1 Tihosi 21:10 - Tshwa Bible

¹⁰ mu yimisa a vavanuna vambiri va nyamijiri mahlweni kakwe, lava va ta ngava timboni ha yena, vaku ngalo: Wena u rukatele Nungungulu ni hosi. Zonake mu ta mu humesa lahandle mu mu gandla hi maribye, afa.

1 Tihosi 21:10 교차 참조

2 Samueli 20:1

Makunu ku lo humelela a nyamijiri wa wanuna, a vito a nga hi Xeba nʼwana Bikiri a muBenjamini. I loba mpunzu, aku: Hina a hi na xiavelo ka Davida, ge hambu tshomba ka nʼwana wa Jese! Va ka Israeli, munwe ni munwani wa nwina a fambe tendeni gakwe!

1 Tihosi 21:11

A vavanuna va muti wabye, a masingalakati ni manghanakana, lava a akeleneko navo, va lo maha khwatsi hi lezi Jezebeli a nga wa va tsalele mapapilweni a va leletela.

1 Tihosi 21:9

Lomu mapapilweni i tsalile ku ngalo: Banani hungu ga kuyila, mu nyika Nabote a wutshamu ga le mahlweni;

2 Tihosi 6:32

Elixa i wa tshamile lomu ndlwini yakwe zinwe ni masingalakati. A hosi yi lo mu rumela a munwe wa malanza ya yona. Na wu nga se chikela a ntsumi, Elixa i te ngalo ka masingalakati: Langutani a nʼwana wa mudayi, loyi a rumelako a munhu a ku ta nzi tsema a hloko! Langutani! Loku a ntsumi wu chikela, valani livati, mu mu susumeta ha lona. Ma zizwa a zigingi za hosi yakwe yi mu lanzako ke?

Joba 1:5

Loku va hetile mibuzo yabye, Joba i wa va vitana a ta va basisa; a vuka ni mixo a ya nyikela munyikelo wa kuhiswa, maringano ni tsengo wabye vontlhe, hakuva Joba i waku: Kutani a vana va mina va onhile, va tsika Nungungulu lomu timbilwini tabye. Joba i wa maha lezo xontlhe xikhati.

Eksodusi 22:28

U nga dzuki u xanza Nungungulu wa wena, ni kambe u nga rukateli a hosi ya nwina.

Mavingu 6:19

A kustumunyu yo hemba, leyi yi wulako wunwa, i loyi a xwanyako kungazwani xikari ka vanakulobye.

Isaya 59:14

A nongameto wu tlhelisilwe nzhako, Ni kululama ku yimile kule na hina, Hakuva zinene zi wile le hubyeni, Ni kululama a ku zi koti ku enghena.

Levi 24:14

Humesa murukateli loye lahandle ka wugovelo, kasi vontlhe lava va nga muzwa va ta tlhateka mandla yabye hehla ka hloko yakwe, zonake wontihe ntlhangano wu ta mu gandla hi maribye.

Johani 10:33

A vaJuda va lo mu hlamula, vaku: A hi ku gandli hi kota ya ntiro wo saseka, kanilezi hi kota ya tihlamba; lezi wena na u hi munhu, u ti maha Nungungulu. Xip. 5:18

Mitiro 6:11

Zonake va lo kucetela a vanhu, lava va nga kungalo: Hina hi mu zwile ku wulawula tihlamba ha Mosi ni Nungungulu. Mat. 26:59

Mitiro 6:13

Va lo humesa a vakustumunyu va mawunwa, lava va ngaku ngalo: Loyi munhu a nga tsiki ku kanela a timhaka to vukela a wutshamu legi go basa, ni nayo;

Deuteronome 13:13

A tlawa wo kari wa vanhu va hava wu humile lomu xikari ka nwina, va hambukisile a vanhu va muti wabye, vaku: A hi fambeni hi ya khozela vanwani vanungungulu lava mu nga va tiviko;

Deuteronome 19:15

A munhu munwe a nga ringani ku maha kustumunyu wa kuonha ka munhu, hambu loku a lo maha xionho xa lihi lixaka; a timhaka ti ta tiyiswa hi vakustumunyu vambiri kutani vanharu. Mat. 18:16; 2 Kor. 13:1; Maheb. 10:28

Valamuli 19:22

Na va ha ti tsakisa, a vavanuna va nyamijiri va muti lowo va lo ta ranzela a yindlu vaba livati, vaku ka xikhosana lexo xa nwinyi wa yindlu: Humesa inaloye a enghenileko ndlwini ya wena, hi lava ku mu tiva! Gen. 19:5; Hos. 9:9

1 Samueli 2:12

A vana va Eli va wa hi vavanuna vo biha. Va wa nga mu tivi Jehova.