30 khwatsi hi lezi nzi hlambanyileko ka wena hi Jehova Nungungulu wa ka Israeli, nziku: Hizinene, a nʼwana wa wena Solomoni i ta fuma anzhako ka mina, a tshama xitshanweni xa mina xa wukosi xikhundleni xa mina! Inyamutlha nzi ta maha lezo.
Famba u ya enghena ka hosi Davida, uku kakwe: Hosi yanga, a hi wena u nga hlambanya ka nanza ga wena, uku: Hizinene, a nʼwana wa wena Solomoni i ta fuma anzhako ka mina; i ta tshama hehla ka xitshamu xa wukosi xa mina ke? Makunu hi kuyini Adonija a fumako ke?
Yena aku: Hosi yanga, wena u hlambanyile ka nanza ga wena ha Jehova Nungungulu wa wena, uku: Hizinene a nʼwana wa wena Solomoni i ta fuma anzhako ka mina; hi yena a ta nga tshama xitshanwini xa mina xa wukosi.
Lomu xikari ka vana va mina vontlhe, hakuva Jehova i nzi nyikile a vana vo tala, i hlawule Solomoni, a nʼwana wa mina, a kuva a tshama xitshanwini xa wuhosi xa mufumo wa Jehova, hehla ka va ka Israeli.
Solomoni i to tshama xitshanwini xa wuhosi xa Jehova a kuva hosi xikhundleni xa Davida a dadani wakwe. I lo vuvuma, ni vontlhe va ka Israeli va lo mu ingisa.
