1 Tihosi 22:8 - Tshwa Bible

⁸ A hosi ya ka Israeli yi te ngalo ka Jehoxafate: I kona munwe loyi hina hi faneleko ku wutisa ha yena ka Jehova, a nga Mikaia a nʼwana Imla; kanilezi nza mu venga, hakuva a ziprofeto zakwe a zi wulawuli kusasa ha mina, ntsena kubiha. Jehoxafate i te ngalo: Ngha a hosi yi nga wuli lezo.

1 Tihosi 22:8 교차 참조

Genesisi 37:8

A vanakulobye vaku ka yena: Kasi u tava hosi ya hina, u fuma hehla ka hina ke? Zonake va lo mu venga nguvunguvu hi kota ya miloro yakwe ni kuwulawula kakwe.

1 Tihosi 18:4

hakuva xikhatini lexo Jezebeli a nga hlasela a vaprofeti va Jehova, Obadia i wa tekile a zana ga vaprofeti, a va avanyisa hi mitlawa mimbiri ya 50 a munwe, a va fihla lomu muhumeni, a va phamela ni ku va nwisa.

1 Tihosi 19:10

I lo hlamula, aku: Mina nzi pangamele Jehova Nungungulu wa tiyimpi, hakuva a vanana va ka Israeli va tsikile a xivumelwano xa wena, va khungumule a maalati ya wena, va dele a vaprofeti va wena hi supado, hi mina nzoce nzi seleko, na vona va lava ku nzi daya! Rom. 11:2

1 Tihosi 19:14

Yena i te ngalo: Mina nzi pangamele Jehova Nungungulu wa tiyimpi, hakuva a vanana va ka Israeli va tsikile a xivumelwano xa wena, va khungumule a maalati ya wena, va dele vaprofeti va wena hi supado, hi mina nzoce nzi seleko, na vona va lava ku nzi daya.

1 Tihosi 21:20

Ahabi i te ngalo ka Elija: Xana u nzi kumile wena nala wa mina ke? Elija aku: Hi zona, nzi ku kumile, hakuva wena u ti xavisile hi ku maha lezi zi bihileko mahlweni ka Jehova!

1 Tihosi 22:13

A ntsumi lowu wu nga ya vitana Mikaia wu te ngalo ka yena: Wa wona, vontlhe vaprofeti va wulawulile mhaka yinwe; va profetile zo saseka ka hosi! Hikwalaho a timhaka ta wena a ti fanane ni timhaka tabye, u wulawulawu zo saseka ka hosi.

1 Tihosi 22:18

A hosi ya ka Israeli yi te ngalo ka Jehoxafate: A nzi ku byelangi ke? A nzi wulangi lezaku a ziprofeto zakwe a zi wuli kusasa ha mina, ntsena kubiha ke?

1 Tihosi 22:27

A hosi yi ngalo: Enghenisani inaloyi lomu paxweni, mu mu nyika zibaba ni mati ya tiperesu, kala nzi ya wuya hi kurula.

1 Tihosi 22:7

Kanilezi Jehoxafate i te ngalo: Kasi a nga kona munwani muprofeti wa Jehova wa kuva hi wutisa yena ke?

1 Tihosi 22:9

Zonake a hosi ya ka Israeli yi lo vitana a nanza, yiku ka gona: Hatlisa u yela Mikaia nʼwana Imla.

2 Tihosi 9:22

Laha Joramu a nga wona Jehu, i te ngalo kakwe: Jehu, u fambisa kurula ke? Yena a hlamula, aku: Ku ngava kona kurula, loku ka ha simamisa ku hi ni manyala ya wubhayi ga nyine wa wena Jezebeli, ni wuloyi gakwe giva ginyingi kota lezi ke?

2 Kronekele 36:16

Kanilezi vona va lo rukatela a mitsumi ya Nungungulu, va xanza timhaka ta yena, va hlekula vaprofeti vakwe, kala a zanga ya Jehova yi vukela a vanhu vakwe laha ka kuva ku nga hi na kuhuluka.

Tisimu 34:21

A khombo gi ta daya a wakubiha, Ni lava va vengako a valulamileko va ta koneka.

Mavingu 15:12

A mutseketseli a nga ranzi ku kawukwa; e hambu a kuya ka loyi a tlharihileko.

Mavingu 29:10

Lava va nga ni tora ga nkhata, va venga loyi a mbheleleko, anilezi lava va lulamileko va yimela kuhanya kakwe.

Mavingu 9:8

U nga luleki mutseketseli ha kuva a nga ku venga: awuka a tlhari, yi ta ku ranza.

Isaya 3:11

Khombo ka wakubiha! i tava ni khombo hakuva i ta nyikiwa a nchachazelo wa mitiro yakwe.

Isaya 30:10

Lava va nge ngalo ka vavumbi: Mu nga vumbi; ni ka vaprofeti, vaku: Mu nga hi profeteli zinene, hi byeleni a timhaka leti ti tsakisako, profeteni zahava;

Isaya 49:7

Jehova a Mutiruli ni Loyi a Basileko wa ka Israeli, E ngalo ka loyi a vanhu va mu kanyisako, loyi tiko gi mu nyenyako, A nanza ga vafumeli: Tihosi ti ta zi wona ti yima, Ni tihosana ti ta khizamela Jehova loyi a tsumbekako, Ni Loyi a Basileko wa ka Israeli, loyi a ku hlawulileko.

Jeremia 18:18

Zonake vaku: Ngonani hi maba xikungo xo vukela Jeremia; hakuva a vapristi va nga ta tsanzeka ku hi nyika xiluleko, kutani tlhari ku hi nyika wusungukati, hi nyikwa magezu hi vaprofeti. Tanani, hi ya mu hika hi tirimi ta hina, hi nga khataleli timhaka takwe. Ezek. 7:26; Mal. 2:7

Jeremia 20:10

Hakuva nzi zwile vanyingi na va nzi hleva, Matlhelweni wontihe ku kona kuchava. Vaku: Mu kecareni, hi ta mu kecara. A vanghana lava nzi toloveleneko navo Va langutela a kuwa ka mina, vaku: Kutani a nga kucetelwa, zonake hi ta mu hluthula, Kasi hi ti photela ka yena.

Jeremia 36:23

Kute loku Jehudi a gonzile tinzima tinharu hambu mune, a hosi yi lo tsema a bhuku hi mukwana a gi hoxa nzilweni wu nga lomo ka mbawula, kala gontlhe a bhuku giku bhi laha nzilweni wu nga lomu ka mbawula.

Jeremia 38:4

Zonake a vahombe va lo byela hosi, vaku: A munhu loyi a dayiwe, hakuva wa rera a mawoko ya tinhenha leti ti seleko mutini lowu, ni mawoko ya tiko gontlhe, hi ku va byela a timhaka ta kunghahi; a munhu loyi a nga xuveli a tiko wunene, kanilezi wa gi xuvela makhombo. Am. 7:10

Amosi 5:10

Va venga loyi a va kawukako le hubyeni, va swireka hi loyi a wulawulako kululama.

Mika 2:11

Loku a munhu a famba hi moya wa kukhohlisa, a hemba wunwa aku: Nzi ta ku profetela hi vinya ni byala, a muprofeti loye i sasekele lava vanhu. Isa. 30:10; Mik. 3:5

Mika 2:7

Wena yindlu ya Jakobe, xana a Moya wa Jehova wu hatla ku zangara ke? A matirela yakwe hi walawo ke? A timhaka ta mina a ti na wunene ka loyi a fambako hi kululama ke?

Zakaria 11:8

Hi hweti yinwe nzi lo lovisa varisi vanharu, hakuva a moya wa mina wu wa karele hi tiyivu, ni moya wa tonawu wu wa swihala ha mina.

Mateu 10:22

Mu ta vengiwa hi vanhu vontlhe hi kota ya vito ga mina; kanilezi loyi a timiselako kala magumo, hi yena a ta nga hanyiswa. Lu. 21:17; Mar. 13:13

Johani 17:14

Nzi va nyikile a mhaka ya wena, zonake a tiko gi lo va venga, hakuva a hi va tiko, kota lezi mina nzi nga hiko wa tiko. Xip. 8:23; 15:18

Johani 7:7

A tiko a gi zi koti ku mu venga; kanilezi mina ga nzi venga, hakuva nza kustumunya ha gona, lezaku a mitiro ya gona yi bihile. Xip. 3:19; 15:19

Va le Galatia 4:16

Xana nzi nala wa nwina, hilezi nzi mu byelako a zinene ke?