1 Tihosi 5:6 - Tshwa Bible

⁶ Makunu, ruma a vanhu va wena va ya nzi tsemela a tisinya ta tisedare le Lebanoni; a malanza ya mina ma ta famba ni malanza ya wena. Nzi ta ku nyika zontlhe lezi u ta nga zi wula, ziva hakhelo ya malanza ya wena, hakuva wena wa zi tiva lezaku a nga kona ka vanhu va ka hina a zi tivako ku tsema tisinya kota vaSidoni.

1 Tihosi 5:6 교차 참조

Genesisi 10:15

Kanani i lo beleka Sidoni, matewula yakwe, na Heti,

1 Tihosi 10:26

Solomoni i lo hlengeleta a tikareta ni vakhileli va mahaxi, na yena i wa hi ni 1,400 wa tikareta, ni 12,000 wa vakhileli va mahaxi, lava a nga va veka lomu mitini ya tikareta, ni le hosini le Jerusalema.

1 Tihosi 5:7

Laha Hiramu a nga zwile timhaka ta Solomoni, i lo tsaka nguvu, aku: Inyamutlha a ku bongiwe Jehova, loyi a nyikileko Davida a mufana wo tlhariha a kuva a fumela vanhu va ku talisa lezi.

1 Tihosi 6:16

I lo aka lomu xikari ka yindlu hi mapulango ya sedare kusukela lahasi kala le langweni, 20 wa mikono; a longisa kota lezo kasi gi maha wutshamu ga kubasa ga lomu nzeni, giva wutshamu ga kubasabasa.

1 Tihosi 6:20

A kuleha ka wutshamu lego ku wa hi 20 wa mikono, ni kuanama ka gona ku wa hi 20 wa mikono, ni kutlakuka ka gona ku wa hi 20 wa mikono; i lo gi nameketa hi nzalama yo saseka, a fenengeta a alati ga kona hi sedare.

1 Tihosi 9:19

ni yontlhe miti ya zigurumbu leyi Solomoni a nga wa hi nayo, ni miti ya tikareta, ni miti ya vakhileli va mahaxi, ni zontlhe lezo Solomoni a nga wa xuvile ku zi aka le Jerusalema, ni le Lebanoni ni tikweni gontlhe legi a nga wa gi fumela.

1 Tihosi 9:27

Zonake Hiramu i lo rumela malanza yakwe lava va nga vamarinyero, va tivako za bimbi, a va rumela matarwini zinwe ni malanza ya Solomoni.

1 Kronekele 22:4

Ni tisinya ta tisedare ta tsanzavahlayi, hakuva a vaSidoni ni vaTire va wa nehile a tisinya to tala nguvu ka Davida.

2 Kronekele 1:14

Solomoni i lo tsombanyisa a tikareta zinwe ni vakhileli va mahaxi; a tikareta ti wa hi 1,400, a vakhileli va mahaxi va wa hi 12,000 wabye. I lo va veka lomu mitini ya tikareta, ni laha hosini le Jerusalema.

2 Kronekele 2:10

A malanza ya wena lawa ma ta nga tsema tisinya nzi ta ma nyika 20,000 wa tipimo ta mavele ma tlhokolweko, ni 20,000 wa tipimo ta sevada, ni 20,000 wa tikarafawu ta vinya, ni 20,000 wa tikarafawu ta mafura.

2 Kronekele 2:8

U nzi rumela ni tisinya ta tisedare ta le Lebanoni, ni ta kipres, ni ta almuga, hakuva mina nza zi tiva lezaku a malanza ya wena ma zi tiva ku tsema tisinya le Lebanoni. Zinghaho a malanza ya mina ma ta tira zinwe ni malanza ya wena.

Ezra 3:7

Va lo nyikela a mali ka vavatli va maribye ni timhanze, va nyikela a zakuga ni zakunwa, ni mafura ka vaSidoni ni va le Tire, kasi vona va fela ku va nehela a tisinya ta sedare hi le Lebanoni, tita le Jopa hi bimbi, khwatsi hi lezi va nga wa vumelwe hi Kurusi a hosi ya le Persia.

Tisimu 29:5

A gezu ga Jehova gi tshova tisedare; Jehova wa tshova a tisedare ta Lebanoni.

Zakaria 11:12

Nziku ka tona: Loku zi kumeka zi sasekile kuwoneni ka nwina, nzi nyikeni a hakhelo ya mina: loku zi nga hi tano, yi tsikeni! Zonake va lo nzi pimela a hakhelo ya mina a 30 wa zipanze za siliva.

Va le Roma 12:17

Mu nga tlheliseli a munhu kubiha hi kubiha. Chelani kota hi zilo zi nene mahlweni ka vanhu vontlhe.

Va le Efesusi 4:7

Kanilezi a tipswalo ti lo nyikiwa ka munwe ni munwani wa hina khwatsi hi lipimo la xinyikiwo xa Kristu.

Deuteronome 17:16

Ntsena lezaku a nga ti longiseli a mahaxi yo tala, hambu ku zwanana ni Gipite kasi kuva ni mahaxi yo tala; hakuva Jehova i te ngalo ka nwina: Mu nga ha tlheli kambe muya hi ndlela leyo. 1 Tih. 10:26, 28; Isa. 31:1

Va le Filipi 4:8

Vamakabye, hi kugumesa nzi ngalo: Ni zihi lezi zi nga zi nene, ni zihi lezi zi dzunzekako, ni zihi lezi zi lulamileko, ni zihi lezi zi basileko, ni zihi lezi zi ranzekako, ni zihi lezi zi khesiwako; loku gi hi kona wunene, ni zilo lezi zi faneleko ku bongiwa, alakanyani zontlhe lezo.