1 Tihosi 8:6 - Tshwa Bible

⁶ Zonake a vapristi va lo enghenisa a arke ga xivumelwano xa Jehova lomu wutshanwini ga gona, lomu ka wutshamu go basabasa, hi lahasi ka tipapa ta makerubima. Ekso. 26:33

1 Tihosi 8:6 교차 참조

2 Samueli 6:17

Va lo enghenisa arke ga Jehova lomu ka tenda legi Davida a nga wa gwimbela gona. Zonake Davida i lo nyikela munyikelo wa kuhiswa ni miphahlelo ya kurula mahlweni ka Jehova.

2 Samueli 6:2

Zonake Davida i lo suka zinwe ni vontlhe vanhu lava a nga hi navo, kusukela le Baali-Juda, va neha a arke ga Nungungulu legi gi vitwako hi vito ga Jehova wa tiyimpi, loyi a tshamako hehla ka makerubima. Ekso. 25:17; Jox. 15:9, 60

1 Tihosi 6:16

I lo aka lomu xikari ka yindlu hi mapulango ya sedare kusukela lahasi kala le langweni, 20 wa mikono; a longisa kota lezo kasi gi maha wutshamu ga kubasa ga lomu nzeni, giva wutshamu ga kubasabasa.

1 Tihosi 6:19

Lomu xikari ka yindlu, a wutshanwini go basabasa, i lo longisa a wutshamu go veka a arke ga xivumelwano xa Jehova.

1 Tihosi 6:27

I lo veka makerubima hi lomu nzeni ka yindlu, a tipapa ta kona ti tshambulutwa kasi a lipapa la ginwe li chikela le khurisini hi tlhelo ginwe, ni lipapa la ginwani li khumba le khurisini hi tlhelo ginwani; kanilezi a tinwani tipapa ta wona ti tlhangana laha xikari ka yindlu.

1 Tihosi 8:3

Laha masingalakati wontihe ya ka Israeli ma nga wa chikele, a vapristi va lo rwala a arke.

1 Tihosi 8:4

Va lo kanziha va neha a arke ga Jehova, ni tenda ga mutlhangano, ni zontlhe zibya zo basa lezi zi nga wa hi lomu ka tenda; a vapristi ni vaLevi va lo zi heleketa kona.

1 Tihosi 8:7

Hakuva a makerubima ma wa tshambulutile a tipapa ta wona laha ka wutshamu ga arke, ma fenengeta a arke ni mipingu ya kona.

1 Kronekele 22:19

Makunu lavani Jehova Nungungulu wa nwina hi timbilu ta nwina tontlhe, ni mihefemulo ya nwina yontlhe; mu suka mu aka a yindlu ya ku basa ya Jehova Nungungulu, mu neha a arke ga xivumelwano xa Jehova, ni zibya za ku basa za N ungungulu lomu ndlwini leyi mu ta nga yi akela vito ga Jehova.

2 Kronekele 5:7

A vapristi va lo enghenisa a arke ga xivumelwano xa Jehova lomu wutshanwini ga gona ga kubasa lomu ndlwini wutshanwini ga kubasabasa, va gi veka lahasi ka tipapa ta makerubima.

Tisimu 80:1

Ingisa, wena Murisi wa Israeli, Wena loyi u rangelako Josefa khwatsi hi ntlhambi; Wena loyi u tshamako xikari ka makerubima Huma u hatima. Isa. 37:16; Ezek. 34:12; Joh. 10:11

Tisimu 80:2

Vuxa a ntamu wa wena, U rangela Efraime na Benjamini na Manasse, Zonake ngone u ta hi hanyisa.

Tisimu 99:1

Jehova wa fuma, matiko a ma rurumele. I tshamile xikari ka makerubima, A misava yi tsekatseka. 1 Sam. 4:4; 2 Sam. 6:2

Eksodusi 37:9

A makerubima lawo ma lo tshambuluta tipapa ta wona ti fenengeta a xitshamu xa wuxinji, a tinghohe ta wona ti cuwukana, hi wumbiri ga wona na ma cuwukile lahasi xitshanwini xa wuxinji.

Isaya 37:16

Jehova wa tiyimpi, Nungungulu wa ka Israeli, loyi a tshamako xikari ka makerubima, wena wece u Nungungulu wa matiko wontihe ya misava; wena u mahile a tilo ni misava.

Ezekieli 10:5

A guwa ga tipapa ta makerubima gi lo zwala ni lomu hubyeni ya le handle, giku khwatsi i gezu ga Nungungulu ga Nyamintamu loku a wulawula.

Ezekieli 41:4

I lo pima a kuleha ka yindlu ku wa hi 20 wa mikono, ni kuanama ka yona 20 wa mikono, a mahlweni ka tempeli. Aku ka mina: Legi hi wutshamu gi hunzeleleko ku basa.

1 Samueli 4:4

Zinghaho va lo rumela vanhu le Xilo va ya teka a arke ga xivumelwano xa Jehova wa tiyimpi, loyi a tshamako xikari ka makerubima. A vana va Eli va vambiri, Hofeni na Fineasi, va lo lanza a arke ga xivumelwano xa Nungungulu. Ekso. 25:17