1 Tihosi 13:18 - Tshwa Bible

¹⁸ Na yena i te ngalo kakwe: Minawu nzi muprofeti kota wena. A ngelosi ya Jehova yi lo wula ka mina yiku: Mu tlhelise a wuya lomu ndlwini ya wena a taga zakuga anwa mati. Kanilezi i wo hemba mawunwa.

1 Tihosi 13:18 교차 참조

Genesisi 27:24

Yena i te ngalo: Futsi hi wena nʼwana wa mina Esau ke? I te ngalo kakwe: Hi mina.

Genesisi 3:13

Na Jehova Nungungulu aku ngalo ka wasati: U mahele yini lezi ke? Wasati aku ngalo: Hi nyoka yi nga nzi khohlisa, nziga.

1 Tihosi 13:19

Zinghaho a munhu wa Nungungulu i lo tlhela naye, a yaga zakuga ni kunwa mati lomu ndlwini yakwe.

1 Tihosi 20:35

Zonake a mupizani wo kari wa vaprofeti i te ngalo ka nakulobye hi gezu ga Jehova: Nzi khuvaze! Kanilezi a munhu loye i lo ala ku mu daya.

1 Tihosi 22:22

Wona wu te ngalo: Nzi ta huma nziya kota moya wa mawunwa lomu milonwini ya vaprofeti vakwe vontlhe. Jehova i te ngalo: Hakunene u ta ya mu kupeta u mu hlula. Huma u ya maha zalezo.

Mavingu 12:19

A nomu lowu wu wulawulako lisine wu ta tiyisiwa kala kupinzuka; anilezi a lirimi la mawunwa la xikhatanyana.

Mavingu 12:22

Jehova wa venga a milomu ya mawunwa; anilezi wa tsaka hi lava va mahako kululama.

Mavingu 19:5

A kustumunyu ya mawunwa yi nga ta pona ku tsayiswa; i loyi a wulawulako mawunwa a nga ta huluka. Deut. 19:18

Isaya 36:10

Xana a nzi tangi a ku ta lovisa tiko legi hi kuranza ka Jehova ke? Hi Jehova a nzi byelileko lezaku: Famba ka tiko legiya u ya gi lovisa.

Isaya 9:15

A hloko hi masingalakati ni vadzunzekileko, Kanilezi a vaprofeti va profetako mawunwa i nkila.

Jeremia 23:14

Kanilezi hi ka vaprofeti va Jerusalema nzi wonile a zilo zo tshisa nguvu: Vona va maha wuoswi, va hemba mawunwa; Va tiyiseta a mawoko ya vamahi va kubiha, Lezaku kasi ku nga hunzuluki ni munwe kubiheni kakwe. A ka mina va fanana ni Sodoma, Ni vaaki va Jerusalema va kota Gomora. Gen. 13:13; Deut. 32:32; Ezek. 13:22

Jeremia 23:17

Va kanela hi kusimamisilweko a ka lava va nzi kanyisako, vaku: Jehova i ngalo: Mu ta tshameka khwatsi. Ni ka vontlhe va fambako hi kunonoha ka timbilu tabye, vaku: Gi nga tata khombo hehla ka nwina!

Jeremia 23:32

Ina, nza vukela lava va profetako miloro ya mawunwa, ku wula Jehova, loku va yi hlawutela va hambukisa a vanhu va mina hi mawunwa yabye ni kubyabyatsa kabye. Kasi mina a nzi va rumangi, hambu ni ku va laya; a va vuni nchumu ka lava vanhu, ku wula Jehova.

Jeremia 29:31

Rumela ka vontlhe va nga wukhumbini, uku: Jehova i ngalo xungetano ha Xemaya wa le Nehelame: Kotisa lezi Xemaya a nga profeta ka nwina na nzi nga mu rumangi, a mu maha mu tsumba mawunwa;

Jeremia 29:32

hikwalaho Jehova i ngalo: Mina nzi ta tsayisa Xemaya wa le Nehelame ni vana vakwe; a nga tava na munhu wo tshama xikari ka tiko legi, kambe a nga ta wona makatekwa lawa nzi to mahela a vanhu va mina, ku wula Jehova, hakuva i wulawulile zo vukela Jehova.

Jeremia 5:12

Va kanetile Jehova, vaku: A hi yena. Cima ku nga tawa khombo hehla ka hina; hambu supado ni ndlala hi nga ta zi wona. Deut. 29:19; Isa. 28:15

Jeremia 5:31

A vaprofeti va profeta mawunwa, ni vapristi va fumela na va layiwa hi vona; hi lezo a vanhu va mina va zi lavako. Kanilezi mu ta maha yini a magunweni ya kona ke? Ezek. 13:6; Mat. 23:1

Ezekieli 13:22

Kota lezi mu xanisileko a mbilu ya loyi wo lulama hi mawunwa ya nwina, loyi mina nzi nga mu xanisangiko, na mu tiyisa a mandla ya loyi wo biha, kasi a nga hunzuluki ndleleni yakwe ya kubiha, a hanyiswa,

Ezekieli 13:8

Hikwalaho Hosi Jehova i ngalo: Kota lezi mu wulawulako za hava, mu hemba mawunwa hi miwoniso ya nwina, mina nzi ta mu vukela, ku wula Hosi Jehova.

Mitsengo 22:35

A ngelosi ya Jehova yi ku ngalo ka Balaami: Famba navo a vanhu lavo, kanilezi u taya wula ntsena lezi nzi ta nga ku byela. Zonake Balaami i lo famba ni tihosana ta ka Balake.

Mateu 24:24

hakuva ku ta huma vanhu va ta nga ti wula Kristu hi ku hemba, ku huma ni vaprofeti va mawunwa; va ta maha ziwoniso za hombe ni zirewukiso, kasi ku pengisa ni vahlawulilweko loku zi koteka. Deut. 13:1; Rom. 8:28; 2 Tim. 2:19

Mateu 7:15

Chavani a vaprofeti va mawunwa, lava va tako ka nwina na va ambele a tinguwo ta tiyivu, kanilezi timbilwini tabye va hi timhisi leti ti pamako. Deut. 13:3; Jer. 23:16; Rom. 16:17

Va le Roma 16:18

Hakuva a va kunghahi a va tireli a Hosi ya hina Kristu, kanilezi va tirela a rumbu gabye ntsena; va xengetela lava va nga hiko na nanzu hi timhaka tabye to saseka ni kunanziha. Fil. 3:19; Kol. 2:4; 1 Tim. 6:5

2 Va le Korinte 11:3

Kanilezi nza chava lezaku, kota lezi a nyoka yi nga khohlisa Eva hi wumbyori ga yona, lezo a maalakanyo ya nwina ma ta onheka ma susiwa wuneneni legi gi nga ka Kristu. Gen. 3:4; Joh. 8:44; 1 Tim. 1:3; 4:1; Maheb. 13:9; 2 Ped. 3:17

Va le Galatia 1:8

Hakuva loku munhu a mu kanelela a ivangeli yi hambeneko ni leyi hi nga yi kanela ka nwina, hambu ku hi hina kutani na nga ngelosi ya le tilweni, ave a rukatelweko. 1 Kor. 16:22

1 Timote 4:1

Kanilezi a Moya wa wula wu tiyisa lezaku a vanwani va ta tsika kukholwa a zikhatini za ha tako, va ingisa a mimoya leyi yi kanganyisako ni gonzo ya madimoni, Dan. 11:35; Joh. 16:13; 1 Ped. 1:20; 2 Ped. 2:1; Kuv. 9:20

1 Timote 4:2

hi kota ya wuxengeteli ga vanhu va kanelako mawunwa, lava a livalo labye li hisilweko khwatsi hi xiketse xo hisa. Efe. 4:19

2 Pedro 2:1

Kanilezi ku wa humelela ni vaprofeti va mawunwa xikari ka vanhu, kota lezi ku ta nga huma xikari ka nwina a vagonzisi va mawunwa, lava va ta nga enghenisa hi tlhelo a gonzo yi lovisako, va kaneta hambu ni Hosi leyi yi nga va xava, va ti nehela a kulobyiswa loku ku hatlisako. Deut. 13:1; Mat. 24:11; Fil. 3:19

1 Johani 4:1

Varanzekako, mu nga kholwi mimoya yontlhe, kanilezi hlotani a mimoya mu tiva loku yi huma ka Nungungulu; hakuva a vaprofeti vanyingi va mawunwa va la suga fenemete laha tikweni. Jer. 29:8; Mat. 24:24; Kuv. 2:2

Kuvululelwa 19:20

A xihari xi lo khomiwa zinwe ni muprofeti wa mawunwa, loyi a nga maha zirewukiso mahlweni ka xona, lezi a nga khohlisa ha zona lava va nga wa amukele a xifungo xa xihari, ni lava va nga khozela a xifananiso xa xona; hi wumbiri gabye va lo hoxwa na va ha hanya lomu tiveni ga nzilo legi gi vurako hi solufa. Dan. 7:11; Xip. 13:12; 14:10; 16:13

Valamuli 13:3

A ngelosi ya Jehova yi lo woneka ka wasati loye, yiku: Cuwuka, wena u ngonwa. Kanilezi u ta xura nyimba, u pswala nisanyana.