1 Tihosi 10:21 - Tshwa Bible

²¹ Zontlhe zibya za kunwa ha zona za hosi Solomoni zi wa hi za nzalama, ni zontlhe zibya za yindlu ya Khwati-ga-Lebanoni zi wa hi za nzalama yo ngangamela. Cima a ku na ngava ni xinwe xibya xa siliva. Hakuva a siliva yi wa nga hlayelwi nchumu masikwini ya Solomoni.

1 Tihosi 10:21 교차 참조

1 Tihosi 10:17

I lo maha kambe a 300 wa zitlhangu za nzalama yi tlombilweko; a xitlhangu xinwe ni xinwani ni mahiwa hi tikilo tinharu ta nzalama; a zi veka lomu ndlwini ya Khwati-ga-Lebanoni.

1 Tihosi 10:20

A tinghala tinwani ta 12 ti wa yimile hi lomu matlhelweni mambiri ya zikanzihelo. Cima a zi na nga mahiwa zo kota lezo ka yinwani hosi.

1 Tihosi 10:22

Hakuva a hosi yi wa hi ni mataru le bimbini ga le Tarxixi ni mataru ya Hiramu; nzeni ka malembe manharu, a mataru ya le Tarxixi ma wata kanwe na ma rwele nzalama ni siliva, ni timhonzo ta tindlovu, ni tifenhe ni tipavawu.

1 Tihosi 7:2

I lo aka a yindlu ya Khwati-ga-Lebanoni; a kuleha ka yona ku wa hi 100 wa mikono, a kuanama ka yona ku wa hi 50 wa mikono, a kutlakuka ka yona ku wa hi 30 wa mikono. Yi wa akilwe hehla ka mune wa tixaxa ta timhanze ta tisedare, ni mapulango ya sedare ma wa hi hehla ka timhanze.

Estere 1:7

Va wa nwela lomu ka zibya za tixaka ti tsalangeneko; ni vinya ga hosi gi wa tele nguvu kota lezi yi nga ranzisa zona.

Joba 28:1

Hakunene wu kona a mugodi wa siliva, Ni wutshamu ga nzalama, laha yi basiswako kona.

Zakaria 9:3

Tire i ti akele a khokhola, a hlengeletela siliva ku fanana ni tshuri, ni nzalama khwatsi i nzhope ya lomu tindleleni.

Deuteronome 17:17

Ni kambe a nga teki vasati vo tala, ku nga taku a mbilu yakwe yi hambukiswa; hambu ni ku hlengeletela a nzalama ni siliva yo tala.