1 Tihosi 11:7 - Tshwa Bible

⁷ Zonake Solomoni i lo aka a ganzelo ga Kemoxe, a manyala ya maMoabi, ni ginwe ga Moloki, a manyala ya vanana va ka Amoni, le wutshanwini gi tlakukileko le xitsungeni lexi xi cuwukeneko ni Jerusalema. Mitse. 21:29

1 Tihosi 11:7 교차 참조

Genesisi 33:2

Zonake i lo rangisa mahlweni a malanza ya xisati ni vanana vabye. Lea ni vanana vakwe hi le nzhako, na Rakeli na Josefa hi le nzhako nguvu.

2 Samueli 15:30

Davida i lo kanziha xitsunga xa maOliva na a kari a rila, na fenengetile a hloko yakwe, na a nga ambalangi zilato; ni vanhu vontlhe lava a nga hi navo va lo fenengeta tihloko tabye va rila, na va kari va kanziha. Estere 6:12; Jer. 14:3

1 Tihosi 11:5

Hakuva Solomoni i lo ya khozela Axtarte, a nungungulu wa maSidoni, ni Milkome, a manyala ya va ka Amoni.

1 Tihosi 11:6

Solomoni i lo maha lezi zi bihileko mahlweni ka Jehova; a nga ha lanzelangi khwatsi Jehova, kota a raru wakwe Davida.

1 Tihosi 11:8

Zinghaho i lo maha zalezo ka vontlhe vasati vakwe va matiko, lava va hisako tibani ni ku phahlela ka vanungungulu vabye.

1 Tihosi 15:12

I lo hlongola a vavanuna lava va ti nyiketeleko wubhayini, a susa zontlhe zifananiso lezi zi nga wa mahilwe hi vararu vakwe.

2 Tihosi 23:10

A hosi yi lo nyenyezisa Tofeti legi gi nga le koveni wa vanana va ka Hinome, kasi a ngave kona munhu a ta nga hisa a nʼwana wakwe wa mufana kutani wa nhanyana laha nzilweni wa Moloke. Levi 18:21; Jer. 7:31

2 Kronekele 21:11

Jehoramu i lo engeta kambe a maha matshamu ma tlakukileko lomu zitsungeni za va ka Juda; i lo kucetela a vanhu va le Jerusalema ku ti nyiketela wubhayini, a pengisa va ka Juda.

Tisimu 78:58

Va lo mu zangarisa hi matshamu yabye ma tlakukileko, Va vuxa xiluse xakwe hi zifananiso zabye. Deut. 32:16, 21

Isaya 44:19

A nga kona a ehleketako, a hambu ni ku pimisisa, aku ngalo: Nzi hisile a khihlanya ga sinya leyi, nzi bhika tipawu hehla ka makala, nzi woca nyama nziga; xana nzi nga maha manyalataniso hi leyi yi seleko ke? Nzi nga khizamela a xipanze xa sinya ke?

Jeremia 32:31

Hakuva lowu muti wu vindlusile a zanga ya mina ni xiviti xa mina a kusukela a siku lego va nga wu aka kala nyamutlha lezi; kasi nza fela ku wu susa mahlweni ka mina,

Jeremia 32:35

Va akele Baali a matshamu yo tlakuka le koveni wa nʼwana Hinnome, lezaku kasi va hisela Moloki a vana vabye va xinuna ni va xisati; lezo nzi nga va rumangiko zona, hambu a kuva kupimeni ka mina lezaku va maha manyala lawa, va maha Juda a onha.

Jeremia 48:13

Moabi i tazwa tingana ha Kemoxe, Khwatsi hi yindlu ya ka Israeli yi ngazwa tingana ha Beteli, Loyi a nga hi kutsumba kabye.

Jeremia 48:46

Khombo ka wena Moabi! A tiko ga Kemoxe gi lovile; Hakuva a vafana ni vanhanyana va wena va yisilwe kukhonweni.

Ezekieli 18:12

a onhela a nyakeke ni muvumali, a phanga, loyi a, nga tlhelisangiko a seye, loyi a tlakusileko mahlo yakwe a cuwuka zifananiso, loyi a mahileko manyala,

Danieli 11:31

A mabutho ma rumilweko hi yena ma ta nyenyezisa a wutshamu ga kubasa ni khokhola, va ta fuvisa a minyikelo ya kuhiswa ya simasima, va yimisa a manyalataniso ya mbangalakasa. Mitse. 28:4; Mat. 24:15

Danieli 12:11

Kusukela xikhatini lexi a minyikelo ya kuhiswa va simasima yi ta nga fuviswa, ku yimiswa a manyalataniso ya mbangalakasa, ku tava 1,290 wa masiku.

Levi 26:30

Nzi ta hahlula matshamu ya nwina ma tlakukileko, nzi wisa a timhinga ta nwina ta gambo, nzi hoxa zirumbi za nwina hehla ka zirumbi za zifananiso za vanungungulu va nwina; ni muhefemulo wa mina wu ta swireka ha nwina.

Mika 1:5

Zontlhe lezo zi ta maheka hi kota ya zihambunyeto za Jakobe ni zionho za yindlu ya ka Israeli, A xihambunyeto xa Jakobe xi huma kwihi? A hi le Samaria ke? Hi wahi a matshamu yo tlakuka ya ka Juda? A hi Jerusalema ke?

Zakaria 14:4

Hi siku lego i ta yima hi mikonzo yakwe le xitsungeni xa maOliva, kusuhani ni Jerusalema hi tlhelo ga Muhuma-gambo; a xitsunga xa maoliva xi ta avanyeka hi laha xikari, ku sukela tlhelo ga Muhuma-gambo kala Mupela-gambo. Laho ku tava kona a nzhelelo wa hombe, a khihlanya ginwe ga xitsunga gi ta tshinela Nwalungu, a ginwani gi tshinela Dzongeni.

Mitsengo 21:29

I khombo ka wena Moabi! Mu file, vanhu va Kemoxe! Va nyikele vana vabye kutsutsumeni, Ni vanhanyana vabye va maha tikhumbi, Ka Sihoni a hosi ya maAmori.

Mitsengo 33:52

mu ta hlongola vontlhe vaaki va tiko mahlweni ka nwina, mu hangalasela zontlhe zifananiso zabye, mu lovisa zontlhe zifananiso zabye zi nyekisilweko; mu khungumulela wontihe matshamu yabye ma tlakukileko. Ekso. 23:32; Deut. 7:2

Mateu 26:30

Laha na va yimbelele lisimu, va lo huma vaya xitsungeni xa maOliva.

Mitiro 1:12

Zonake va lo suka le xitsungeni xi tibyiwako ku xa maOliva, lexi xi nga kusuhani ni Jerusalema, i pfhuka wa ku famba hi sabado, va tlhelela Jerusalema. Zak. 14:4; Joh. 11:18

Mitiro 1:9

Ku te loku a wulawulile timhaka leti, i lo tlakuselwa tilweni na va kari va mu langutela; ni refu gi lo mu fihla kuwoneni kabye. Joh. 6:62

Mitiro 7:43

Kasi mu rwele a tabernakeli ga Moloki, Ni nyeleti ya mingungulu Refani, Yi nga mifananiso leyi mu nga yi maha a ku yi khozela. Hikwalaho nzi ta mu yisa le Babuloni.

Deuteronome 13:14

u ta hlolisisa mhaka leyo, u wutisisa khwatsi. Ni loku zi hi zinene, na zi tiyile lezaku a kubiha loko ku mahilwe xikari ka wena;

Deuteronome 27:15

Khombo a give ka munhu loyi a mahako xifananiso xi vatlilweko, hambu lexi xi nyekisilweko, xi nga manyala ka Jehova, a ntiro wa mandla ya vanhu, a xi yimisa wutshanwini gi fihleleko! A vanhu vontlhe va ta hlamula, vaku: Amen!

Valamuli 11:24

Kasi u nga ta fumela lezi Kemexi a ku fumisileko ka zona ke? Zinghaho, hinawu hi teka a tiko ga vontlhe lava Jehova Nungungulu wa hina a va hlongoleko mahlweni ka hina.