1 Kronekele 29:1 - Tshwa Bible

¹ Hosi Davida i te ngalo ka tlhangano: A nʼwana wa mina Solomoni, loyi ku nga yena a hlawulweko hi Nungungulu, wa hi tsongwani, a nga se ngava ni ntamu, kanilezi a ntiro ngwa hombe, hakuva a yindlu leyo a hi ya munhu, kanilezi nja Jehova Nungungulu.

1 Kronekele 29:1 교차 참조

2 Samueli 3:39

Mina nzi mbhelile ntamu nyamutlha, hambu loku nzi wumbelwe kuva hosi leyi yi nga nhenha ya hombe, yi va Zeruia, va nzi hunza a ntamu. Jehova ngha a chachazela mumahi wa kubiha kukotisa kubiha kakwe.

1 Tihosi 1:20

Kasike wena hosi yanga, a mahlo ya vontlhe va ka Israeli ma cuwukele wena, lezaku u ta va byela loye a nga yena a to tshama xitshanwini xa wena xa wukosi anzhako ka wena hosi yanga.

1 Tihosi 3:7

Makunu Jehova Nungungulu wa mina, Wena u fumisile a nanza ga wena xikhundleni xa dadani wa mina Davida; na nzi hi nwanana tsongwani, a nzi zi tivi ku rangela vanhu.

1 Kronekele 22:2

Davida i lo tsombanyisa vontlhe valuveli lava va nga wa hi lomu tikweni ga ka Israeli, a leletela a vavatli va maribye lezaku va vatla maribye yo aka ha wona a yindlu ya Nungungulu.

1 Kronekele 22:5

Hakuva Davida i waku: A nʼwana wa mina Solomoni wa ha hi muswa, a nga na ntamu; kanilezi a yindlu leyi yi ta nga aketwa Jehova yi fanele ku saseka nguvu, yi dzunzeka ni ku dumiswa lomu matikweni wontihe. Hikwalaho nzi ta yi longisela. Zinghaho Davida i lo longisela a zilo zinyingi na a nga se kufa.

1 Kronekele 28:1

Davida i lo tsombanyisa tontlhe tihosana ta ka Israeli, a tihosana ta tinyangwa, ni tinduna ta mitlawa leyi yi tirelako hosi, ni tinduna ta 1,000, ni tinduna ta mazana, ni vahlayisi va titshomba tontlhe, ni vahlayisi va zifuyo zontlhe za hosi, ni vahlayisi va vanana vakwe, ni mithenwa, ni tinhenha, vontlhe va tsombana le Jerusalema.

1 Kronekele 28:10

Cuwuka makunu lezaku Jehova i ku hlawule a ku aka a yindlu ya ku basa. Tiya-ke, u tira!

1 Kronekele 28:8

Hikwalaho mina nzi wulawula laha mahlweni ka vontlhe va ka Israeli, ni lowu tlhangano wa Jehova, ni lomu tindleveni ta Nungungulu wa nwina, nziku: Gongani, mu lavisisa milayo yontlhe ya Jehova Nungungulu wa nwina, kasi nwina ma fela ku fumela a tiko legi go saseka, legi mu ta nga gi siyela a vana va nwina a kuva tshomba ya vona kala kupinzuka.

1 Kronekele 29:19

U nyika ka nʼwana wa mina Solomoni a mbilu yi mbheleleko a ku hlayisa milayo ya wena, ni timhaka ta wena, ni zileletelo za wena, ni ku maha a zilo lezi zontlhe, ni ku aka a yindlu leyi nzi yi longiseleko!

2 Kronekele 1:2

Solomoni i lo wulawula ni vontlhe va ka Israeli, zinwe ni tinduna ta 1,000, ni ta 100, ni Valamuli, ni tihosana ta tiyindlu ta vararu vabye.

2 Kronekele 13:7

A vanyamijiri lava va nga hiko nchumu, a zihunza milayo va tsombene kakwe, va hlomela Rehoboamu nʼwana Solomoni, laha Rehoboamu a nga ha hi tsongwani, a nga hi na ntamu mbilwini yakwe, a tsanzeka ku ti vikela.

Mavingu 4:3

Hakuva mina nzi wa hi nʼwana dadani, nʼwana a nga yece a ranzekako ka mamani;

Jeremia 30:18

Jehova i ngalo: Nzi ta wuyisa a vakhonwi va matenda ya Jakobe, Nzi ta zwela wusiwana wuakelo gakwe; A muti wu ta akiswa nhulwini ya wona, A yindlu ya wuhosi yi ta tshama kota kutolovela.