2 Kronekele 16:10 - Tshwa Bible

¹⁰ Zonake Asa i lo zangarela a muwoni a mu hoxa paxweni. I wa mu zangarele nguvu hi kota ya mhaka leyo. I lo xanisa a vanwani vo kari ka xwalexo xikhati.

2 Kronekele 16:10 교차 참조

2 Samueli 11:4

Davida i lo rumela a mitsumi a ku ya mu teka; i lota kakwe a ta etlela naye; hakuva i wa ti basisile kungahlazekeni kakwe. Zonake i lo tlhela aya ndlwini yakwe. Levi 15:19

2 Samueli 12:13

Zonake Davida i te ngalo ka Natani: Nzi onhile ka Jehova. Kanilezi Natani i te ngalo ka Davida: Jehova i susile xionho xa wena; cima u nga tafa;

2 Samueli 12:31

I lo humesa a vanhu lava va nga wa hi lomo a va veka masahweni, ni lomu mitirweni ya zihloka za ziketse, a va wumbisa zitini; i lo maha zalezo ka yontlhe miti ya vanana va ka Amoni. Zonake Davida i lo tlhelela Jerusalema ni vanhu vakwe vontlhe.

1 Tihosi 13:4

Laha hosi Jeroboamu a nga wa zwile a gezu ga munhu wa Nungungulu na giba huwa mahlweni ka alati ga le Beteli, yena i lo nawuluta a canja gakwe na a hi laha alatini, aku: Mu khomeni! A canja gakwe legi a nga wa gi nawulutile gi su kokotsolo, a nga ha zi koti ku gi tlhelisa wutshanwini ga gona.

1 Tihosi 22:27

A hosi yi ngalo: Enghenisani inaloyi lomu paxweni, mu mu nyika zibaba ni mati ya tiperesu, kala nzi ya wuya hi kurula.

2 Kronekele 16:11

A zimaho za Asa zo sangula ni zo gumesa zi tsalilwe lomu bhukwini ga tihosi ta ka Juda ni ta ka Israeli.

2 Kronekele 16:9

Hakuva a mahlo ya Jehova ma languta misaveni yontlhe a ku tiyisa lava va nga vakwe hi timbilu tabye tontlhe. U mahile wupumbu mhakeni leyi, hakuva kusukela lezi u tava ni tiyimpi. Jer. 16:17; 32:19; Zak. 4:10

2 Kronekele 18:26

mu ya ku ngalo ka vona: A hosi yi ngalo: Enghenisani inaloyi paxweni, mu mu phamela zakuga za tsheku ni mati ya tsheku, kala nzi wuya hi kurula.

2 Kronekele 25:16

Khwatsi hi lezi a nga wa wulawula naye, a hosi yi te ngalo kakwe: Hi ku yimisile a kuva ginwe ga masungukati ya hosi ke? Suka u famba! U laʼku dawelwa yini ke? Zonake muprofeti i lo Suka, aku: Nza wona lezaku Nungungulu i xuvile ku ku lovisa hi kota ya zilo lezi u zi mahileko; a ku ingisangi a gezu ga mina.

2 Kronekele 26:19

Uzzia 1 lo zangara, na a welele a xibya xo hisela kona libani; na a ha zangarela vapristi, ku lo woneka a hlokonho laha ximombyeni xakwe mahlweni ka vapristi kwalomo ndlwini ya Jehova, kusuhani ni alati ga libani.

Joba 20:19

Hakuva i tsimbeketile a zisiwana, a zi tsika, I wutlile a tiyindlu, a nga zi koti ku ti akisa.

Tisimu 141:5

A wakululama a nzihe, gi tava wuxinji; A nzi laye, ku taku khwatsi mafura hlokweni ya mina; A hloko ya mina yi nga ta ma ala. Nzi ta va kombelela ni lomu hlomulweni wabye.

Isaya 51:23

Kanilezi nzi ta yi veka mandleni ya vaxanisi va wena, Lava va teku ka wena: Korama, hi hunza; Zonake a hlana wa wena u wu maha a kuva misava, U ku khwatsi u ndlela ka vahunzi.

Jeremia 20:2

i loba Jeremia muprofeti, a mu khotsela makhotsweni ma nga hi le nyangweni ya le hehla ya Benjamini, lomu ndlwini ya Jehova. Jer. 29:26; 37:15

Jeremia 26:21

A hosi Jehoiakimu ni tinhenha takwe tontlhe, ni tihosana tontlhe, loku va zwile a timhaka takwe, a hosi yi lo hlota ku mu daya. Loku Uria a zi zwile i lo chava, a pfowola aya Gipite.

Jeremia 29:26

Jehova i ku yimisile a kuva mupristi a wutshanwini ga Jehoyada a mupristi, kasi kuva kona varangeli ndlwini ya Jehova, lezaku u boha hi makhotso ni tisinga lava va hlanyako, va ti maha vaprofeti.

Jeremia 37:15

A tihosana ti lo zangara ha Jeremia, ti muba, ti mu khotsela paxweni, lomu ndlwini ya Jonatani a mutsali, hakuva va wa yi mahile a paxo.

Jeremia 51:34

Nebukadrezzare a hosi ya le Babuloni i hi gile, i hi rizile; i hi mahile a zibya za maphanga, i hi mitile khwatsi i dragoni, i tatile khwiri gakwe hi malongo ya hina, i hi hlongole.

Mikosi 3:34

A ku tsimbeketa a tiperesu to ntlhe ta tiko,

Luka 3:20

i lo engeta ka zontlhe lezo hi ku mu valela Johani paxweni.