2 Kronekele 13:15 - Tshwa Bible

¹⁵ A vavanuna va ka Juda va loba huwa, Nungungulu a hlasela Jeroboamu ni vontlhe va ka Israeli, a va hlula mahlweni ka Abija ni va ka Juda.

2 Kronekele 13:15 교차 참조

2 Tihosi 5:1

Makunu Namani a nduna ya yimpi ya hosi ya le Siria i wa hi munhu wa hombe mahlweni ka hosi yakwe, a hi wo dzunzeka, hakuva Jehova i wa nyikile kuhlula ka maSiria ha yena. Na a ngha yena a hi wanuna wa nhenha, kanilezi na hi ni hlokonho.

2 Kronekele 14:11

Asa i lo khongela ka Jehova Nungungulu wakwe, aku: Jehova, ahandle ka wena, cima a nga kona munwani a zi kotako ku vunetela lava va nga hiko na ntamu, loku va vukelwa hi lava va nga ni ntamu. Hi vune wena Jehova Nungungulu wa hina, hakuva hina hi tsumba ka wena; hi hlomile yimpi leyi vitweni ga wena a ku talwa ni xidlemo lexi. Wena u Jehova Nungungulu wa hina; ngha a nga hi kona munhu a hlulako wena! Vala. 7:2, 7; 1 Sam. 14:6

2 Kronekele 14:12

Zonake Jehova i lo hlasela a vaEtiopia mahlweni ka Asa ni mahlweni ka vaJuda, a vaEtiopia, va lo panzanyeka.

2 Kronekele 18:31

Laha a tinduna ta tikareta ti nga wona Jehoxafate, ti te ngalo: Hi leyi a hosi ya ka Israeli! Va lo yi ranzela a kuva valwa naye. Kanilezi Jehoxafate i loba huwa; zonake Jehova i lo mu ponisa, Nungungulu a va kucetela ku mu tsika.

2 Kronekele 20:21

Laha a nga wa bohile xikungo ni vanhu, i lo hlawula lava va ta nga yimbelela mahlweni ka Jehova ni ku mu dumisa, na va ambele tinguwo ti basileko, va ranga mahlweni ka yimpi, vaku: Dumisani Jehova, hakuva a wuxinji gakwe gi tshamile kala kupinzuka!

2 Kronekele 20:22

Laha va nga sangula ku yimbelela, va dumisa Jehova, yena Jehova i lo maha xijumani lenzhako ka vana va ka Amoni ni maMoabi, ni va xitsunga xa Seire lava va ngata ku ta vukela va ka Juda; va lo hluliwa.

Tisimu 47:1

Phakatelani mandla, nwina nwentlhe matiko; Kanyulukani ka Nungungulu hi migiyo.

Tisimu 47:5

Nungungulu i tlakukele hehla hi kukanyuluka ka litsako, Jehova i humele ni guwa ga mimpunzu.

Isaya 37:36

A ngelosi ya Jehova yi lo huma yiya wugovelweni ga maAssiria yi ya daya 185,000 wabye; laha vanhu va nga vuka ni mixo zi wa hi zirumbi ntsena.

Mitsengo 32:4

a tiko legi Jehova a hlaseleko mahlweni ka tlhangano wa ka Israeli, i tiko gi ringanako zifuyo; makunu hina malanza ya wena hi na ni mitlhambi.

Joxua 11:8

Na Jehova i lo va nyikela mandleni ya va ka Israeli, va lo va hlasela, va va hlongolisa kala le Sidoni ga hombe, ni le Misrefot-Maime, kala le minzhelelweni ya le Mizpa, hi le Mutsuwuka-gambo; va lo va hlasela va nga siyi ni munwe.

Joxua 6:16

Zonake hi khati ga wu 7, na vapristi na vaba mipunzu, Joxua aku ngalo ka vanhu: Kanyulukani! hakuva Jehova i mu nyikile muti.

Joxua 6:20

Zinghaho a vanhu va lo kanyuluka, ni vapristi va loba mipunzu. Ni laha a vanhu va ngazwa a kuvuma ka mipunzu, va lo kanyuluka hi guwa ga hombe, zonake a khokhola gi lo khungumuka giwa lahasi, a vanhu va lo enghena mutini, loyi ni loyi i loya mahlweni kakwe, zinghaho va lo teka a muti. Maheb. 11:30

Valamuli 4:15

Jehova i lo hlasela Sisera ni tikareta takwe tontlhe, ni yimpi yakwe yontlhe mahlweni ka Barake hi wutlha ga supado. Sisera i lo jatama kareteni yakwe a tsutsuma hi milenge.