A mitiro ya Rehoboamu yo sangula ni yo gumesa yi tsalilwe lomu ka matimu ya muprofeti Xemaia, ni ya Iddo a muwoni, ni lomu mabhukwini ya zizukulwana. Zikhatini zontlhe lezo ku wa hi kona kulwa xikari ka Rehoboamu na Jeroboamu.
Hikwalaho Jehova i lo va nehela vanhu va ta va vukela, ti nga tinduna ta tiyimpi ta hosi ya Assiria, ti ta khoma Manasa, ti mu boha hi mangenje ya suku, va mu yisa le Babuloni. Deut. 28:36; 2 Tih. 20:17
Hikwalaho i lo va rumela a hosi ya maKaldea, yi ta daya majaha yabye hi matlhari lomu ndlwini yabye yo basa; a nga nyenyeletelangi majaha, hambu ni vanhanyana, ge hambu zikhosana zi nga ni wuvu; i lo va nyikela vontlhe mandleni yakwe.
Nza mu ruma a ku yalwa ni tiko gi bihileko, Nzi mu leletele a ku ya vukela a vanhu lava nzi va zangareleko, A ku va phanga ni ku wutla zilo zabye, Ni ku va kanzihelele khwatsi hi nzhope ya lomu maphangweni.
Nzi ta kucetela maGipite akuva ma vukela maGipite; Lezaku munhu alwa ni nakulobye, a muakelane a vukela mu-akelane-kulobye, A muti wu vukela muti, a mufumo wu vukela mufumo.
Nzi ta khungumula a zitshamu za wuhosi za mifumo, nzi ta fuvisa a ntamu wa mifumo ya vamatiko; nzi ta hangalasa a tikareta ni vakhileli va tona; a mahaxi ni vakhileli va wona va ta dawa munwe ni munwani hi supado ya nakulobye.
Hakuva a tiko gi ta vukela tiko, ni mufumo wu vukela mufumo; ku tava kona kutsekatseka ka misava matshanwini ma tsalangeneko; ni tindlala ti tava kona; lezi zilo hi kusangula ntsena ka kuxaniseka. Mat. 24:8
A zanga ya Jehova yi lo vindlukela Israeli, a va nyikela canjeni ga vaphangi, lava va nga va phanga, a va nyikela mandleni ya valala vabye lava va va ranzeleko, laha kaku va tsanzeka ku yima mahlweni ka valala vabye. Tis. 44:12; Isa. 50:1
