Aku ka Jehoxafate: U nga ta hloma zinwe na mina hi ya hlazela le Ramote-Gileade ke? Jehoxafate i lo hlamula a hosi ya ka Israeli aku: Mina nzi munwe na wena; a vanhu va mina va zinwe ni vanhu va wena, ni mahaxi ya mina ma zinwe ni mahaxi ya wena.
Zonake a hosi ya ka Israeli yi lo tsombanyisa a vaprofeti Xipimo xa 400, aku kabye: Xana nzi famba nzi ya hlasela le Ramote-Gileade, kutani nzi ngayi ke? Vona vaku: Kanziha, u famba, hakuva Jehova i ta nyikela gona mandleni ya hosi.
Kanilezi a ngelosi ya Jehova yi te ngalo ka Elija a muTixebeti: Suka u ya tlhangana ni mitsumi ya hosi ya le Samaria, uku ka yona: Hi lezaku a ku na Nungungulu lomu tikweni ga ka Israeli, lezi u yako ku ya wutisa ka Baali-Zebuba, a nungungulu wa le Ekroni ke?
Kanilezi Jehoxafate i te ngalo: Kasi seno a nga kona a muprofeti wa Jehova loyi hi faneleko ku wutisa Jehova ha yena ke? A munwe wa malanza ya hosi ya ka Israeli i lo hlamula, aku: I kona Elixa a nʼwana Xafate, loyi a nga wa chelile mati mandleni ya Elija.
Zinghaho Saule i lofa hi kota ya zionho zakwe lezi a nga onhela ha zona Jehova, hi kota ya gezu ga Jehova legi a nga kala ku gi hlayisa a vitana a mufi ku ta mu byela timhaka. 1 Sam. 15:10
Hi nga hi wutisela a ka Jehova, hakuva Nebukadrezzare, a hosi ya Babuloni, wa hi hlasela; kutani Jehova i ta hi mahela a masingita yakwe, lezaku yena a suka ka hina.
Nʼwana wa munhu, a vanhu lava a timbilu tabye va ti nyikele ka zifananiso zabye, va vekile a zikhunguvanyiso mahlweni kabye lexi xi va wisako kubiheni. Nzi nga vumela ku wutisiwa hi vona ke? Isa. 58:2; Ezek. 11:5
Yena i ta yima mahlweni ka mupristi Eliazare, i ta mu kombelela hi nayo wa Urime mahlweni ka Jehova. Khwatsi hi kuleletela kakwe a vanana va ka Israeli va ta huma; hi kuleletela kakwe kambe va ta tlhela va enghena.
Makunu laha Joxua a nga wa file, a vanana va ka Israeli va lo wutisa ka Jehova, vaku: Himani xikari ka hina a ta nga ranga a kanziha aya ka vaKanani a yalwa navo ke?
A va ka Israeli va lo suka va kanziha Beteli ku ya kombela wusungukati ka Nungungulu, vaku: Himani xikari ka hina a ta nga rangela mahlweni a ku yalwa ni va ka Benjamini? Jehova aku: Ku ta rangela Juda.
Va lo kanziha va ya rila mahlweni ka Jehova kala laha gambyeni, na va wutisa, vaku: Hi engeta hi yalwa ni nakulori Benjamini ke? Jehova aku: Kanzihani mu yalwa naye!
Zonake Davida i lo wutisa Jehova, aku: Nzi famba nzi ya hlasela vaFilistia lava ke? Jehova aku ka Davida: Famba u ya hlasela vaFilistia u ponisa Keila.
Zonake Davida i lo engeta a wutisa kambe ka Jehova; Jehova a hlamula aku: Suka u relela uya le Keila, hakuva nzi ta nyikela vaFilistia mandleni ya wena.
Zonake Davida i lo wutisa ka Jehova, aku: Loku nzi lanza a yimpi leyi, nzi ta yi kamanyeta ke? Yena i te ngalo kakwe: Yi lanze, hakuva hakunene u ta yi kamanyeta, u tlhatlhisa zontlhe.
