1 Tihosi 3:12 - Tshwa Bible

¹² languta, nzi ta maha khwatsi hi lezi u wulileko; nzi ta ku nyika a mbilu ya kutlhariha yi nga ni kupima, laha ka kuva cima ku wa nga seva kona a munhu wo kota wena, hambu ni lenzhako ka wena ku nga tava kona a munhu wo kota wena.

1 Tihosi 3:12 교차 참조

1 Tihosi 2:6

U ta mahawu khwatsi hi wutlhari ga wena, kanilezi U nga tsiki a misisi yakwe ya wuvu yi relela hi kurula wutshanwini ga vafi.

1 Tihosi 2:9

Kanilezi u nga mu khomi kota loyi a nga hiko na nanzu, kota lezi wenawu u nga wanuna a tlharihileko, u ta zi tiva lezi u faneleko ku zi maha ka yena; u ta relelisa a misisi yakwe ya wuvu le wutshanwini ga vafi na yi hi ni nkhata.

1 Tihosi 3:28

Zonake vontlhe va ka Israeli va lozwa hi malamulela ya hosi, va hlamala, hakuva va lo wona lezaku a wutlhari ga Nungungulu gi na yena kuxuxeni ka timhaka.

1 Tihosi 5:12

Jehova i lo nyika Solomoni a wutlhari khwatsi hi lezi a wulileko ka yena. Ku wa hi kona kurula xikari ka Hiramu na Solomoni, vona vambiri va lo maha wuxaka.

1 Tihosi 5:9

A malanza ya mina ma ta relela ma famba nato kusukela le Lebanoni kala va ti chiketa le bimbini; va ta ti bohelela hi tinyanza kasi ta fela ku famba hi bimbi kala ti chikela ka wutshamu lego u ta nga nzi byela. Va ta ya rulela laho, zonake wena u ta ya ti teka. Wena u ta tatisa kuxuva ka mina hi ku phamela a ngango wa mina.

1 Kronekele 29:25

Jehova i lo mu tlakusa nguvu Solomoni mahlweni ka vontlhe va ka Israeli, a kulisa kufuma kakwe ku hunza kufuma ka tihosi ta ka Israeli leti ti nga fuma mahlweni kakwe.

2 Kronekele 2:12

A engeta aku: A ku bongiwe Jehova Nungungulu wa ka Israeli, loyi a nga maha a tilo ni misava, hakuva i nyikile ka hosi Davida a nʼwana a tlharihileko, loyi a nga ni malanga ni kupima, loyi a ta nga aka a yindlu ya Jehova ni yindlu yakwe ya wuhosi. Ekso. 20:11; Tis. 102:26; Kuv. 10:6

Nehemia 13:26

A hi zalezi zi nga onhisa Solomoni hosi ya ka Israeli ke? Kasi ku wa nga hi na hosi yo kota yena xikari ka matiko wontihe; i wa ranziwa hi Nungungulu, a mu wumbela kuva hosi ya gontlhe Israeli. Ahembaloko, a vavasati va matiko va lo mu onhisa. 2 Sam. 12:24; 1 Tih. 3:13; 2 Kro. 1:12

Tisimu 10:17

Jehova, u zwile a mixuvo ya lava va koramileko; U tiyisa timbilu tabye; U demba a ndleve ya wena,

Mavingu 2:6

Hakuva Jehova hi yena a nyikako wutlhari, kutiva ni kupimisisa ku huma nonwini wakwe.

Mutshawuteli 1:13

Nzi lo nyiketela a mbilu ya mina a ku hlotisisa hi wutlhari a zilo zontlhe lezi zi mahiwako lahasi ka tilo; i ntiro wo bayisa lowu Nungungulu a wu nyikileko ka vanana va vanhu lezaku va ti karata ha wona. 1 Tih. 4:29

Mutshawuteli 1:16

Nzi waku mbilwini ya mina: Languta, nzi ti kumele a wutlhari ga hombe go hunza vontlhe va nzi rangeleko va fuma lomu Jerusalema; ina, a mbilu ya mina yi kumile wutlhari ni kupimisisa ka hombe.

Isaya 65:24

Ku ta maheka lezaku na va nga se ku vitana nzi ta va hlamula, Ni loku va ha wulawula nzi ta ingisa. Gen. 24:15; Dan. 9:23; Mat. 7:7

Danieli 1:17

A majaha laya ya mune Nungungulu i lo ma nyika a wutivi ni kupimisisa mitsalweni yontlhe ni wutlhari. Danieli i wa pimisisa miwoniso yontlhe ni miloro.

Mateu 12:42

A muzinza wa le Dzongeni i ta suka a yima kulamuleni zinwe ni xizukulwana lexi, i ta xi kona; hakuva i tile hi le magemeta-musi a ku tazwa a wutlhari ga Solomoni; kasi a wahombe ku hunza Solomoni i kona laha. 1 Tih. 10:1; Lu. 11:31

Luka 21:15

hakuva mina nzi ta mu nyika magezu ni wutlhari, legi vontlhe valala va nwina va ta nga hluleka ku gi kaneta ni ku hlamula nchumu. Miti. 6:10

Deuteronome 34:9

Joxua nʼwana Nuni i lo tala hi moya wa wutlhari, hakuva Mosi i wa mu tlhatekile mandla yakwe. Ni vanana va ka Israeli va lo mu ingisa, va maha kota lezi Jehova a leleteleko Mosi.

Va le Kolosi 2:3

loyi ku fihlilweko ka yena a titshomba tontlhe ta wutlhari ni kutiva.