1 Tihosi 21:5 - Tshwa Bible

⁵ A sati wakwe Jezebeli i lota kakwe a taku: Kasi wo tsuvela yini lezi u nga giko nchumu?

1 Tihosi 21:5 교차 참조

Genesisi 3:6

A wasati na a wona a sinya lezaku yi sasekile akuva yi giwa, ni ku naveleka kucuwukekeni, ni lezaku a sinya ya naveleka ku tlharihisa, i lo khaya a mihanzu ya kona a yiga, yena i lo ya nyika ni nuna wakwe kambe, yenawu i loga. 2 Kor. 11:3; 1 Tim. 2:14

2 Samueli 13:4

Aku ngalo kakwe: Hi kuyini siku ni siku u wonza ku hunza mpimo, wena nʼwana wa hosi ke? Xana a ku zi koti ku nzi byela ke? Amnoni i te ngalo kakwe: Nzo navela Tamara makabye wa Absalome a nakulori.

1 Tihosi 16:31

A nga kolwangi hi ku maha a zionho lezi zi mahilweko hi Jeroboamu nʼwana Nebate. I lo engeta kambe hi ku teka Jezebeli wa Etebali, a hosi ya vaSidoni, a ya khozela Baali a mu khizamela.

1 Tihosi 18:4

hakuva xikhatini lexo Jezebeli a nga hlasela a vaprofeti va Jehova, Obadia i wa tekile a zana ga vaprofeti, a va avanyisa hi mitlawa mimbiri ya 50 a munwe, a va fihla lomu muhumeni, a va phamela ni ku va nwisa.

1 Tihosi 19:2

Zonake Jezebeli i lo rumela ntsumi ka Elija, aku: A vanungungulu a va nzi tsayise ni ku engeta, loku manziko hi xwalexi xikhati nzi nga ku dayi, kota lezi u nga dayisa zona munwe ni munwani wa vona,

1 Tihosi 21:25

Kunene, a ku na nga va kona a hosi yo kota Ahabi loyi a xavisileko wutsumbu gakwe hi ku maha lezi zi bihileko mahlweni ka Jehova, hi kota ya Jezebeli sati wakwe a nga mu kucetela.

1 Tihosi 21:4

Ahabi i lo famba ndlwini yakwe na a tsanwile, a xaniseka hi kota ya timhaka ta Nabote a muJezreeli, taku: A nzi zi koti ku ku nyika a tshomba ya vadadani va mina, I lo ya etlela mubhedini wakwe, a nghohe yakwe na yi cuwukile khurisini, a ngagi nchumu.

1 Tihosi 21:6

Yena i te ngalo kakwe: Hi lezi nzi nga wulawula na Nabote a muJezreeli, nziku: Nzi xavisele a xivina xa wena hi mali, ni lezaku loku u zi ranza nzi ta ku nyika xinwani xivina wutshanwini ga lexi. Makunu yena i lo hlamula, aku: A nzi zi koti ku ku nyika a simu ga mina!

Nehemia 2:2

A hosi yi te ngalo ka mina: Hi kuyini a nghohe ya wena yi tsanwako na u nga babyi? Za su dlunya lezaku kuxaniseka ka mbilu. Zonake nzi lo chava nguvu.

Estere 4:5

Zonake Estere i lo vitanisa Hataki, a munwe wa mithenwa ya hosi, loyi a nga wa yimisilwe kuva muyimeleteli wa muzinza, a ta mu ruma ku ya wutisa Mordekai, lezaku mahungu muni, za kuyini zi humeleleko.