2 Kronekele 14:11 - Tshwa Bible

¹¹ Asa i lo khongela ka Jehova Nungungulu wakwe, aku: Jehova, ahandle ka wena, cima a nga kona munwani a zi kotako ku vunetela lava va nga hiko na ntamu, loku va vukelwa hi lava va nga ni ntamu. Hi vune wena Jehova Nungungulu wa hina, hakuva hina hi tsumba ka wena; hi hlomile yimpi leyi vitweni ga wena a ku talwa ni xidlemo lexi. Wena u Jehova Nungungulu wa hina; ngha a nga hi kona munhu a hlulako wena! Vala. 7:2, 7; 1 Sam. 14:6

2 Kronekele 14:11 교차 참조

1 Tihosi 8:44

Ni loku a vanhu va wena va hloma yimpi ya ku yalwa ni nala wabye, na va kari va famba hi ndlela leyi u ta nga va kombisa yona, va khongela Jehova, va cuwuka tlhelweni ga muti lowu wena u wu tengileko, ni tlhelo ga yindlu leyi nzi yi akeleko a vito ga wena;

1 Kronekele 5:20

Va lo vunetelwa kulwa navo; a vaHagrate ni vavuni vabye va lo nyikelwa mandleni yabye, hakuva a xikhati va ngalwa va wa rila ka Nungungulu, zonake yena a va ingisa, hakuva va wa tsumba ka yena.

2 Kronekele 13:12

Makunu langutani, Nungungulu i na hina a hi rangela, zinwe ni vapristi vakwe, ni mipunzu leyi Va bako kasi ku mu hangalasa. O, va ka Israeli, mu nga hlomi yimpi muiwa na Jehova Nungungulu wa vararu va nwina, hakuva cima mu nga ta hlula.

2 Kronekele 13:14

A xikhati lexi a va ka Juda va nga cuwuka le nzhako, va lo kuma lezaku ku wa hi ni yimpi le mahlweni ni le nzhako kabye. Zonake va lo rila ka Jehova, a vapristi vaba mipunzu.

2 Kronekele 13:15

A vavanuna va ka Juda va loba huwa, Nungungulu a hlasela Jeroboamu ni vontlhe va ka Israeli, a va hlula mahlweni ka Abija ni va ka Juda.

2 Kronekele 13:18

A va ka Israeli va lo khoziswa xikhatini lexo, a va ka Juda va hlula, hakuva va wa tsumba Jehova Nungungulu wa vararu vabye.

2 Kronekele 14:10

Zonake Asa i lo hlomisa a yimpi a mu khinga, va ya tlhangana lomu mikoveni ya Zefata kusuhani ni le Marexa.

2 Kronekele 16:7

Xikhatini xwalexo, Hanani a muwoni i lota ka Asa a hosi ya ka Juda a taku kakwe: Lezi wena u tsumbileko a hosi ya le Siria, u nga tsumbi Jehova Nungungulu wa wena, hi kota ya lezi a mabutho ya hosi ya le Siria ma pswhutukile canjeni ga wena.

2 Kronekele 18:31

Laha a tinduna ta tikareta ti nga wona Jehoxafate, ti te ngalo: Hi leyi a hosi ya ka Israeli! Va lo yi ranzela a kuva valwa naye. Kanilezi Jehoxafate i loba huwa; zonake Jehova i lo mu ponisa, Nungungulu a va kucetela ku mu tsika.

2 Kronekele 20:12

Nungungulu wa hina, u nga ta va lamula ke? Hakuva hina a hi na ntamu wa kulwa ni xidlemo xa hombe nguvu xi tako ku ta hi vukela; a hi zi tivi lezi hi to maha, kanilezi a mahlo ya hina ma cuwukele ka wena.

2 Kronekele 20:32

I lo lanzela ndlela ya raru wakwe Asa, a nga hambukangi a huma ka yona; i lo maha kululama mahlweni ka Jehova.

2 Kronekele 25:8

Loku u famba navo, hambu loku u hi ni ntamu, Nungungulu i ta ku wisa lahasi mahlweni ka valala va wena, hakuva Nungungulu i na ni ntamu ku vuna ni ku wisa lahasi.

2 Kronekele 26:7

Nungungulu i lo mu vuna ku hlula vaFilistia ni vaArabia lava va akileko le Gur-Baali ni vaMeunime.

2 Kronekele 32:20

Kanilezi hosi Hezekia i lo khongela hi kota ya timhaka leti, zinwe na muprofeti Isaya, va lo vitana le tilweni.

2 Kronekele 32:8

Yena i na ni woko ga nyama, kanilezi hina hi na na Jehova Nungungulu wa hina, a hi vunetela ni ku hi lwela tiyimpi ta hina. A vanhu va lo tiyiswa hi magezu ya Hezekia hosi ya ka Juda.

Tisimu 120:1

Nzi loba huwa ka Jehova kuxani sekeni ka mina, Yena i lo nzi hlamula.

Tisimu 18:6

Nzi lo khongela ka Jehova kuhlokisweni ka mina, Nzi rila ka Nungungulu wa mina; Yena i lozwa a gezu ga mina na a hi tempeleni yakwe, A huwa ya mina mahlweni kakwe yi lota enghena tindleveni takwe.

Tisimu 20:5

Hi ta tsaka hi kota ya kuhlula ka wena, Hi tlakusa tinghapa vitweni ga Nungungulu wa hina; Jehova a ku nyike zontlhe lezi u zi kombelako.

Tisimu 20:7

A vanwani va tsumba tikareta, vanwani va tsumba mahaxi, Kanilezi hina hi kumbuka a vito ga Jehova, a Nungungulu wa hina.

Tisimu 20:8

Vona va korama, vawa lahasi, Kanilezi hina hi vuka hi yima hiku nde, nde!

Tisimu 22:5

Va lo rilela ka wena, va tlhatlhiswa; Va ku tsumbile, hikwalaho a va wisiwangi tingana.

Tisimu 22:6

Kanilezi mina nzi xiwungwani, a nzi munhu; Nzi xisolo vanhwini, nzi kanyiswa hi tiko. Isa. 52:14; 53:3

Tisimu 34:6

A munhu loyi wa xisiwana i lo kombela, na Jehova i lo ingisa, A mu ponisa zikaratweni zakwe zontlhe.

Tisimu 37:5

Nyikela a ndlela ya wena ka Jehova, Tsumba kakwe, yena i ta zi maha. Mav. 16:3; 1 Ped. 5:7

Tisimu 50:15

Nzi vitane zikhatini za makhombo; Nzi ta ku hlanguta, na wena u ta nzi dumisa. Mat. 7:7

Tisimu 9:19

Vuka, Jehova, u nga vumeli vanhu a kuva ni migiyo; Ngha matiko wontihe ma lamulwa mahlweni ka wena.

Tisimu 91:15

I ta rila ka mina, nzi ta mu hlamula, Nzi tava naye a khombyeni; Nzi ta mu ponisa, nzi mu maha a dzunziwa.

Eksodusi 14:10

Laha Faro a nga kari a tshinela, a vanana va ka Israeli va lo tlakusa mahlo, va wona vaGipite na va kari va va lanza. Zonake a vanana va ka Israeli: va lo chava nguvu, vaba huwa ka Jehova.

Mavingu 18:10

A vito ga Jehova i khokhola go tiya; oyi a lulamileko wa chavela ka gona a pona.

Isaya 10:20

A xikhatini lexo a misalela ya va ka Israeli, Ni lava va ponileko va yindlu ya ka Jakobe, Va nga ta ha khigela ka loyi a va bileko; Kanilezi va ta tsumba Jehova, Loyi a Basileko wa ka Israeli.

Isaya 2:22

Hikwalaho mu nga ha tsumbi munhu loyi a nga ni kuhefemula ntsena tinhovini takwe; hakuva i vuna yini munhu ke?

Isaya 26:13

O Jehova, Nungungulu wa hina, Hina hi fumelwe hi tinwani ti hosi a handle ka wena, Hi kota ya wena hi ta dumisa vito ga wena.

Jeremia 1:19

Va talwa na wena, kanilezi va nga ta ku hlula; ihakuva mina nzi zinwe na wena, kasi ku ku ponisa, ku wula Jehova.

Levi 26:8

A ntlhanu wa vanhu va ka nwina va ta hlongolisa a zana ga vanhu, ni zana ga va ka nwina Va ta hlongolisa a zana ga mazana; a valala va nwina va ta dawa hi matlhari ya nwina. Jox. 23:10; 2 Kro. 14:9, 12

Amosi 5:9

Wa lovisa a wantamu hi xitshuketi, a khungumula makhokhola.

Zakaria 2:8

Hakuva Jehova wa tiyimpi i ngalo: Anzhako ka kungangamela i nzi rumile ka matiko lawa ma ku hlaseleko, hakuva loyi a mu khumbako i khumba a nzololwani ya tihlo gakwe.

Mateu 16:18

Na mina nziku ka wena: Wena u Pedro, a hehla ka ribye legi nzi ta aka handla ga mina; a tinyangwa ta Hayidesi ti nga ta gi hluta. Joh. 1:42; Efe. 2:20; Kuv. 21:14

Johani 14:1

A timbilu ta nwina ngha ti nga karateki; kholwani ka Nungungulu, mu kholwa ka mina kambe. Xip. 16:22

Johani 14:27

A kurula nza ku siya ka nwina; nza mu nyika a kurula ka mina; a nzi mu nyiki kota lezi gi nyikisako zona tiko. A timbilu ta nwina ngha ti nga karateki, hambu ni ku chava. Fil. 4:7; Kol. 3:15

Mitiro 2:21

Ku ta maheka lezaku ni wihi a ta nga khongela vitweni ga Hosi i ta hanyiswa. Rom. 10:13

Mitiro 3:16

Hi kukholwa vitweni gakwe, gona vito gakwe gi mu nyikile ntamu loyi munhu, loyi mu mu wonako, mu mu tiva; ina, a kukholwa ka Jesu ku mu hanyisile mahlweni ka nwina nwentlhe. Mat. 9:22; 1 Ped. 1:21

Mitiro 9:4

I lowa hasi, azwa a gezu gi ngaku ka yena: Saule, Saule, hi yini u nzi xanisako ke? Mat. 25:40

Va le Roma 8:31

Makunu hi taku yini hi lezi zilo ke? Loku Nungungulu a hi zinwe na hina; himani loyi a nga hi vukelako ke?

Deuteronome 32:27

Loku ku wa nga hi lezo nzi chavako a kutikulisa ka valala vabye; Lezaku a valala va ta kala va nga nzi pimi, Vaku: A mandla yahina ma tlakusilwe, A hi Jehova a nga maha lezi zilo zontlhe. Mitse. 14:15; Ezek. 20:14

Deuteronome 32:30

Xana munhu a nga hlongolisa kuyini a 1,000 wa vanhu ke? A vanhu vambiri va nga hlongola 10,000 wa vanhu ke? Loku a Ribye gabye gi nga va xavisangi, Ni loku Jehova a nga va nyikelangi ke?

Deuteronome 32:36

Hakuva Jehova i ta yimela vanhu vakwe, Ni kambe i ta hawukela malanza yakwe, Laha a ta nga wona lezaku a ntamu wabye wu mbhelile. Ni lezaku ku nga ta sala ni munwe wa vona. 1 Tih. 14:10; 2 Tih. 14:26

Valamuli 7:7

Jehova aku ka Gideoni: Nzi ta mu tlhatlhisa hi vanhu lava va 300 va kapiteleko mati; nzi ta nyikela vaMidiani mandleni ya wena na vona. Kanilezi a vanwani a va tlhele, loyi ni loyi a famba kaya kakwe. 1 Sam. 14:6; 2 Kro. 14:11

1 Samueli 14:6

Jonatani aku ka jaha legi gi nga hi muweleli wa matlhari yakwe: A hiye le ka butho ga makhuna, kutani Jehova i ta hi lwela, hakuva a xi kona xi tsanzekisako Jehova ku ponisa, hambu loku ku hi vanhu vo tala kutani va tsongwani.

1 Samueli 17:47

Wontihe hlengeletano lowu wu ta zi tiva lezaku Jehova wa ponisa, kanilezi na ku nga hi supado ni tlhari, hakuva a kulwa ni kuhlula za Jehova; makunu i mu nyikele nwina mandleni ya hina.

1 Samueli 2:9

Wa hlayisa a mikonzo ya lava va kubasa vakwe, Kanilezi a vakubiha va ta lova lomu munyameni; Hakuva a munhu a nga ta humelela hi ntamu wakwe.