1 Tihosi 1:39 - Tshwa Bible

³⁹ Zonake mupristi Zadoke i lo ya teka limhonzo la mafura lomu Tabernakelini ga Jehova, a tota Solomoni; zonake va loba mimpunzu, a vanhu vontlhe vaku: Hosi Solomoni, hanya kala kupinzuka!

1 Tihosi 1:39 교차 참조

1 Tihosi 1:25

Hakuva i relele inyamutlha; i tlhavile tihomu ni marole yo nona, ni tiyivu to tala; i vitanile vontlhe vana va hosi ni tinduna ta yimpi, na muprofeti Abiatari. Languta, vona vaga vanwa mahlweni kakwe, na vaku: A simame a hanya hosi Adonija!

1 Tihosi 1:34

Mupristi Zadoke, na muprofeti Natani ngha va mu wumbela a kuva hosi hehla ka Israeli. Zonake muba mpunzu, muku: Hosi Solomoni, hanya kala kupinzuka!

1 Tihosi 1:40

A vanhu vontlhe va lo mu lanzisela na vaba tinanga, na va yimbelela va tsaka nguvu, ni misava yi cwangula hi guwa ga vona.

1 Tihosi 2:15

Yena aku: Wena wa zi tiva lezaku a mufumo wu wa lumba mina; vontlhe va ka Israeli va wa cuwukele mina lezaku nzi tava hosi; kanilezi a mufumo wu hunzulusilwe wuya ka nakulori, hakuva yena i nyikilwe hi Jehova.

2 Tihosi 11:12

Zonake i lo humesa a nʼwana wa hosi, a mu tlhateka a xidlodlo, a mu nyika bhuku ga Wukustumunyu; va lo mu maha hosi, va mu tota hi mafura, va phakatela mandla yabye, vaku: A yi hanye, a hosi! Ekso. 25:16; Deut. 17:18

2 Tihosi 11:14

I lo lunguza a wona a hosi na yi yimile laha wutshanwini gi tlakukileko, khwatsi hi nayo wa kona, a tinduna ni vabi va mipunzu na va yimile hi laha hosini, a vanhu vontlhe va tiko na va tsaka, vaba mipunzu. Zonake Atalia i lo hanzula a tinguwo takwe, aba huwa, aku: Mahlevo, mahlevo!

2 Tihosi 9:1

Muprofeti Elixa i lo vitana a munwe wa vapizani va vaprofeti, aku kakwe: Ti bohe xiwunu xa wena u teka limhonzo leli la mafura uya le Ramote-Gileade.

2 Tihosi 9:13

Zonake va lo hatlisa, munwe ni munwani a teka a nguwo yakwe, va ti andlala laha hehla ka mayingo, vaba punzu vaku: Jehu i hosi! Mat. 21:8

1 Kronekele 29:22

Va loga, vanwa, mahlweni ka Jehova lego siku na va tsakile nguvu; zonake Solomoni nʼwana Davida i lo wumbelwa a kuva hosi ga wumbiri; va mu tota hi mafura mahlweni ka Jehova a kuva hosi, na Zadoke a kuva mupristi.

2 Kronekele 23:11

Zonake va lo humesa a nʼwana wa hosi, va mu tlhateka xidlodlo xa wuhosi hlokweni yakwe, va mu nyika ni Bhuku ga milayo; va lo mu wumbela a kuva hosi. Jehoiada zinwe ni vanhu va lo mu tota hi mafura, vaku: Ngha hosi yi hanya!

2 Kronekele 23:13

I lo wona a hosi na yi yimile wutshanwini ga yona hi laha nyangweni, a tinduna ni vabi va mipunzu na va hi laha hosini; vontlhe vanhu va tiko va wa hi kutsakeni, na vaba mipunzu. A vayimbeleli kambe va wa hi ni timbila, va yimbelela tisimu ta kubonga. Zonake Atalia i lo hanzula a tinguwo takwe, aku: Kuhluwuka! Kuhluwuka!

Tisimu 89:20

Nzi kumile Davida a nanza ga mina, Nzi mu totile hi mafura ya mina ya kubasa. 1 Sam. 16:13; Miti. 13:22

Eksodusi 30:35

u maha ha zona a libani lo nuhela, u mahisa lezi va mahisako zona lezi zo nuhela, na zi lungilwe hi munyu, na zi sasekile, ni ku hlazeka.

1 Samueli 10:24

Samueli aku ka vontlhe vanhu: Cuwukani loyi Jehova a mu hlawulileko! A ku na munhu lomu tikweni gontlhe wo fanana naye. A vanhu vontlhe va lo hlalela hi kutsaka, vaku: A yi hanye hosi!

1 Samueli 16:13

Zonake Samueli i lo teka a xikudzana xa mafura a mu tota laha xikari ka vanakulobye. A Moya wa Jehova wu lota ka Davida kusukela lego siku ku komama mahlweni. Zinghaho Samueli i lo suka a famba le Rama. Davida a yimbelela mahlweni ka Saule.