Makunu laha na ku hunzile masiku yo tata, a gezu ga Jehova gi lota ka Elija hi lembe ga wunharu, giku: Famba u ya ti kombisa ka Ahabi, zonake nzi ta nisa vuta laha misaveni. Jak. 5:17
A ndlala yi lo kula nguvu lomu mutini wa Samaria, kuva ni hlomulo wa hombe nguvu, laha ka kuva a hloko ya mbongola yi xabyiwa hi 80 wa maxekeli, a xipanze xa wumune xa wubheketse ga swanyi wa tuva xi xabyiwa hi ntlhanu wa maxekeli ya siliva.
Nzi onhile mahlweni ka wena wece, Nzi maha lezi zi bihileko mahlweni ka wena. Kasi u fela ku kumeka na u lulamile kuwulawuleni ka wena, Ni kuva ni nongameto laha u lamulako. Rom. 3:4
Loku nziya masinwini ku kona lava va delweko hi supado, Ni loku nzi enghena mutini nzi wona lava va swodokako hi ndlala: Ina, hi wumbiri gabye a muprofeti ni mupristi va nzulanzula na va nga ku tivi laha va yako kona.
Mu ta xakela mahala a ntamu wa nwina, hakuva a misava ya nwina yi nga ta humesa a pfuno wa yona, ni tisinya ta lomu tikweni ti nga ta pswala mihanzu ya tona.
Nzi ta mu wutlela a zibaba za nwina; a khume ga vavasati va ta mu bhikela zibaba za nwina lomu ka mbita yinwe, va mu phamela zibaba za nwina hi ku mu pimela; mu taga kanilezi mu nga ta xura.
