1 Timote 5:13 - Tshwa Bible

¹³ Kambe va gonza a kuva ni matolo, na va kari va hi vahungateli ka yindlu ni yindlu; a va lumbeti ku loloha ntsena, va tlhela va maha vabyabyatsi ni vanwankoti, va wulawula lezi va nga faneliko a ku zi wulawula. 2 Tes. 3:11

1 Timote 5:13 교차 참조

Mavingu 11:13

Loyi a xuxako hi mahlevo wa bhoxa mifihlakalo; anilezi loyi a nga ni moya wa kutsumbeka wa fihla timhaka.

Mavingu 20:19

Leyi a fambafambako a hleva wa bhoxa mifihlakalo; ikwalaho u nga ti tlhanganyisi ni loyi a milomu yakwe yi lapitako.

Mavingu 31:27

I hlayisa khwatsi a ngango wakwe, ngagi zakuga za wulolo.

Mavingu 7:11

Wa guwa ni xikanikani, mikonzo yakwe cima a yi tshami ndlwini yakwe;

Levi 19:16

Loku u fambafamba lomu tikweni ga nwina u nga fambi u lumbeta a va ka nwina, hambu ni ku maha mboni yo vukela a nkhata wa wakelene na wena. Hi mina Jehova.

Luka 10:7

Tshamani ka yaleyo yindlu, muga ni kunwa lezi va mu nyikako; hakuva a xitiri xi fanelwe hi hakhelo ya xona. Mu nga fambafambi ka yindlu ni yindlu. Mat. 10:10, 11; 1 Kor. 9:4

Mitiro 20:20

lezaku a nzi mu lovelangi a timhaka ti vunako, kanilezi nzi lo mu kanelela, nzi mu gonzisa kubaseni ni lomu tindlwini,

Mitiro 20:30

Na kona xikari ka nwina ku ta vuka a vanhu, lava va kanelako a zilo zi gombonyekileko, kasi ku ti kokela vapizani. 1 Tim. 1:20; 1 Joh. 2:19

1 Timote 5:12

Vona va konekile hakuva va tsikile a kukholwa kabye ko ranga. Maheb. 6:4, 6; 10:28

Titusi 1:11

lava va faneleko ku valiwa milomu, hakuva va hahlula mingango yi mbhela, hi ku gonzisa lezi zi nga faneliko, kasi ku kuma bhinzu go biha. Mat. 23:14

Jakobe 3:10

Ku huma hi ka nomu walowo wa munwe a kukhesa ni kurukatela. Vamakabye va mina, a zi faneli a kuva lezi zilo zi hi nghaho.

1 Pedro 4:15

Ngha a nga hi kona xikari ka nwina a xanisekako hilezi a nga mudayi, kutani khamba, kutani xihunza-milayo, kutani kota loyi a kambelako a mahungu ya vanwani. 1 Tes. 4:11

3 Johani 1:10

Hikwalaho loku nzita, nzi ta mu alakanyisa hi mitiro leyi a yi mahako hi ku hi hleva hi timhaka to biha. A nga eneliswi hi ku maha lezo, yena wutsumbu a nga amukeli vamakabye, ni lava va ranzako ku maha lezo wa va tsimbetela, a va hlongola bandleni.