1 Pedro 3:20 - Tshwa Bible

²⁰ leyi a kale yi nga kala yi nga ingisi, laha Nungungulu a nga rinzela hi lihlaza-mbilu a masikwini ya Noa, na ka ha akiwa a taru, legi ku nga hanyiswa ha gona matini a ntlhanu wa vanhu ni vanharu ntsena, Gen. 6:3; 7:7; Maheb. 11:7

1 Pedro 3:20 교차 참조

Genesisi 6:13

Jehova aku ngalo ka Noa: Nzi ta lovisa a nyama yontlhe, hakuva a misava yi tele hi tihanyi ta vanhu, languta, nzi ta va lovisa zinwe ni misava.

Genesisi 6:3

Jehova aku ngalo: A Moya wa mina wu nga ta simamisa ku tshama ni vanhu xontlhe xikhati, hakuva a munhu i nyama futsi; ni masiku yakwe ma tava 120 wa malembe.

Genesisi 6:5

Nungungulu i lo wona kuonha ka vanhu lezaku ku kulile laha misaveni, ni lezaku a mixuvo ya timbilu tabye yi bihile masiku wontihe.

Genesisi 6:8

Kanilezi Noa i lo kuma thomo mahlweni ka Jehova.

Genesisi 7:13

Gwalego siku i lo enghena lomu tarwini Noa, na Xemi, na Hamu, na Jafete a vana va Noa, ni sati wakwe, ni vasati va vana va Noa va vanharu.

Genesisi 8:1

Na Nungungulu i lo alakanya Noa, ni zihari zontlhe, ni zifuyo zontlhe zi nga hi lomu tarwini; na Nungungulu i lo maha mheho yi pupuxa hehla ka misava, kasi a mati ma bohla.

Genesisi 8:18

Na Noa i lo huma ni vana vakwe, ni sati wakwe, ni vasati va vana vakwe.

Isaya 30:18

Hikwalaho Jehova i ta rinzela, a kala a zi kota ku mu tsetselela; i ta kuliswa kasi a fela ku mu zwela wusiwana. Hakuva Jehova hi Nungungulu a lulamileko, va katekile vontlhe va mu rinzelako.

Mateu 7:14

Kanilezi a nyangwa ya wutomi yi hlonganile, ni ndlela yi yako kona yi khumile, mbatsongwani lava va yi kumako.

Luka 12:32

Nwina ntlhambi wu tsongwani, mu nga chavi; hakuva kuranza ka Raru wa nwina a ku mu nyika mufumo. Mat. 11:25, 26

Mitiro 2:41

Lava va nga amukela a timhaka takwe va lo bapatizwa; hi lego siku ku lo engetelwa a 3,000 wa vanhu lomu bandleni.

Va le Roma 9:22

Nungungulu na a ranza ku wonisa a zanga yakwe ni ku kombisa a ntamu wakwe, kutani loku a timisela nguvu hi zibya lezi za zanga lezi zi longiselweko a kudawa, u taku yini ke, 1 Tes. 5:9

Va le Efesusi 5:26

lezaku a gi basisa, loku a gi hlazile hi ku bapatiza hi mati zinwe ni mhaka, Joh. 3:5; 15:3; Maheb. 10:22; 1 Joh. 5:6

Maheberu 11:7

Hi kukholwa Noa na a byelilwe hi Nungungulu hi zilo zi nga kala zi nga se woniwa, i lo ingisa, a aka a taru kasi ku hanyisa a nghamu yakwe; hi ku maha lezo i lo kona a tiko, a maha xiga-tshomba ya kululama loku ku nga ka kukholwa. Gen. 6:13; Rom. 3:22

1 Pedro 1:22

Kota lezi mu basisileko mihefemulo ya nwina hi ku ingisa zinene, mu kala mu ranza a vamakabye hi liranzo li nga xengeteliko, ranzanani hi timbilu ti basileko.

1 Pedro 1:9

na mu kari mu amukela a nchachazelo wa kukholwa ka nwina, ku nga kuhanyiswa ka mihefemulo ya nwina.

1 Pedro 2:25

Hakuva mu wa pengile khwatsi hi tiyivu ti lahlekileko; kanilezi makunu mu tlhelele ka Murisi ni Muhlayisi wa mihefemulo ya nwina. Ezek. 34:6; Joh. 10:11, 14, 16

1 Pedro 3:19

lowu a nga famba ha wona a ya kanela ka mimoya leyi yi nga hi makhotsweni, Isa. 42:7

1 Pedro 4:19

Hikwalaho lava va xanisekako hi kuranza ka Nungungulu, a va nyikele a mihefemulo yabye ka Muvangi a tsumbekileko, na va kari va maha lezi zi sasekileko. Tis. 31:5; Lu. 23:46

2 Pedro 2:5

Ni tiko ga kale a nga gi tsetselelangi, hambu lezi a nga hlayisa Noa, a mukaneli wa kululama, zinwe ni vanwani va ntlhanu ni vambiri, laha a nga neha a ntalo hehla ka tiko ga lava va nga chaviko Nungungulu. Gen. 7:1, 7; 1 Ped. 3:19

2 Pedro 3:15

Pimani lezaku a lihlaza-mbilu la Hosi ya hina kuhanyisa, kota lezi a makabye wa hina a ranzekileko Paule, a nga tsala ka nwina hi kutlhariha loku a nyikilweko kona; Rom. 2:4; 1 Ped. 3:20