12 Wena u nyikilwe a wutlhari ni kupima; ni kambe nzi ta ku nyika a pfuno, ni tshomba, ni wudumo, lezi a tihosi leti ti nga wa hi kona mahlweni ka wena ti nga kala ti nga wa hi nazo, ni lava va ta ngava kona anzhako ka wena cima va nga ta kuva nazo.
A mufumo ni wudumo zita hi ka wena; wena u fumelako zilo zontlhe; a ntamu ni wunhenha zi le canjeni ga wena; hi wena u zi kotako a ku nyika wukulu ni ntamu ka vontlhe.
Jehova i lo mu tlakusa nguvu Solomoni mahlweni ka vontlhe va ka Israeli, a kulisa kufuma kakwe ku hunza kufuma ka tihosi ta ka Israeli leti ti nga fuma mahlweni kakwe.
A hi zalezi zi nga onhisa Solomoni hosi ya ka Israeli ke? Kasi ku wa nga hi na hosi yo kota yena xikari ka matiko wontihe; i wa ranziwa hi Nungungulu, a mu wumbela kuva hosi ya gontlhe Israeli. Ahembaloko, a vavasati va matiko va lo mu onhisa. 2 Sam. 12:24; 1 Tih. 3:13; 2 Kro. 1:12
Loku Nungungulu a nyikile munhu wukosi ni titshomba, a mu vumela a ku ziga, ni ku ti tekela xiavelo xakwe, ni ku tsakela ntiro wakwe, lexo xinyikiwo xa Nungungulu.
Kanilezi loku munwani wa nwina a vumala wutlhari, a kombele ka Nungungulu, loyi a nyikako vontlhe hi matsenya na a nga soli, zonake i ta nyikiwa. 1 Tih. 3:9, 11, 12; Joh. 16:23
