1 Tihosi 11:5 - Tshwa Bible

⁵ Hakuva Solomoni i lo ya khozela Axtarte, a nungungulu wa maSidoni, ni Milkome, a manyala ya va ka Amoni.

1 Tihosi 11:5 교차 참조

1 Tihosi 11:33

Nzi ta maha lezo hakuva va nzi fularele va khozela mahlweni ka Axtarte, a nungungulu wa maSidoni, ni mahlweni ka Kemoxe, a nungungulu wa maMoabi, ni mahlweni ka Milkome, a nungungulu wa va ka Amoni: a va fambangi hi tindlela ta mina ta kuva va maha kululama mahlweni ka mina, ni ku hlayisa milayo ya mina, ni zileletelo za mina, khwatsi hi lezi a mahileko a raru Wakwe Davida.

1 Tihosi 11:6

Solomoni i lo maha lezi zi bihileko mahlweni ka Jehova; a nga ha lanzelangi khwatsi Jehova, kota a raru wakwe Davida.

1 Tihosi 11:7

Zonake Solomoni i lo aka a ganzelo ga Kemoxe, a manyala ya maMoabi, ni ginwe ga Moloki, a manyala ya vanana va ka Amoni, le wutshanwini gi tlakukileko le xitsungeni lexi xi cuwukeneko ni Jerusalema. Mitse. 21:29

2 Tihosi 23:13

I lo hangalasa ni matshamu ma tlakukileko ma nga wa cuwukene ni Jerusalema hi tlhelo ga Mutsuwuka-gambo ga xitsunga xa Kulova, lawa Solomoni a hosi ya ka Israeli a nga wa ma akele Axtarte, a manyala ya vaSidoni, na Kemoxe, a manyala ya maMoabi, na Milkome, a manyala ya vanana va ka Amoni; a hosi i lo ma nyenyezisa. Mitse. 21:29

Isaya 44:19

A nga kona a ehleketako, a hambu ni ku pimisisa, aku ngalo: Nzi hisile a khihlanya ga sinya leyi, nzi bhika tipawu hehla ka makala, nzi woca nyama nziga; xana nzi nga maha manyalataniso hi leyi yi seleko ke? Nzi nga khizamela a xipanze xa sinya ke?

Levi 18:21

U nga nyikeli a vana va wena va mahiwa muphahlo ka Moloki. U nga nyenyezisi a vito ga Nungungulu wa wena. Hi mina Jehova.

Zefania 1:5

ni lava va khozelako a yimpi ya tilo na va hi hehla ka tiyindlu; ni lava va khizamelako va hlambanya ha Jehova, va tlhela va hlambanya ha Malkamu.

Valamuli 10:6

A vanana va ka Israeli va lo engeta kambe va maha kubiha mahlweni ka Jehova, va khozela maBaali ni maAxtarote, ni vanungungulu va vaSiria, ni vanungungulu va vaSidoni, ni vanungungulu va vaMoabi, ni vanungungulu va vanana va ka Amoni, ni vanungungulu va maFilistia; va fularela Jehova va nga mu khozeli.

Valamuli 2:11

A vanana va ka Israeli va lo maha kubiha mahlweni ka Jehova, va khozela maBaali.

Valamuli 2:13

Va lo tsika Jehova va khozela Baali na Axtarte.

1 Samueli 12:10

Zonake va lo rila ka Jehova, vaku: Hi onhile, hakuva hi tsikile Jehova hi khozela maBaali ni maAxtarte. Kanilezi makunu hi tlhatlhise mandleni ya valala va hina, na hina hi ta ku khozela.