2 Kronekele 13:11 - Tshwa Bible

¹¹ Wontihe masiku, mixo ni gambo, va maha ka Jehova a munyikelo wa kuhiswa ni tibani to nuhela, va veka ni zibaba za xikombiso laha mezeni yi basileko, va lumeka tikandiya lomu timezeni ta tona ta nzalama wontihe masiku laha gambyeni, hakuva hina hi hlayisa a nayo wa Jehova Nungungulu wa hina; kanilezi nwina mu mu fularele.

2 Kronekele 13:11 교차 참조

Genesisi 26:5

hakuva Abrahama i lozwa a gezu ga mina, a ingisa kuwula ka mina ni ziyimiso za mina ni zileletelo za mina, ni milayo ya mina.

2 Kronekele 13:10

Kasike hina, Jehova hi yena a nga Nungungulu wa hina; a hi mu tsikangi; ni vapristi lava va tirako ku khozela Jehova hi vona a vana va Aroni ni va ka Levi, va tirako mitiro yabye.

2 Kronekele 2:3

Solomoni i lo rumela mhaka ka Huramu, a hosi ya le Tire, aku kakwe: Hi nga nzi mahela lezi u nga mahela dadani wa mina Davida—u nzi rumela a tisinya ta sedare, kasi nza fela ku ti akela ha tona a yindlu yo tshama ka yona.

2 Kronekele 2:4

Languta, mina nzi lava ku aka a yindlu yi lumbako a vito ga Jehova Nungungulu wa mina nzi yi nyikela kakwe, nzi hisela lomo libani mahlweni kakwe, ni ku veka zibaba wontihe masiku mahlweni kakwe za zikombiso, ni ku mu phahlela hi munyikelo wa kuhiswa wa mixo ni gambo, ni wa masabado, ni wa kuhumeni ka hweti, ni wa mibuzo ya Jehova Nungungulu wa hina. Leyo hi yona a fanelo ya va ka Israeli kala kupinzuka. Levi 24:5; Mitse. 28:3

2 Kronekele 4:20

ni timeza ta tikandiya ta nzalama yo saseka, ni tikandiya ta kona, leti ti nga wa lumekiwa hi nayo wa kona mahlweni ka wutshamu ga kubasabasa.

Eksodusi 29:38

Lezi u ta nga tlhava laha alatini hi lezi: tiyivana timbiri ta lembe ginwe, siku ni siku ka malembe wontihe.

Ezekieli 44:15

Kanilezi a vapristi va ka Levi, va nga vana va Zadoke, lava va nga hlayisa a ntiro wa wutshamu ga mina ga kubasa, a xikhati lexi a vanana va ka Israeli va nga nzi fularele, va ta tshinela mahlweni ka mina a ku ta nzi tirela; va ta yima mahlweni ka mina va nzi humesela a mafura ni nkhata, ku wula Hosi Jehova.

Ezekieli 44:8

A mu hlayisangi a zibya za mina zi basileko nwina wutsumbu, kanilezi mu yimisile vanwani akuva va tira mitiro ya wutshamu ga mina ga kubasa.

Ezekieli 48:11

Xi ta lumba a vapristi lava va basisilweko va nga vana va Zadoke, lava va nga hlayisa a ntiro wa wutshamu ga mina ga kubasa; lava va nga kala ku nzi fularela laha a vanana va ka Israeli va nga hambuka, kota lezi a vaLevi va nga hambuka.

Mitsengo 1:53

Kanilezi a vaLevi va ta gova kusuhani ni tabemakeli ga wumboni, va gi ranzela, kasi a zanga ya mina yi nga dzuki yi vukela a tlhangano wa vanana va ka Israeli; hikwalaho a vaLevi va ta hlayisa a tabemakeli ga wumboni.

Mitsengo 16:46

Zonake Mosi aku ka Aroni: Teka a xibya xa ku hisela a libani u oka a nzilo wa lomu ka alati, u vekela lomo a libani, u hatlisa uya xikari ka tlhangano, uya maha muphahlelo wa nzhiho; hakuva ku kona a zanga yi tako hi mahlweni ka Jehova, a ntungu wu sangulile.

Mitsengo 16:6

Wena Kora ni vanhu va wena vontlhe, mahani lezi; tekaniwo a zibya za libani.

Mitsengo 9:19

Ni loku a refu gi hlwela masiku yo tala le hehla ka tabemakeli, a vanana va ka Israeli va wa si lanzela kuleletela ka Jehova, va nga suki.

Luka 1:9

kota a mukhuwo wa wupristi, i lo khonʼwa hi hlolo ku enghena tempeleni ya Hosi a hisa libani. Ekso. 30:7, 8; 1 Sam. 2:28