28 Makunu a munwe wa vanhu i lo mu byela lezaku: A raru wa wena i hlamhanyisile vanhu, aku: I rukatelwe a munhu loye a ta ngaga zakuga inyamutlha! Kanilezi a vanhu va wa mbhelile ntamu.
A vanhu va ka Israeli va wa rerekile nguvu lego siku, hakuva Saule i wa hlamhanyisile vanhu, aku: I rukatelwe loye a ta ngaga zakuga kusukela lezi kala laha gambyeni, hakuva nza ha lava ku phota ka valala va mina! Hikwalaho ku wa nga hi kona munhu a nga wa laza zakuga.
Kanilezi Jonatani i wa nga zi zwangi laha a raru wakwe a nga wa hlambanyisa vanhu, hikwalaho yena i lo peta a magumo ya nhonga yakwe, a yi enghenisa lomu ka zihahla za wulombe, a enghenisa lomu nonwini wakwe, a mahlo yakwe ma si hawuluka.
Zonake Saule aku ka Jonatani: Nzi byele lezi u mahileko. Jonatani i lo mu hlawutela, aku: Nzi lo laza wulombanyana hi le magumo ka nhonga leyi nzi nga wa welele canjeni ga mina; hikwalaho hi mina nzi faneleko kufa!
