Biblia Todo Logo
온라인 성경

- 광고 -




2 Kronekele 15:12 - Tshwa Bible

12 Va lo funga ku hlota Jehova Nungungulu wa vararu vabye hi timbilu tabye tontlhe, ni mihefemulo yabye yontlhe;

장을 참조하십시오 복사




2 Kronekele 15:12
22 교차 참조  

Loku va tlhelela ka wena hi timbilu tabye tontlhe ni mihefemulo yabye yontlhe na va hi kwaleyo tikweni ga valala vabye lava va va khomileko; va khongela na va cuwukile tlhelo ga tiko gabye legi u nyikileko vararu vabye, ni tlhelo ga muti lowu u wu tengileko, ni tlhelo ga yindlu leyi nzi yi akeleko vito ga wena; Dan. 6:10


Jehoiada i lo maha xivumelwano xikari ka Jehova ni hosi ni vanhu, lezaku vona va tava vanhu va Jehova, a maha kambe xikari ka hosi ni vanhu.


A hosi yi lo yima hi laha nyangweni yi maha xivumelwano mahlweni ka Jehova lezaku i ta lanzela Jehova, a hlayisa milayo yakwe, ni timhaka takwe, ni zileletelo zakwe hi mbilu yakwe yontlhe, ni muhefemulo wakwe wontihe, ni kutiyisa ka timhaka ta xivumelwano lexi, leti ti tsalilweko lomu bhukwini legi. A vanhu vontlhe va lo ti boha xivumelwaneni lexo. Jox. 24:25


A va ka Levi va lo lanzelwa hi vanhu vanyingi va tontlhe tixaka ta ka Israeli, lava va nga wa ranza ku hlota Jehova Nungungulu wa ka Israeli. Va lota Jerusalema a ku ta phahlela ka Jehova Nungungulu wa vadadani vabye.


Kanilezi a xikhati va nga wa hi zikaratweni, va lo tlhelela ka Jehova Nungungulu wa ka Israeli, va mu hlota va mu kuma.


Hambu lezo zi kona zilo zo saseka zi kumilweko ka wena, hakuva wena u susile a zifananiso za Axtarte lomu tikweni, u hlota Nungungulu hi mbilu yontlhe ya wena.


Jehoiada i lo maha xivumelwano xikari kakwe ni vanhu ni hosi, lezaku vona va tava vanhu va Jehova.


Makunu mina nzi xuva ku maha xivumelwano na Jehova, Nungungulu wa ka Israeli, kasi a zanga yakwe yo chaviseka ya suka ka hina.


Va lo namarela ka vanakulobye, ma nga manghanakana yabye, va enghena navo kuhlambanyeni ni xifungweni xa ku maha milayo ya Nungungulu leyi va nga wa nyikilwe hi Mosi a nanza ga Nungungu, ni ku hlayisa va maha zontlhe zileletelo za Jehova a Hosi ya hina, a ziyimiso ni zilayelo zakwe;


Hikwalaho ka zontlhe lezo, ha maha xivumelwano xi tiyileko, hi ku xi tsala; a tihosana ta hina, ni vaLevi va hina, ni vapristi va hina va xi tiyisa.


Va ta wutisa ha Zioni, a tinghohe tabye na ti cuwuka kona, vaku: Tanani mu ta boha zinwe na Jehova a xivumelwano xa pinzukelwa lexi xi to kala xi nga rivaliwi.


Hakunene nza vumela ka wena lezaku nzi khozela Nungungulu wa vadadani va hina hi ndlela leyi va yi wulako Kupenga; kanilezi nzi kholwa zontlhe lezi zi tsalilweko nayweni ni lomu ka mitsalo ya vaprofeti. Xip. 9:2; 26:22; 23:23; 2 Tim. 1:3


A va nyikangi lezi hi nga tsumbile zona ntsena, kanilezi va lo ranga va ti nyikela ka Hosi, zonake va lo ti nyikela ka hina hi kuranza ka Nungungulu. Mat. 25:40; Fil. 4:18; Maheb. 13:16


Makunu-ke Israeli, Jehova Nungungulu wa wena i lava yini ka wena ke? A hi lezaku u mu chava Jehova Nungungulu wa wena, u famba hi tontlhe tindlela takwe, u mu ranza, u tirela Jehova Nungungulu wa wena hi mbilu yontlhe ya wena, ni muhefemulo wontihe wa wena;


Leti hi timhaka ta xivumelwano lexi Jehova a nga leletela Mosi a ku maha zinwe ni vanana va ka Israeli le tikweni ga Moabi, ahandle ka xivumelwano lexi a nga xi maha zinwe navo le Horebe.


ni vanana va nwina, ni vasati va nwina, ni valuveli va nwina lava va nga lomu wugovelweni ga nwina, kusukela ka vatsemi va tihunyi ta nwina ni vakhi va mati ya nwina.


Mu yimile laha kasi nwina mu fela ku enghena ka xivumelwano xa Jehova Nungungulu wa nwina, lexi xi tiyiswako hi kuhlambanya, lexi Jehova Nungungulu wa wena a xi mahako zinwe na wena legi siku.


Hi kona mu ta nga ya lava Jehova Nungungulu wa nwina; lahoke loku u ya mu lava hi mbilu ya wena yontlhe, ni muhefemulo wa wena wontihe, u ta mu kuma. Isa. 55:6; Hos. 3:5


U ta ranza Jehova Nungungulu wa wena hi mbilu yontlhe ya wena, ni muhefemulo wontihe wa wena, ni ntamu wontihe wa wena. Lu. 10:27


Zonake Joxua i lo maha xivumelwano ni vanhu lego siku, ni ku va vekela nayo ni xileletelo leyo Xekemi.


우리를 팔로우하세요:

광고


광고