Zonake a hosi yi lo vitana a maGibeoni yi ta wulawula nawo. A maGibeoni ma wa nga hi vanana va ka Israeli, kanilezi va wa hi misalela ya vaAmori, lava va vanana va ka Israeli va nga va hlambanyele, ku nga vona Saule a nga xuvile ku va daya hi ku bayisekela a vanana va ka Israeli ni va ka Juda.
Zonake a hosi yi lo vitanisa Ximei, a taku kakwe: Kasi a nzi hlambanyangi ha Jehova ka wena, nzi tiyisa lezaku: Zi tive futsi lezaku ni gihi siku u ta nga suka uya wutshamu, u tafa ke? Wena uku: A gezu legi gi nene, nzi gi zwile.
Tlhatakumbiri, a hosi yi te ngalo ka Ximei: Wena wa tiva mbilwini ya wena a kubiha kontlhe loku u ku mahileko ka Davida, dadani wa mina. Makunu Jehova i ta tlhelisela hehla ka hloko ya wena a kubiha ka wena.
A canja ga Jehova gi wa hi zinwe ni vanhu va tiko ga ka Juda, gi va nyika a mbilu yinwe ya ku maha khwatsi hi lezi a hosi ni tihosana va leleteleko hi gezu ga Jehova.
