1 Tihosi 20:1 - Tshwa Bible

¹ Ben-Hadade a hosi ya le Siria i lo hlomisa yontlhe a yimpi yakwe; ku wa hi 32 wa tihosana a nga wa hi nato. I lo kanziha a ya vimbezela Samaria, a gi vukela.

1 Tihosi 20:1 교차 참조

1 Tihosi 15:18

Zonake Asa i lo teka yontlhe a siliva ni nzalama yontlhe leyi yi nga wa sele lomu ka mabako ya yindlu ya Jehova, ni titshomba ta yindlu ya hosi a zi nyikela mandleni ya malanza yakwe, a ma rumela a kuya ka Ben-hadade a nʼwana Tabrimmone wa Hezroni, a hosi ya le Siria leyi yi nga wa akile le Damasku, aku kakwe:

1 Tihosi 15:20

Ben-Hadade i lo ingisa a timhaka ta hosi Asa, a rumela a tinduna ta yimpi yakwe ti ya hlasela a miti ya ka Israeli. Va lo ya hangalasa Ijoni, na Dani, na Abel-Bete-Maaka, ni gontlhe ga ka Kinnerote, ni gontlhe tiko ga ka Naftali.

1 Tihosi 16:24

Zonake i lo xava a xitsunga xa le Samaria ka Xemeri hi titalenta timbiri ta siliva. I lo aka ka xitsunga lexo, a muti lowo a wu chula vito ga Samaria, hi kota ya vito ga Xemeri a nwinyi wa xitsunga lexo.

1 Tihosi 20:16

Va lo huma lahandle laha hlikanhini, kanilezi Ben-Hadade i wa hi lomu mixaxeni na a kari anwa, a popiwa zinwe ni 32 wa tihosi leti ti nga wa mu vunetela,

1 Tihosi 20:2

I lo rumela a vanhu ka Ahabi a hosi ya ka Israeli, le mutini, aku kakwe:

1 Tihosi 20:24

Ni kuva u maha lezi: u susa tontlhe tihosi matshanwini ya tona, u yimisa a tinduna ta yimpi zikhundleni za tona.

1 Tihosi 22:31

Makunu a hosi ya le Siria yi wa leletele a 32 wa tinduna ta tikareta, yiku: Mu ngalwi ni munhu wa tsongwani hambu wa hombe, saseka a hosi ya ka Israeli yoce.

2 Tihosi 6:8

Makunu a hosi ya le Siria yi lo hlomelana ni va ka Israeli; i lo tsema xikungo ni malanza yakwe, aku: A wugovelo ga mina gi tava laha ko kari.

2 Tihosi 8:5

Laha Gehazi a nga wa hlawutela hosi lezi Elixa a nga hanyisisa zona a mufana loyi a nga wa file, a nyine wa mufana loye i lo kanyuluka a kombela a yindlu yakwe ni masimu yakwe. Gehazi aku: Hosi yanga, hi yaloyi wasati wa kona; ni mufana wa kona hi loyi, loyi a nga hanyiswa hi Elixa.

Ezra 7:12

Artaxerxesi, a hosi ya tihosi, a ka Ezra, a mupristi ni mutsali a mbheleleko wa nayo wa Nungungulu wa le hehla;

Eksodusi 14:7

I lo teka 600 wa tikareta, leti ti langilweko xikari ka vaGipite, ni tikareta tontlhe tinwani ta vaGipite: ku wa khilele tinhenha hehla ka tona tontlhe.

Isaya 10:8

Hakuva i ngalo: A tinduna tontlhe ta mina a hi tihosi ke?

Isaya 37:24

Hi malanza ya wena u rukatele a Hosi, Uku: Hi tikareta ta mina leʼtinyingi Nzi kanzihile hehla ka zitsunga, a mareveni ya Lebanoni, Nzi ta tsema tisinya to leha ta tisedare. Ni leʼta kusaseka ta kipres; Nzi ta enghena kala nzi chikela xixungweni xa magumo, Ni lomu khwatini go saseka nguvu;

Jeremia 49:27

Nzi ta dzivela a nzilo lomu khurisini ga Damasku, wu ta hisa a ziluvelo za Ben-hadade.

Ezekieli 26:7

Hakuva Hosi Jehova i ngalo: Nzi ta neha Nebukadrezzare le Tire, a hosi ya le Babuloni, a hosi ya tihosi, na a suka hi le Nwalungu, ata ni mahaxi ni tikareta ta yimpi, ni vakhileli va mahaxi, ni xidlemo xa vanhu vo tala.

Danieli 2:37

Wena hosi u hosi ya tihosi, loyi a Nungungulu wa le tilweni a mu nyikileko a kufuma, a wukulu, ni ntamu, ni wudzunzo.

Levi 26:25

Nzi ta rumela hehla ka nwina a matlhari ya ku ta photela a xivumelwano xa mina; zonake ku taku loku mu tsombene lomu mitini ya nwina, nzi rumela a ntungu xikari ka nwina, mu nyikelwa mandleni ya nala.

Amosi 1:4

Nzi ta rumela a nzilo lomu ndlwini ya Hazaeli, Wu ta hisa a ziluvelo za Ben-hadade. 2 Tih. 13:3; Jer. 49:27

Deuteronome 20:1

Loku wena u hloma yimpi ku yalwa ni valala va wena, loku u wona mahaxi ni tikareta ni vanhu vo tala ku hunza wena, u nga va chavi; hakuva Jehova Nungungulu wa wena i zinwe na wena, yena loyi a ku humesileko tikweni ga le Gipite.

Deuteronome 28:52

Na vona va ta ku vimbezela lomu mitini ya wena yontlhe, kala kuwa lahasi wontihe a makhokhola lawa ma gingisilweko hi ntamu, walawo u ma tsumbako lomu tikweni ga wena gontlhe. Va ta ku hlasela lomu mitini ya wena yontlhe, lomu ka tiko legi Jehova Nungungulu wa wena a nga ku nyika gona.

Valamuli 1:7

Adoni-bezeki aku: 70 wa tihosi, laha ti nga wa tsemilwe titiho ta tona ta hombe ta mandla ni ta mikonzo, ti wa rolela matlhatlha lahasi ka meza ya mina. Nungungulu i nzi tlhelisela zimaho za mina. Vona va lo mu yisa le Jerusalema, laho a nga ya fela kona. Ekso. 21:23

Valamuli 4:3

Zonake a vanana va ka Israeli va lo rila ka Jehova, hakuva Sisera i wa hi ni 900 wa tikareta ta ziketse. A 20 wa malembe i lo tsimbeketa a vanana va ka Israeli hi ntamu.

1 Samueli 13:5

Zonake a vaFilistia va lo tsombana khatiginwe a kulwa ni va ka Israeli. Va wa hi ni 30,000 wa tikareta, ni 6,000 wa vakhileli va mahaxi, ni vanhu vo tala nguvu khwatsi i seke ga fungu wa bimbi. Va lo kanziha va ya gova le Mikmaxe, hi le Mutsuwuka-gambo wa Bet-Avene.