2 Kronekele 13:10 - Tshwa Bible

¹⁰ Kasike hina, Jehova hi yena a nga Nungungulu wa hina; a hi mu tsikangi; ni vapristi lava va tirako ku khozela Jehova hi vona a vana va Aroni ni va ka Levi, va tirako mitiro yabye.

2 Kronekele 13:10 교차 참조

2 Kronekele 13:11

Wontihe masiku, mixo ni gambo, va maha ka Jehova a munyikelo wa kuhiswa ni tibani to nuhela, va veka ni zibaba za xikombiso laha mezeni yi basileko, va lumeka tikandiya lomu timezeni ta tona ta nzalama wontihe masiku laha gambyeni, hakuva hina hi hlayisa a nayo wa Jehova Nungungulu wa hina; kanilezi nwina mu mu fularele.

2 Kronekele 13:9

Xana a mu hlongolangi a vapristi va Jehova, a vana va Aroni zinwe ni va ka Levi ke? Mu ti yimisele vanwani vapristi kota lezi va mahako vamatiko manwani, muku, loku munhu ata ku ta phahlela hi homu zinwe ni 7 wa tihamba, a yimiswa kuva mupristi wa lexi xi nga hiko nungungulu. Ekso. 28:41; 32:29; 1 Tih. 12:31

Nehemia 13:30

Hilezo nzi lo va basisa, nzi va tsikisa zontlhe za vamatiko, nzi va nyika mitiro vapristi ni vaLevi, munwe ni munwani a ntirweni wakwe;

Zakaria 13:9

A xipanze lexi xa wunharu nzi ta xi enghenisa nzilweni, nzi va basisa ku fanana ni siliva yi nyekisilweko, nzi va ringa ku fanana ni nzalama. Va ta khongela vitweni ga mina, nzi va ingisa. Nzi taku: Vona mbanhu va mina. Vona vaku: Jehova i Nungungulu wa hina. Mal. 3:3; Joh. 20:28; 1 Ped. 2:6

Mitsengo 1:53

Kanilezi a vaLevi va ta gova kusuhani ni tabemakeli ga wumboni, va gi ranzela, kasi a zanga ya mina yi nga dzuki yi vukela a tlhangano wa vanana va ka Israeli; hikwalaho a vaLevi va ta hlayisa a tabemakeli ga wumboni.

Mitsengo 16:40

ziva xialakanyiso ka vanana va ka Israeli; kasi ku nga dzuki kuva ni munhu munwe loyi a nga hiko wa lixaka la ka Aroni a ta nga tshinela a nyikela a libani mahlweni ka Jehova, ku nga taku a kota Kora ni ntlawa wakwe, khwatsi hilezi Jehova a wulileko ka yena hi nomu wa Mosi.

Joxua 24:17

Hakuva Jehova i Nungungulu wa hina. Hi yena a nga hi humesa zinwe ni vadadani Va hina le tikweni ga Gipite, le ndlwini ya wukhumbi, ni loyi a mahileko masingita ya hombe mahlweni ka hina. Kambe hi yena a nga hi hlayisa lomu ndleleni yontlhe leyi hi fambileko hi yona, ni xikari ka matiko lawa hi tsemakanyileko ka wona.