14 Va lo mu lahla lomu nkeleni lowu a nga wa ti mahele yena wutsumbu a mutini wa Davida. Va lo mu etlelisa ka mubhedi wu teleko hi masema yo nuhela ni tixaka tontlhe ta mimiri ti tlhanganyisilweko hi wutlhari. Va lo mu hisela a tibani to tala to nuhela.
Dadani wa mina i nzi hlamhanyisile aku: Nzi lava kufa; u ta ya nzi lahla nkeleni wa mina, lowu nzi ti xaveleko tikweni ga Kanani. Makunu nzi vumeleni nzi kanziha nzi ya lahla dadani; nzi ta wuya.
Zonake va lo teka Asaheli va ya mu lahla le xilahleni xa raru wakwe, le Betlehema. Joabe ni vanhu vakwe va lo famba wusiku gontlhe, giku gi sangula kuca na va chikela le Hebroni.
A wubabyi gi lo kula siku ni siku; kumbheleni ka malembe mambiri a marumbu yakwe ma lo huma hi kota ya ntamu wa wubabyi lego. I lofa hi tsheku ya hombe. A vanhu vakwe a va mu hiselangi tibani khwatsi hi lezi va nga mahelwa vararu vakwe. 1 Sam. 31:12; Jer. 34:5
Hezekia i lo etlela zinwe ni vararu vakwe, va mu lahla lomu wutshanwini gi tlakukileko, xikari ka xilahla xa vana va Davida; vontlhe va ka Juda ni va le Jerusalema va lo mu dzunza kufeni kakwe. Zonake a nʼwana wakwe Manasa i lo fuma xikhundleni xakwe.
Zinghaho a malanza yakwe ma lo mu tlakula ma mu humesa lomu kareteni va mu khilelisa ka yinwani kareta yakwe, va mu yisa Jerusalema. I lofa, a lahliwa xilahleni xa vadadani vakwe. A vaJuda vontlhe ni va le Jerusalema va loba nkosi va rila Josia. Zak. 12:11
U tafa hi kurula; u tava ni malahlelwa ya kuhiswa khwatsi hi kuhiswa ka vararu va wena, a tihosi ta kaleloko leti ti nga hi mahlweni ka wena; va ta ku rilela, vaku: Yowee, hosi! Hakuva hi mina nzi wulileko lezo, ku wula Jehova. 2 Kro. 16:14
Laha a sabado gi nga hunzile, Maria wa le Magdala, na Maria a nyine wa Jakobe, na Salome, va lo xava mubandwa, kasi va fela ku ya mu tota. Mat. 28:1; Lu. 24:1; Joh. 20:1
Vontlhe vavanuna va tinhenha va lo suka, va famba wusiku gontlhe, va ya teka xirumbi xa Saule ni za vana vakwe laha khurisini ga le Betexane; vaya nazo le Jebexe va ya zi hisa kona.
