2 Kronekele 13:14 - Tshwa Bible

¹⁴ A xikhati lexi a va ka Juda va nga cuwuka le nzhako, va lo kuma lezaku ku wa hi ni yimpi le mahlweni ni le nzhako kabye. Zonake va lo rila ka Jehova, a vapristi vaba mipunzu.

2 Kronekele 13:14 교차 참조

1 Kronekele 5:20

Va lo vunetelwa kulwa navo; a vaHagrate ni vavuni vabye va lo nyikelwa mandleni yabye, hakuva a xikhati va ngalwa va wa rila ka Nungungulu, zonake yena a va ingisa, hakuva va wa tsumba ka yena.

2 Kronekele 14:11

Asa i lo khongela ka Jehova Nungungulu wakwe, aku: Jehova, ahandle ka wena, cima a nga kona munwani a zi kotako ku vunetela lava va nga hiko na ntamu, loku va vukelwa hi lava va nga ni ntamu. Hi vune wena Jehova Nungungulu wa hina, hakuva hina hi tsumba ka wena; hi hlomile yimpi leyi vitweni ga wena a ku talwa ni xidlemo lexi. Wena u Jehova Nungungulu wa hina; ngha a nga hi kona munhu a hlulako wena! Vala. 7:2, 7; 1 Sam. 14:6

2 Kronekele 18:31

Laha a tinduna ta tikareta ti nga wona Jehoxafate, ti te ngalo: Hi leyi a hosi ya ka Israeli! Va lo yi ranzela a kuva valwa naye. Kanilezi Jehoxafate i loba huwa; zonake Jehova i lo mu ponisa, Nungungulu a va kucetela ku mu tsika.

2 Kronekele 32:20

Kanilezi hosi Hezekia i lo khongela hi kota ya timhaka leti, zinwe na muprofeti Isaya, va lo vitana le tilweni.

Tisimu 50:15

Nzi vitane zikhatini za makhombo; Nzi ta ku hlanguta, na wena u ta nzi dumisa. Mat. 7:7

Tisimu 91:5

U nga ta chava kutshisa ka wusiku, Ni ligalala li tumako ni mumu.

Eksodusi 14:10

Laha Faro a nga kari a tshinela, a vanana va ka Israeli va lo tlakusa mahlo, va wona vaGipite na va kari va va lanza. Zonake a vanana va ka Israeli: va lo chava nguvu, vaba huwa ka Jehova.

Mitsengo 10:9

Ni loku mu hloma yimpi lomu tikweni ga nwina a ku yalwa ni valala va nwina lava va mu vukelako, mu taba mipunzu yo hlomisa, zonake mu ta alakanywa mahlweni ka Jehova, Nungungulu wa nwina, mu hlangutwa mandleni ya valala va nwina.

Joxua 6:16

Zonake hi khati ga wu 7, na vapristi na vaba mipunzu, Joxua aku ngalo ka vanhu: Kanyulukani! hakuva Jehova i mu nyikile muti.

Joxua 8:20

Ni laha a vavanuna va le Ai va nga wa cuwukile lenzhako kabye, languta, a musi wa muti wu lo tuvikela le hehla tilweni, na vona va wa nga tivi lezaku va ta tsutsumela kwihi, hakuva a vanhu lava va nga tsutsumela xiwuleni, va lo hunzuluka va va hlongolawu.