21 Solomoni i lo fumela wontihe matiko kusukela Congweni wa Eufrate kala le tikweni ga vaFilistia ni le mbhinganweni wa le Gipite; va wa luva ka Solomoni ni ku mu tirela wontihe masiku ya kuhanya kakwe.
Lego siku Jehova i lo maha xivumelwano na Abrama, aku: Nzi nyikile ka pswalo wa wena legi tiko, kusukela congweni wa le Gipite kala gi chikela a congweni wa hombe, wona congo wa Eufrate:
Zonake i lo hlasela a vaMoabi, a va etlelisa lahasi, a va pima hi lingoti; lava va nga wa ringana tingoti timbiri i lo va daya; lava va nga wa ringana lingoti linwe i lo va tsika va hanya. Zinghaho a vaMoabi va lo maha malanza ya Davida, va luva yena. Mitse. 24:17
Zonake Davida i lo veka mabutho ya tiyimpi takwe a ku hlayisa le Siria wa le Damasku; zonake a maSiria ma lo maha malanza ya Davida, va luva kakwe. Zinghaho Jehova i lo vunetela Davida ni kwihi laha a yako kona.
A raru wa wena i wa tikisile a minzhwalo ya hina, makunu wena hehukisa a mitiro leyo yo binza ya raru wa wena, ni muyoka lowu wo tika a wu tlhatekileko ka hina, hi kona hi ta nga ku tirela.
Tlhatakumbiri, mina nzi ta ku nyika lezi u nga zi kombelangiko, wu nga pfuno, ni wudumo, lezaku cima ku nga tava kona wo kota wena xikari ka tihosi ka wontihe masiku ya wutomi ga wena. Mat. 6:33
Hakuva i wa fumele a tiko gontlhe ga leno Congweni, kusukela le Tifsa kala le Gaza, a tihosi leti ti wa hi leno tlhatuko wa congo, ti wa tshamile hi kurula wontihe matlhelo.
Zinghaho Jehova i lo tiyisa mufumo lowu mandleni yakwe; hikwalaho vontlhe vaJuda va lo ta luva ka Jehoxafate; i wa hi ni tshomba ya hombe nguvu, ni wudzunzo ga hombe.
A vanhu vanyingi va lo neha mihlengo ka Jehova le Jerusalema, ni zilo za malongo ka Hezekia a hosi ya ka Juda; i lova loyi a tlakukileko ka wontihe matiko kusukela lezo.
Ni kambe Jerusalema i muti wu nga fumelwa hi tihosi ta tinhenha ti nga wa fumela matiko wontihe ya le tlhatuko wa congo, ti khupelwa, ni ku lubyiwa, ti humeselwa hlengo. 1 Tih. 4:21
Fungani ka Jehova a Nungungulu wa nwina, mu tatisa zifungo za nwina; Vontlhe lava va mu ranzeleko ngha va neha zinyikiwo ka loyi a faneleko ku chabyiwa. Deut. 23:21
Nzi ta panza a mbhingano wa wena kusukela Bimbini go Pswhuka kala bimbini ga maFilistia, ni kusukela xiwuleni kala ku chikela congweni; hakuva nzi ta mu hlulela a vaaki va tiko lego; mu ta va hlongola mahlweni ka nwina. Gen. 15:18; 1 Tih. 4:21
Hikuyini wu nga ni xiwunza a muti lowu wu nga tele hi vanhu! Loyi a nga hi wahombe xikari ka mifumo i mahile noni; Loyi a nga hi muzinza xikari ka matiko i mahile hlonga hikuyini?
Zinghaho wena u wa bombisilwe hi nzalama ni siliva; a tinguwo ta wena ti wa hi ta wukene go saseka, ni seda ni ta mavalavala; u waga mapa ma nanaselweko ni whlombe ni mafura. U wa hunzeletile ku saseka, u kala u maha muzinza.
A wutshamu gontlhe legi a mikonzo ya nwina yi ta nga kanzihela, gi tava ga nwina; a mbhingano wa nwina wu ta sukela le xiwuleni kala le Lebanoni, ni ku sukela Congweni, wona congo wa Eufrate, kala le Bimbini ga Mupela-gambo. Ekso. 23:31; Mitse. 34:2; Jox. 1:3
Kusukela le xiwuleni ni legi Lebanoni, kala congweni wa hombe, a congo wa Eufrate, gontlhe tiko ga maHiti, kala le ka Bimbi ga Hombe, hi le Mupela-gambo, gi tava tiko ga nwina. Ekso. 23:31; Mitse. 34:2
Kanilezi a vanwani lava vo biha, va te ngalo: Xana loyi munhu i ta hi ponisisa kuyini? Va lo mu kanyisa, va nga nehi nzuvo kakwe. Kanilezi Saule a nga wulangi nchumu ha zona.
