2 Kronekele 14:14 - Tshwa Bible

¹⁴ Va lo hlasela a miti yontlhe leyi yi nga wa hi kusuhani ni Gerare, hakuva va wa tatisilwe hi wutoya ga ku chava Jehova; va lo phanga yontlhe miti hakuva yi wa hi ni tshomba yo tala nguvu.

2 Kronekele 14:14 교차 참조

Genesisi 35:5

Va lo andlamuka. A xichavo xa Nungungulu xi wa hi ka miti leyo yi nga wa va ranzele, hikwalaho vona a va va lanzangi a vana va Jakobe.

1 Tihosi 15:23

A timhaka tinwani ta Asa ni yontlhe mitiro yakwe, ni zontlhe lezi a mahileko, ni miti leyi a akileko, zi tsalilwe lomu bhukwini ga Matimu ya tihosi ta ka Juda. Ntsena lezaku xikhatini xa wukhosana gakwe i babyile hi milenge.

2 Tihosi 7:16

A vanhu va lo huma va ya phanga a wugovelo ga maSiria. Zinghaho a Xipimo xa mapa yo saseka xi lo xabyiwa hi xekeli, a zipimo zimbiri za sevada zi xabyiwa hi xekeli, khwatsi hi lezi Jehova a wulileko.

2 Kronekele 14:15

Va lo phanga ni maranga ya mitlhambi, zonake va lo famba ni tiyivu ni makameli va tlhela va famba Jerusalema.

2 Kronekele 17:10

Matiko wontihe ma wa tele hi xichawo xo chava Jehova, a matiko lawa ma ranzelekeleko va ka Juda; wona a ma hlomangi yimpi va vukela Jehoxafate.

2 Kronekele 20:25

A xikhati lexi Jehoxafate ni vanhu vakwe va ngata ku ta phanga, va lo ta kuma xikari ka zirumbi a titshomba tinyingi ni zilo za lisima; va lo zi teka na zi tele va tlhela va tsanzeka ni ku zi rwala. Va lo phanga titshomba hi masiku manharu hakuva ti wa tele nguvu.

2 Kronekele 20:29

Zonake laha a mifumo ya matiko wontihe yi ngazwa lezaku Jehova i lwile ni valala va ka Israeli, yi lo chava Nungungulu.

Joba 15:21

A guwa ga kuchaviseka ga zwala tindleveni ta yena; Hambu loku ku rulile a mulovisi i ta wela hehla kakwe. Levi 26:36; Deut. 28:65

Tisimu 68:12

A tihosi ta tiyimpi ti tsutsuma, ti tsutsuma, Ni mamani a seleko kaya wa avanyisa muphango.

Isaya 31:9

A khokhola gakwe gi ta lova hi kuchava, ni tihosana takwe ti ta rurumela mahlweni ka nghapa, ku wula Jehova, loyi a nzilo wakwe wu nga le Zioni, ni nzhimbo wakwe wu nga le Jerusalema. 2 Tih. 19:35

Isaya 33:23

A magota ya wena ma nyesetilwe, Ma wa nga zi koti ku tiyisa a mulingwati, ni ku gwimba tangi. Kanilezi xikhatini lexo ku ta aveliwa a muphango wa hombe, Hambu ni zilema zi ta phanga.

Va le Roma 8:37

Kanilezi ka zontlhe lezi zilo ha hlula ni ku hlula ha yena loyi a nga hi ranza. 1 Joh. 5:4

Deuteronome 2:25

Inyamutlha nzi ta sangula ku chavisa ni ku dzukisa ha wena a matiko wontihe lawa ma nga lahasi ka tilo. Ma ta rurumela ma mbhela ntamu mahlweni ka wena, laha va ta ngazwa a wudumo ga wena. Ekso. 23:27; Deut. 11:25

Joxua 2:24

Na vona va te ngalo ka Joxua: Hakunene Jehova i nyikile tiko gontlhe mandleni ya hina, hakuva a vaaki va tiko va mbhelile ntamu hi kota ya hina.

Joxua 5:1

Na ku mahisile lezo laha a tihosi ta maAmori leti ti nga le Mupela-gambo wa Jordani, ni tihosi tontlhe ta maKanani, leti ti nga wa hi le mbhirini wa bimbi, na ti zwile lezaku Jehova i womisile a mati ya Jordani mahlweni ka vanana va ka Israeli, va kala va tlhatuka, a timbilu tabye ti lo nyeka, va tsemeka mihlana hi kota ya vanana va ka Israeli.

Valamuli 14:19

A Moya wa Jehova wu lota ka yena. I lo relela aya le Axkeloni, a ya daya 30 wa vanhu; a phanga tinguwo tabye a ta nyika lava va nga lanzula liteketelo lakwe. I lo zangara nguvu, a tlhela aya ka raru wakwe.

1 Samueli 14:15

Ku wa hi ni nchavo ni kururumela lomu magovelweni ni lomu tikweni ni xikari ka vanhu vontlhe va tiko. A vavanuna va mabutho ni lava va nga wa fambile ku ya phanga, va lo rurumela hi ku chava na vonawu; ni misava yi lo tsekatsekiswa. Ku wa hi ni kuchaveka ka hombe ku tileko hi ka Nungungulu. Gen. 35:5; Ekso. 14:24