1 Tihosi 8:16 - Tshwa Bible

¹⁶ Kusukela lezi nzi nga humesa a vanhu va mina va ka Israeli le Gipite, cima a nzi langangi a muti xikari ka tixaka tontlhe ta ka Israeli, a kuva va nzi akela a yindlu yi lumbako a vito ga mina, kanilezi nzi langile Davida lezaku kasi yena a fumela a vanhu va mina va ka Israeli.

1 Tihosi 8:16 교차 참조

1 Tihosi 11:36

A nʼwana wakwe nzi ta mu nyika a nyangwa yinwe, kasi a nanza ga mina Davida a fela kuva ni kandiya mahlweni ka mina lomu Jerusalema, a muti lowu nzi wu hlawulileko a ku veka a vito ga mina ka wona.

1 Tihosi 8:29

A mahlo ya wena a ma cuwuke ka yindlu leyi wusiku ni hlikanhi, ni wutshamu legi u nga gi wula, uku; A vito ga mina gi tava kona, kasi ku ingisa a mukhongelo lowu a nanza ga wena gi wu khongelako wutshanwini legi. Ekso. 20:24; Deut. 12:11

2 Tihosi 23:27

Hakuva Jehova i waku: Yenawu Juda nzi ta mu susa mahlweni ka mina, khwatsi hi lezi nzi susileko Israeli, nzi hoxa a muti lowu nzi wu hlawuleko, a muti wa Jerusalema, ni yindlu leyi nzi nga wa te ngalo: A vito ga mina gi ta tshama ka yona.

1 Kronekele 17:3

Gwalego wusiku a gezu ga Nungungulu gi loya ka Natani, gi yaku:

1 Kronekele 28:4

Hambu lezo, Jehova Nungungulu wa ka Israeli i nzi hlawule ndlwini yontlhe ya dadani wa mina, a kuva nzi hi hosi ya ka Israeli kala kupinzuka; hakuva yena i hlawule Juda a kuva hosi. Lomu nyangweni ya ka Juda i hlawule a yindlu ya dadani wa mina. Lomu xikari ka vana va dadani hi mina nzi nga mu tsakisa, a nzi yimisa kuva hosi ya vontlhe va ka Israeli. Gen. 49:8; 1 Sam. 16:1

Nehemia 1:9

kanilezi loku mu tlhelela ka mina, mu hlayisa a zileletelo za mina mu zi maha, hambu loku mu hoxilwe muya magemeta-musi ya tilo, nzi ta va tsombanyisa nzi va wuyiseta wutshanwini legi nzi hlawuleko a kuva wuakelo ga vito ga mina.

Tisimu 132:13

Hakuva Jehova i hlawule Zioni, I xuvile ku gi maha wuakelo gakwe.

Tisimu 78:70

Zonake i lo hlawula Davida a nanza gakwe, A mu teka lomu marangeni ya tiyivu. 1 Sam. 16:11

Tisimu 89:3

Nzi mahile a xivumelwano ni a hlawulilweko wa mina, Nzi hlambanyile ka Davida a nanza ga mina,

Jeremia 7:12

Fambani makunu a wutshanwini ga mina gi nga hi le Xilo, laho gi nga zumbile kona a vito ga mina kusanguleni, mu ya wona lezi nzi gi mahileko zona hi kota ya kubiha ka vanhu va mina va ka Israeli. Jox. 18:1; 1 Sam. 4:3

Deuteronome 12:11

a ka wutshamu lego Jehova Nungungulu wa nwina a ta nga hlawula ku aka kona a vito gakwe, hi laho mu ta nga yisa kona zontlhe lezi nzi mu leletelako zona, a miphahlo ya nwina ya kuhiswa, ni miphahlelo ya nwina, ni za wukhume za nwina, ni minyikelo ya nwina ya ku nziwitela, ni minyikelo ya nwina ya lezi zo saseka leyi mu ta nga nyikela ka Jehova a ku tatisa zifungo za nwina ka Jehova.

Deuteronome 12:5

Kanilezi a wutshamu lego Jehova Nungungulu wa nwina a ta nga gi hlawula xikari ka tontlhe tinyangwa ta nwina a ku veka a vito gakwe laho, hi kwalaho ku ta ngava wutshamu ga yindlu yakwe; na nwina mu ta mu lavisisa laho, mu khiringela kuya kona. 1 Tih. 8:29; 2 Kro. 7:12, 16

1 Samueli 16:1

Jehova i te ngalo ka Samueli: Kala rini na wa ha rilela Saule, laha u zi wonako lezaku mina nzi mu alele kuva hosi ya ka Israeli? Tata xikudzana xa wena hi mafura uta, nzi ta ku ruma ka Jese wa le Betlehema, i kona nzi mu wonileko xikari ka vanana va Jese, loyi a faneleko ku maha hosi. Miti. 13:22