1 Kronekele 5:20 - Tshwa Bible

²⁰ Va lo vunetelwa kulwa navo; a vaHagrate ni vavuni vabye va lo nyikelwa mandleni yabye, hakuva a xikhati va ngalwa va wa rila ka Nungungulu, zonake yena a va ingisa, hakuva va wa tsumba ka yena.

1 Kronekele 5:20 교차 참조

Genesisi 25:21

Isaka i lo kombelela sati wakwe ka Jehova, hakuva i wa hi ngonwa. Jehova i lo muzwa; na Rebeka sati wakwe i lo xura nyimba.

Genesisi 49:19

Gadi yena i ta welwa hi tiyimpi, Kanilezi i ta va tsimbeketa a va hlongola.

1 Tihosi 22:32

Makunu laha a tinduna ta tikareta ti nga wona Jehoxafate, ti te ngalo: Hakunene hi leyi a hosi ya ka Israeli! Zonake va lo tshinela laha kusuhani kakwe ku ta mu daya; kanilezi Jehoxafate i loba huwa.

1 Kronekele 5:21

Va lo gula mitlhambi yabye; a makameli ma wa hi 50,000, a tiyivu ti wa hi 250,000, a timbongola ti wa hi 2,000, a vanhu va wa hi 100,000.

1 Kronekele 5:22

Hakuva a vanyingi va wa delwe, hi lezi a yimpi yi wata hi ka Nungungulu; zonake vona va lo aka matshanweni yabye, kala xikhatini lexi va nga khomiwa ha xona va yiswa wukhumbini. 2 Tih. 17:6

2 Kronekele 13:18

A va ka Israeli va lo khoziswa xikhatini lexo, a va ka Juda va hlula, hakuva va wa tsumba Jehova Nungungulu wa vararu vabye.

2 Kronekele 18:31

Laha a tinduna ta tikareta ti nga wona Jehoxafate, ti te ngalo: Hi leyi a hosi ya ka Israeli! Va lo yi ranzela a kuva valwa naye. Kanilezi Jehoxafate i loba huwa; zonake Jehova i lo mu ponisa, Nungungulu a va kucetela ku mu tsika.

2 Kronekele 20:12

Nungungulu wa hina, u nga ta va lamula ke? Hakuva hina a hi na ntamu wa kulwa ni xidlemo xa hombe nguvu xi tako ku ta hi vukela; a hi zi tivi lezi hi to maha, kanilezi a mahlo ya hina ma cuwukele ka wena.

2 Kronekele 26:7

Nungungulu i lo mu vuna ku hlula vaFilistia ni vaArabia lava va akileko le Gur-Baali ni vaMeunime.

2 Kronekele 33:13

Laha a nga wa khongela, Nungungulu i lo ingisa mukhongelo wakwe, a mu tlhelisela kambe Jerusalema mufunweni wakwe; hikwalaho Manasa i lo zi tiva lezaku Jehova hi yena Nungungulu.

Ezra 8:23

Zinghaho hi lo yila, hi hlota ku vuniwa hi Nungungulu wa hina ka lezi; i lo hi ingisa.

Tisimu 37:39

A kuhanyiswa ka valulamileko kuta hi ka Jehova, Hi yena khokhola gabye xikhatini xa zikarato.

Tisimu 37:40

Jehova wa va vuna, a va hlangu ta; I va hlanguta ka vakubiha, a va hanyisa, Hakuva va chavele kakwe. Dan. 6:23

Tisimu 46:1

Nungungulu wuchavelo ga hina ni ntamu, Kuvunetela ku nga kona kusuhani xikhatini xa zikarato.

Tisimu 9:10

A va ku tsumbe lava va tivako a vito ga wena; Hakuva wena Jehova a ku tsiki lava va ku lavako.

Eksodusi 17:11

Ku waku loku Mosi a tlakusa mawoko yakwe, a vaIsraeli va hlula; kanilezi loku a releta mawoko yakwe, vaAmaleki va hlula vaIsraeli.

Mavingu 29:25

A ku chava vanhu ku neha ziyo, anilezi loyi a tsumbako Jehova i ta pona. Mat. 10:28

Jeremia 39:18

Futsi nzi ta ku hlanguta, u nga ta dawa hi supado; kanilezi a wutomi ga wena u ta gi wutla kukotisa muphango, hakuva u nzi tsumbile, ku wula Jehova.

Danieli 6:23

A hosi yi lo tsaka nguvu, yi rumisa lezaku va humesa Danieli nkeleni wa tinghala. Zinghaho Danieli i lo humeswa nkeleni, a ku na nga kumiwa ni sakaveti ginwe ka yena hakuva i wa tsumbile a Nungungulu wakwe.

Nahume 1:7

Jehova i nene, i khokhola a sikwini ga zikarato; wa va tiva lava va mu tsumbako.

Va le Efesusi 1:12

kasi hina ha dumisa a wudumo gakwe, hina lava hi nga ranga hi tsumba Kristu. 2 Tes. 2:13; Jak. 1:18

Joxua 10:14

Cima a ku na ngava kona a siku go fanana ni lego hi mahlweni, hambu ni nzhako ka lezo, a kuva. Jehova a ingisa a gezu ga munhu, hakuva Jehova i wa lwela va ka Israeli.

Joxua 10:42

Joxua i lo khozisa khatiginwe tontlhe tihosi leti ni matiko ya tona, hakuva Jehova Nungungulu wa ka Israeli i lo lwela Israeli.

Joxua 23:10

Munhu munwe wa nwina i ta hlongola a 1,000 wabye; hakuva hi Jehova Nungungulu wa nwina a mu lwelako, khwatsi hi lezi a mu tsumbisileko. Levi 26:8; Deut. 28:7

1 Samueli 19:15

Saule i lo rumela kambe vanhu a ku ya wona Davida, aku: Mu neheni hi mubhedi laha ka mina, nzi ta ta mu daya.

1 Samueli 7:12

Zonake Samueli i lo teka a ribye a gi yimisa xikari ka Mizpa ni Xena, a gi chula vito ga Ebenezer, aku: Kala ni lezi Jehova i hi vunetele.