, u nga mbheli ntamu, hakuva Jehova Nungungulu, yena Nungungulu wa mina, i tava zinwe na wena; cima a nga ta ku tsika hambu ni ku ku rivala ka yontlhe mitiro ya yindlu ya Jehova kala yi mbhela.

1 Kronekele 6:11

Azaria i lo beleka Amaria, Amaria a beleka Ahituba;

2 Kronekele 15:2

i lo ya khinga Asa a yaku kakwe: Wena Asa, na nwina nwentlhe vaJuda, ni va ka Benjamini, nzi ingiseni! Jehova i zinwe na nwina, loku nwinawu mu hi naye; loku mu mu hlota mu ta mu kuma; kanilezi loku mu mu tsika, yenawu i ta mu tsika. Deut. 4:29; Jer. 29:13

2 Kronekele 15:7

Makunu nwina, ngha muva ni ntamu, mu nga tsiki a mandla ya nwina mava ni gome, hakuva mu tava ni nchachazelo ntirweni wa nwina.

2 Kronekele 19:6

I te ngalo ka Valamuli: Ti woneleni ka lezi mu ta nga zi maha, hakuva a mu lamuli hi ku rumiwa hi vanhu, kanilezi mu rumiwa hi Jehova; hikwalaho mu zinwe na yena kulamuleni ka nwina. Rom. 13:1

2 Kronekele 19:8

Le Jerusalema, Jehoxafate i lo yimisa va ka Levi, ni vapristi, ni tinduna ta tiyindlu ta vararu va ka Israeli ku lamula timhakeni ta Jehova, ni timhakeni ta timholova ta vanhu.

Ezra 7:5

nʼwana Abixua, wa Fineasi, wa Eleazare, wa Aroni, a mupristi wa hombe,

Tisimu 112:5

I katekile a munhu loyi a zwelako wusiwana, a lombisa, A timhaka takwe ti ta yimeliwa kulamulweni. Mav. 14:21; Lu. 6:34

Tisimu 37:23

Jehova wa tiyisa a mikonzo ya loyi a lulamileko, Wa xalaliswa hi hanyela gakwe.

Mavingu 2:20

Lezo u ta famba hi tindlela ta lava va nene, tiya tindleleni ta vakululama.

Mutshawuteli 2:26

Hakuva Nungungulu i nyika a wutlhari ni wutivi ni litsako ka munhu loyi a mu xalalisako; kanilezi a ka muonhi i mu nyika a ntiro wa ku hlengeletela ni ku wungeletela, kasi ku nyika loyi a xalalisako Nungungulu. Lezo kambe a zi nyawuli, hi ku lanza mheho ntsena.

Jeremia 6:16

Jehova i ngalo: Yimani tindleleni, mu languta; mu wutisela a tindlela ta kale, muku: Xana a ndlela yinene hi yihi ke? zonake fambani ha yona, mu ta kuma kuhumula ka mihefemulo ya nwina. Kanilezi vona va lo hlamula, vaku: A hi vumeli ku famba ha yona. Isa. 28:12; Mat. 11:29; 23:37

Malaki 2:7

Hakuva a milomu ya mupristi yi fanele ku hlayisa a wutivi, a nayo wu ta labyiwa nonwini wakwe, hakuva hi yena ntsumi wa Jehova wa tiyimpi: Hag. 1:13; 1 Kor. 5:20

Luka 23:50

Ku wa hi kona a nghanakana gi vitwako Josefa, a munhu wo saseka, a lulamileko,

Mitiro 11:24

Kakuva i wa hi munhu nene, a teleko hi Moya wa ku Basa ni kukholwa; ni vanhu vo tala va lo ti nyikela ka Hosi.

1 Va le Korinte 16:13

Rinzelani, muku nde kukholweni, mu maha xinuna, muva ni ntamu.

2 Timote 2:1

Wena-ke, nwananga, ngha uva ni ntamu tipswalweni leti ti nga ka Kristu Jesu. Efe. 1:19; 3:16; 6:10; Kol. 1:11; 1 Tim. 1:2

Joxua 1:6

Tiyisa mbilu, uva ni ntamu, hakuva hi wena u ta nga avela lava vanhu a tiko legi nzi hlambanyileko ka vararu vabye a ku va nyika gona.

Joxua 1:9

Xana a nzi ku leletelangi, nziku: Tiyisa a mbilu, uva ni ntamu: u nga chavi, u nga tsemeki hlana; hakuva Jehova Nungungulu wa Wena i zinwe na wena kontlhe lomo u ta ngava kona.