1 Tihosi 4:20 - Tshwa Bible

²⁰ A vaJuda ni va ka Israeli va wa tele nguvu khwatsi i seke wa fungu wa bimbi. Va loga, vanwa, va tsaka. Gen. 13:16; 22:17

1 Tihosi 4:20 교차 참조

Genesisi 13:16

Nzi ta maha a pswalo wa wena kota a tshuri wa misava; loku munhu a zi kota ku hlaya a tshuri wa misava, a nga hlaya ni pswalo wa wena.

Genesisi 15:5

Yena i lo mu humesa lahandle aku ngalo: Cuwuka le tilweni, u hlaya tinyeleti, loku u zi kota ku ti hlaya. Yena i te ngalo kakwe: Zi tava nghaho ni pswalo wa wena. Deut. 10:22; Maheb. 11:12

Genesisi 22:17

nzi ta ku katekisa nguvu, ni ku anzisa a pswalo wa wena, wu kota tinyeleti ta tilo, ni ku kotisa a seke ga le fungwini wa bimbi; ni pswalo wa wena wu ta fumela a nyangwa ya valala vabye.

Genesisi 32:12

Hi wena u nga wula ku ngalo: Nza tiyisa lezaku nzi ta ku mahela zinene, nzi ta maha a pswalo wa wena wu kota a seke ga bimbi gi nga hiko na kuhlayiwa.

1 Tihosi 3:8

A nanza ga wena gi lomu xikari ka vanhu va wena, lava u va hlawulileko, a vanhu va teleko, va tsanza-vahlayi hi kota ya ku tala kabye. Gen. 13:16; 1 Tih. 1:20

1 Tihosi 4:29

Nungungulu i lo nyika Solomoni a Wutlhari ni kupima ka hombe nguvu, ni wutivi ginyingi go fanana ni seke ga bimbi.

1 Tihosi 5:9

A malanza ya mina ma ta relela ma famba nato kusukela le Lebanoni kala va ti chiketa le bimbini; va ta ti bohelela hi tinyanza kasi ta fela ku famba hi bimbi kala ti chikela ka wutshamu lego u ta nga nzi byela. Va ta ya rulela laho, zonake wena u ta ya ti teka. Wena u ta tatisa kuxuva ka mina hi ku phamela a ngango wa mina.

2 Tihosi 18:31

Mu nga ingiseli Hezekia, hakuva a hosi ya Asiria yi ngalo: Mahani kurula xikari ka mina na nwina, mu ti nyiketa ka mina; zonake munwe ni munwani i taga mihanzu ya xivina xakwe ni mihanzu ya nkuwu wakwe, anwa a mati ya hlowo yakwe,

1 Kronekele 12:39

Zonake va lo ya tshama leyo masiku manhru zinwe na Davida, vaga, vanwa, hakuva a vanakulobye va wa va longisele zontlhe.

1 Kronekele 22:9

Languta u ta pswalelwa nʼwana loyi a ta ngava munhu wo rula; nzi ta mu nyika kuhumula xikari ka vontlhe valala vakwe va wontihe matlhelo, hakuva a vito gakwe i tava Solomoni; a masikwini yakwe nzi ta nyika va ka Israeli a kuhumula.

Joba 1:18

Laha na a ha simamisa ku wulawula, ku lota kambe wunwani, wu taku: A varisanyana va wena ni vanhanyana va wena va waga ni kunwa vinya lomu ndlwini ya nhonzwa yabye:

Mavingu 14:28

A wudzunzo ga hosi hi kutala ka vanhu; anilezi a wutsongwani ga vanhu gi lovisa a hosi.

Mutshawuteli 2:24

Xi hava xilo xa chukwana ka munhu ku hunza lezaku aga, anwa, ni kuva a muhefemulo wakwe wu tsakela ntiro wakwe. Nzi lo wona lezaku lezo kambe zi humela canjeni ga Nungungulu;

Isaya 22:13

Kanilezi nwina mu lo maha migiyo ya litsako, mu lo tlhava tikavi ni tiyivu; ku giwa tinyama, ku nwiwa vinya, muku: A hi geni, hinwa, hakuva manziko hi tafa!

Mika 4:4

Kanilezi munwe ni munwani i ta tshama lahasi ka vina wakwe, ni lahasi ka kuwu wakwe. A nga kona a ta nga va dzuxa, hakuva a nomu wa Jehova wa tiyimpi wu wulile lezo. Levi 26:6; 1 Tih. 4:25; Zak. 3:10

Zakaria 3:10

Hi siku lego, ku wula Jehova wa tiyimpi, munwe ni munwani i ta ramba muakelwane wakwe ku tshama naye lahasi ka xivina ni kuwu wakwe.

Zakaria 9:15

Jehova wa tiyimpi i ta va vikela, va ta khadamule valala vabye, va kanzihelela a maribye yo nziwitela; va tanwa a nkhata wabye, va maha guwa khwatsi hi loku va pswonga a vinya; va ta tala ha wona kukotisa mingelo ya muphahlo, va ku khwatsi magwitsi ya alati. Ekso. 24:6

Mitiro 2:46

A masiku ni masiku va lo pinyamela hi mbilu yinwe lomu tempeleni, va khema xibaba le kaya, vaga kuga kabye hi kutsaka ni matsenya, Lu. 24:53; Xip. 20:7

1 Samueli 30:16

I lo mu heleketa, va ya va kuma na va mbambamele ka wontihe matlhelo ya tiko, na va kari vaga, vanwa, na va tsakela muphango lowo wa hombe va phangileko tikweni ga vaFilistia, ni le tikweni ga ka Juda.