1 Tihosi 2:32 - Tshwa Bible

³² Jehova i ta tlhelisela hlokweni yakwe a nkhata wakwe yena nwinyi, hakuva i dele a vavanuna vambiri va lulamileko ku hunza yena, a va daya hi tlhari na dadani wa mina Davida a nga zi tivi-—ku nga Abneri wa Neri, a nduna ya yimpi ya ka Israeli, na Amasa wa Jetera, a nduna ya yimpi ya ka Juda.

1 Tihosi 2:32 교차 참조

Genesisi 4:11

Makunu u rukatelwe misaveni leyi yi ahlamileko a nomu wa yona yi amukela a nkhata wa nakuloni a mandleni ya wena.

Genesisi 42:22

Rubeni i lo va hlamula, aku: A nzi mu byelangi nziku, mu nga mahi kubiha ka nakulori ke? Kanilezi a mu ingisangi; hi nkhata wakwe wu labyiwako makunu.

Genesisi 9:6

Loye a halatako a nkhata wa munhu, a nkhata wakwe wu ta halatwa hi munhu; hakuva Nungungulu i lo maha vanhu hi mufananiso wakwe. Mat. 26:52; Kuv. 13:10

2 Samueli 1:16

Davida i te ngalo ka yena: A nkhata wa wena a wuve hlokweni ya wena nwinyi, hakuva a nomu wa wena wu kustumunya, wuku: Hi mina nzi nga daya a totilweko wa Jehova.

2 Samueli 17:25

Absalome i wa yimisile Amasa a kuva nduna ya yimpi matshanwini ya Joabe. Amasa i wa hi nʼwana wa wanuna loyi a vito gakwe a nga Itara, a muIsraeli, loyi a nga wa tekile Abigaili wa Nahaxi, a makabye wa Zeruia, a nyine wa Joabe.

2 Samueli 3:29

Ngha wuva le hlokweni ya Joabe ni le ndlwini yontlhe ya raru wakwe. Ngha a nga hi kona munhu a ponako lomu ndlwini ya Joabe a kuva ni ntungu, wa ku humesa nkhata, kutani hlokonho, kutani loyi a chetengelako hi nhonga, kutani wa ku wela matlharini, hambu wa kuvumala zibaba. Levi 15:2; 1 Tih. 2:5

2 Samueli 3:37

Zonake a vanhu vontlhe, ni vontlhe va ka Israeli, va lo zi tiva lezaku Abneri nʼwana Neri a nga dawangi hi kuruma ka hosi.

2 Samueli 3:39

Mina nzi mbhelile ntamu nyamutlha, hambu loku nzi wumbelwe kuva hosi leyi yi nga nhenha ya hombe, yi va Zeruia, va nzi hunza a ntamu. Jehova ngha a chachazela mumahi wa kubiha kukotisa kubiha kakwe.

2 Samueli 4:11

Ku ta kuyini loku a vakubiha va dele a munhu a lulamileko lomu ndlwini yakwe laha mubhedini wakwe, nzi nga ta lava a nkhata wakwe mandleni ya nwina, nzi mu lovisa laha misaveni ke?

1 Tihosi 2:44

Tlhatakumbiri, a hosi yi te ngalo ka Ximei: Wena wa tiva mbilwini ya wena a kubiha kontlhe loku u ku mahileko ka Davida, dadani wa mina. Makunu Jehova i ta tlhelisela hehla ka hloko ya wena a kubiha ka wena.

1 Tihosi 2:5

Ni kambe wena wa zi tiva lezi Joabe nʼwana Zeruia a nzi maheleko, zi nga lezi a zi mahileko ka tinduna timbiri ta yimpi ya ka Israeli, ku nga Abneri wa Neri, na Amasa wa Jetera, lava a nga va daya, a halata a nkhata wa yimpi hi xikhati xa kurula. I totile a nkhata wa yimpi lomu lifungeni lakwe li nga xiwunwini xakwe, ni lomu zilatweni za mikonzo yakwe.

1 Tihosi 8:32

zi ingise wena na u hi kwaseyo tilweni; u tsema timhaka ta malanza ya wena; u kombisa wa kubiha hi ku tlhelisela hlokweni yakwe a kubiha kakwe; ni ku kombisa kululama ka loyi a mahileko kululama.

2 Kronekele 21:13

kanilezi u famba hi tindlela ta tihosi ta va ka Israeli, u kucetela va ka Juda ni vanhu va le Jerusalema a ku maha wubhayi, va lanzela zimaho za yindlu ya ka Ahabi, ni lezi u deleko a vanakuloni va yindlu ya raru wa wena, lava va nga wa hi va nene ku hunza wena,

2 Kronekele 21:14

Jehova i ta bhoxa a mbanga ya hombe lomu vanhwini va wena; i taba a vana va wena ni vasati va wena, ni zontlhe lezi zi nga za wena.

Estere 1:19

Loku a hosi yi zi ranza, yi nga rumisa a nyivo ya wuhosi, lezaku ku tsaliwa milayweni ya maPersia ni maMedi, a mhaka yi nga hiko na kuhunzulwa, lezaku Vaxti a nga ha veki nkonzo wakwe mahlweni ka hosi Ahasuerusi, u wuya u nyikela a wuzinza gakwe ka munwani loyi a nga chukwana ku hunza yena.

Tisimu 7:16

A kukhohlakala kakwe ku ta tlhelela hlokweni yakwe, Ni lunya lakwe li ta wela hehla kakwe wutsumbu.

Tisimu 7:17

Nzi ta dumisa Jehova hi kota ya kululama kakwe, Nzi ta yimbelela a kudumisa ka vito ga Jehova loyi a Hunzeleleko Kutlakuka.

Ezekieli 17:19

Hikwalaho Hosi Jehova i ngalo: Nza hlambanya hi kuhanya ka mina, i kanyisile a xifungo xa mina, a tshova xivumelwano xa mina, futsi nzi ta zi tlhelisela hlokweni yakwe.

Mitsengo 32:23

Kanilezi loku mu nga mahi lezo mu tava mu onhile ka Jehova; hikwalaho tivani lezaku a xionho xa nwina xi ta tlhela xi mu kuma.

Valamuli 9:24

kasi a xapi leyi yi nga mahiwa ka 70 wa vanana va Jerubaali, a nkhata wabye wu fela ku tlheliselwa ka nakulobye Abimeleki ni ka vanhu va le Xekemi lava va nga mu kucetela ku daya vanakulobye.

Valamuli 9:57

Nungungulu i lo tlhelisela kambe hehla ka tihloko ta vanhu va le Xekemi a kubiha kontlhe loku va ku mahileko. A kurukatela ka Jotamu nʼwana Jerubaali ku lowa hehla kabye.

1 Samueli 15:28

Samueli i te ngalo kakwe: Inyamutlha Jehova i hanzule a mufumo wa ka Israeli hehla ka wena, a wu nyikela ka muakelane wa wena, loyi a nga chukwana ku hunza wena.