1 Tihosi 14:9 - Tshwa Bible

⁹ Wena u mahile kubiha ku hunza vontlhe lava va ku rangeleko; u ti mahele vanungungulu vanwani va zifananiso zi nyekisilweko u nzi zangarisa, u nzi fularela.

1 Tihosi 14:9 교차 참조

1 Tihosi 12:28

Hikwalaho a hosi yi lo tsema xikungo, yi nyekisa nzalama yi maha marole mambiri, yiku ka vanhu va vakwe: Kale na mu khiringela a pfhuka woya Jerusalema, wena Israeli; a vanungungulu lava va mu humesileko tikweni ga Gipite hi lava! Ekso. 32:4, 8

1 Tihosi 14:16

Jehova i ta nyikela va ka Israeli hi kota ya zionho za Jeroboamu, lezi a zi mahileko ni lezi a onhisileko va ka Israeli ha zona.

1 Tihosi 14:22

A va ka Juda va lo maha lezi zi bihileko mahlweni ka Jehova, va mu zangarisa ku hunza vadadani vabye hi zionho lezi va zi mahileko.

1 Tihosi 15:29

Makunu laha yena a nga sangula ku fuma, i lo hlasela yontlhe a yindlu ya ka Jeroboamu, a nga siyi ni munhu munwe wa yindlu leyo. I lo hlasela zontlhe lezi zi hefemulako, khwatsi hi lezi Jehova a nga wa wulile hi nanza gakwe Ahija a muXiloni,

1 Tihosi 15:30

hi kota ya zionho za Jeroboamu lezi a zi mahileko, ni lezi a onhisileko ha zona va ka Israeli, lezi a zangarisileko ha zona Jehova Nungungulu wa ka Israeli.

1 Tihosi 15:34

I lo maha lezi zi bihileko mahlweni ka Jehova, a lanzela a ndlela ya Jeroboamu, ni lomu xionhweni xakwe lexi a nga onhisa ha xona va ka Israeli.

1 Tihosi 16:25

Omri i lo maha lezi zi bihileko mahlweni ka Jehova, ku hunza vontlhe lava va mu rangeleko. Mika 6:16

1 Tihosi 16:30

Ahabi nʼwana Omri i lo maha lezi zi bihileko mahlweni ka Jehova ku hunza vontlhe lava va mu rangeleko.

1 Tihosi 16:31

A nga kolwangi hi ku maha a zionho lezi zi mahilweko hi Jeroboamu nʼwana Nebate. I lo engeta kambe hi ku teka Jezebeli wa Etebali, a hosi ya vaSidoni, a ya khozela Baali a mu khizamela.

1 Tihosi 16:33

Ahabi i lo maha xifananiso xa Axtarte. Lezo Ahabi i lo zangarisa Jehova Nungungulu wa ka Israeli ku hunza tontlhe tihosi ta ka Israeli leti ti mu rangeleko.

2 Tihosi 21:3

I lo aketa a matshamu ma tlakukileko lawa ma nga wa khungumulwe hi raru wakwe Hezekia, a aketa ni alati ga Baali, a maha xifananiso xa Axtarte, khwatsi hi lezi a nga wa mahile Ahabi a hosi ya ka Israeli; i lo khizamela wontihe mabandla ya tilo a ma khozela.

2 Tihosi 23:26

Hambulezo, a zanga ya Jehova cima a yi bohlangi, hakuva yi wa hi ya hombe, hakuva i wa holovela vaJuda hi kota yo zontlhe lezi Manasa a nga mu zangarisa ha zona.

2 Tihosi 3:3

Hambu lezo, i lo namarela ka zionho za Jeroboamu nʼwana Nebate, lezi a nga onhisa va ka Israeli ha zona, a nga zi tsikangi.

2 Kronekele 11:15

I lo ti yimisela a vapristi va matshamu ma tlakukileko, ni va madimoni, ni va marole lawa yena a ma mahileko. Levi 17:7

2 Kronekele 33:6

Ni kambe i lo enghenisa a vanana vakwe va xinuna nzilweni, le nzhelelweni wa vanana va ka Hinome. I lo ti nyiketela ka vanyamusolo, ni ka vangoma, ni ka zitumbe, a hlengela zinwe ni lava va mimoya yo biha ni yaloyi; i lo maha kubiha ko hunzeleta mahlweni ka Jehova, a mu zangarisa.

Nehemia 9:25

Va lo teka a miti yi bhiyelweko, ni tiko go nona, va teka ni tiyindlu ti nga wa tele hi zilo zo saseka, a tihlowo ti kelilweko, zivina, mioliva, ni tisinya tinyingi ta mihanzu. Zinghaho va loga, va xura, va kulukelana, va ti tsakela hi wunene ga wena.

Nehemia 9:26

Ahembaloko, va wa nga ingisi; va lo ti alisa, va hoxa milayo ya wena lenzhako, va daya vaprofeti va wena lava va nga wa kanela kabye lezaku va tlhelela ka wena, va vindlusa a zanga ya wena.

Tisimu 106:29

Va zangarisa Nungungulu hi zimaho zabye, A ntungu wu lo wela hehla kabye.

Tisimu 50:17

Wena loyi u nga ranziko ku layiwa, U hoxako a magezu ya mina lenzhako ka wena.

Tisimu 78:40

Zikhati zingani va nga mu hluwuka xiwuleni, Va mu zwisa kubayisa lomu cuweni.

Tisimu 78:56

Kanilezi va lo ringa Nungungulu loyi a Hunzeleleko Kutlakuka va mu hluwuka, A va hlayisangi a wumboni gakwe.

Tisimu 78:58

Va lo mu zangarisa hi matshamu yabye ma tlakukileko, Va vuxa xiluse xakwe hi zifananiso zabye. Deut. 32:16, 21

Eksodusi 34:17

U nga ti maheli nungungulu loyi a nyekisilweko.

Jeremia 32:18

wena loyi u maheleko wuxinji ka makume mazana, u tlhelisa a kubiha ka vadadani zifuveni za vana vabye anzhako kabye; u wa hombe, Nungungulu nyamintamu, Jehova wa tiyimpi hi vito ga wena. Ekso. 20:5; 34:7; Deut. 5:9

Jeremia 7:18

A vanana va wungeletela tihunyi, a vararu va dzivela nzilo, ni vavasati va vuva mapa, kasi ku maha zikhekhetselo ka muzinza wa tilo; na va nyikela minyikelo ya zakunwa a ka vanwani vanungungulu, kasi ku nzi vuxela zanga.

Jeremia 7:26

Kanilezi a va ingisangi, hambu ku riya tindleve; va lo nonohisa a tinhamu tabye, va maha kubiha ku hunza ni vararu vabye.

Ezekieli 23:35

Hikwalaho Hosi Jehova i ngalo: Kota lezi u nzi riveleko, u nzi fularela, hikwalaho u ta tsayiswa hi wuoswi ga wena ni wubhayi ga wena. 1 Tih. 14:9; Jer. 2:32; 3:21

Ezekieli 8:17

Zonake i te ngalo ka mina: Nʼwana wa munhu, wa zi wona lezi ke? Xilo xo hehuka ka yindlu ya ka Juda a ku maha manyalataniso khwatsi hi lezi va zi mahako laha ke? Hakuva va tatile a tiko hi tihanyi, va tlhela va vuxa a zanga ya mina; languta, va tshineta a ravi tinhovini tabye.

Ezekieli 8:3

I lo nawuluta xo khwatsi hi woko, a nzi khoma hi misisi ya mina, zonake a moya wu lo nzi tlakula ndengelengeni, wu nzi yisa Jerusalema hi miwoniso ya Nungungulu, a ka nyangwa ya le nzeni ya hubye, leyi yi ngomamako Nwalungu, laha ku nga hi ni xifananiso lexi xi vuxako kutsanwa ka Nungungulu. 2 Kro. 33:7, 15; Ezek. 3:12

Levi 19:4

Mu nga khizameli zifananiso, ge hambu ku ti mahela zifananiso zi chululweko. Hi mina Jehova, Nungungulu wa nwina.

1 Va le Korinte 10:22

Xana ha yi vuxela xiluse a Hosi ke? Xana ha yi hunza hi ntamu ke? Ekso. 22:14

Deuteronome 32:21

Vona va nzi vuxele xiluse hi lezi zi nga hiko Nungungulu, Va nzi zangarisile hi zilo zabye za hava; Nzi ta va vuxela xiluse hi lezi zi nga hiko vanhu, Nzi ta va zangarisa hi matiko ya zipumbu.

Deuteronome 9:24

Nwina mu wa hi ni mijiri ha Jehova kusukela siku lego nzi nga sangula ku mu tiva nwina.

Valamuli 5:8

Va wa ti hlawutela vanungungulu vaswa, Zonake ku lwiwa lomu tinyangweni. Ku wa na nga kumeka a xitlhangu kutani tlhari Xikari ka 40,000 wa va ka Israeli ke? Deut. 32:17; 1 Sam. 13:19