1 Kronekele 3:15 - Tshwa Bible

¹⁵ A vana va Josia: a matewula yakwe hi Johanani, ku gamela Jehoiakimu, a wunharu hi Zedekia, a wa wumune hi Xalluma.

1 Kronekele 3:15 교차 참조

2 Tihosi 23:31

Jehoahaza i wa hi ni 23 wa malembe a xikhati a nga sangula ku fuma. I lo fuma tihweti tinharu le Jerusalema. A vito ga nyine wakwe i wa hi Hamutali nʼwana Jeremia wa le Libna.

2 Tihosi 23:34

Faro-Neko i lo yimisa Eliakimu nʼwana Josia a kuva hesi xikhundleni xa raru wakwe Josia, a hunzula a vito gakwe aku hi Jehoiakimu; kanilezi Jehoahaza i lo mu teka a mu yisa le Gipite, a si ya fela leyo.

2 Tihosi 24:17

A hosi ya le Babuloni yi lo yimisa Mattania, a nakulobye wa raru wa Jehoiakina, a kuva hosi xikhundleni xa Jehoiakina; i lo hunzula a vito gakwe a mu chula ga Zedekia.

1 Kronekele 3:14

Amoni nʼwana wakwe, Josia nʼwana wakwe.

1 Kronekele 3:16

A vana va Jehoiakimu: Jekonia nʼwana wakwe, Zedekia nʼwana wakwe,

2 Kronekele 36:1

Zonake a vanhu va tiko va lo teka Joahaza nʼwana Josia va mu yimisa a kuva hosi xikhundleni xa raru wakwe le Jerusalema.

2 Kronekele 36:10

Lomu kusanguleni ka lembe gi gamelako, hosi Nebukadnezare i lo rumela vanhu va ya mu khoma va mu yisa Babuloni zinwe ni zibya lezo zo saseka za yindlu ya Jehova. I lo yimisa nakulobye Zedekia a kuva hosi ya ka Juda ni Jerusalema.

Jeremia 1:3

Yi lota kambe a masikwini ya Jehoiakimu, a nʼwana Josia, a hosi ya ka Juda, ni lomu kumbheleni ka lembe ga wukhume ni ginwe ga kufuma ka Zedekia, a nʼwana Josia, a hosi ya ka Juda, a xikhatini lexi a va le Jerusalema va nga khomiwa va yiswa wukhumbini, hi hweti ya wuntlhanu.

Jeremia 22:11

Hakuva Jehova i wula lezi xungetano ha Xallumi nʼwana Josia, a hosi ya ka Juda, loyi a nga fumela wutshanwini ga raru wakwe, a sukileko ka legi wutshamu, aku: Yena a nga ta ha wuya kambe laha.

Jeremia 22:18

Hikwalaho Jehova i wula xungetano ha Jehoiakimu a nʼwana Josia, hosi ya ka Juda, aku: Va nga ta mu rilela, vaku: Yowe nakulori! Yowe makweru! Va nga taba nkosi ha yena, vaku: Yowe hosi! kutani, Yowe a wudumo gakwe!

Jeremia 24:8

Kanilezi kota lezi ku mahiwako hi makuwu yo biha, lawa ma nga zi kotiko ku giwa; kunene Jehova i ngalo: Nzi ta maha lezo ha Zedekia, a hosi ya ka Juda, ni ka tihosana takwe, ni misalelwa ya Jerusalema, leyi yi seleko ka legi tiko, ni ka lava va akileko tikweni ga Gipite. 2 Tih. 25:2; Jer. 29:17

Jeremia 26:1

Lomu kusanguleni ka kufuma ka Jehoiakimu, hosi ya ka Juda, ku tile mhaka leyi hi ka Jehova, yiku:

Jeremia 37:1

Ku fumile hosi Zedekia nʼwana Josia, a wutshanwini ga Konia nʼwana Jehoiakimu, a mahiwa Hosi tikweni ga ka Juda hi Nebukadrezzare hosi ya Babuloni. 2 Tih. 24:17