1 Kronekele 28:9 - Tshwa Bible

⁹ Wena nwananga Solomoni, tiva Nungungulu wa dadani wa wena, u mu khozela hi mbilu yi basileko ni kutsaka ka muhefemulo; hakuva Jehova wa kamba timbilu tontlhe, a tiva a timhaka tontlhe ta maalakanyo ya mbilu. Loku wena u mu hlota, u ta mu kuma; kanilezi loku wena u mu tsika, yena i ta ku hoxa kule kala kupinzuka. Isa. 55:6; Jer. 11:20; Kuv. 2:23

1 Kronekele 28:9 교차 참조

Genesisi 28:13

Languta, Jehova i wa yimile hi le magumeso ya wona, aku: Hi mina Jehova Nungungulu wa Abrahama a raru wa wena, ni Nungungulu wa Isaka; legi tiko u etleleko ka gona, nzi ta ku nyika gona, ni pswalo wa wena;

Genesisi 6:5

Nungungulu i lo wona kuonha ka vanhu lezaku ku kulile laha misaveni, ni lezaku a mixuvo ya timbilu tabye yi bihile masiku wontihe.

Genesisi 8:21

Na Jehova i lozwa masema yo nanziha; aku ngalo mbilwini yakwe: Nzi nga ta engeta nzi rukatela a misava hi kota ya vanhu; a maalakanyo ya timbilu ta vanhu ma bihile kusukela wunwananeni gabye; nzi nga ta ha engeta nzi lovisa zontlhe zi hanyako kota lezi nzi zi mahileko. Isa. 54:9; Mat. 15:19

1 Tihosi 3:6

Solomoni i lo hlamula, aku: U kombisile tipswalo ta hombe ka nanza ga wena Davida, a dadani wa mina, hi lezi a fambileko hi zinene mahlweni ka wena, ni kululama, ni nongameto ya mbilu; u mu hlayisele a tipswalo leti ta hombe, zonake u mu nyikile u nwanana loyi a tshamileko xitshanwini xa yena xa wuhosi kota lezi zi nga zona nyamutlha.

1 Tihosi 8:39

va ingise na u hi kwaseyo tilweni laho u tshamileko kona, u va tsetselela u tira; u nyika ka munwe ni munwani kotisa tindlela takwe, kota lezi wena u tivako a mbilu ya munhu, hakuva hi wena wece u tivako timbilu ta vontlhe vanana va vanhu, Tis. 7:10; Jer. 11:20; 17:10

1 Tihosi 8:43

mu ingise na u hi kwaseyo tilweni laho u tshamako kona, u mu mahela zontlhe lezo a muluveli loye a zi kombelako ka wena, kasi a matiko wontihe ya laha misaveni ma ta tiva a vito ga wena; ma ku chava kota a vanhu va wena va ka Israeli, va tiva lezaku a vito ga wena gi khongelwa ndlwini leyi nzi yi akileko. Isa. 56:6; Mat. 21:13

1 Tihosi 8:61

Ngha timbilu ta nwina tontlhe ti namarela ka Jehova Nungungulu wa hina, a kuva mu famba hi zileletelo zakwe ni ku hlayisa milayo yakwe kota legi siku.

2 Tihosi 20:3

Jehova, alakanya lezaku mina nzi fambile khwatsi mahlweni ka wena hi kululama, ni mbilu yi longamileko, nzi maha kusasa mahlweni ka wena. Hezekia i lo rila a tsikwila.

2 Tihosi 21:22

I lo fularela Jehova Nungungulu wa vararu vakwe, a nga fambi hi tindlela ta Jehova.

2 Tihosi 22:2

I lo maha kululama mahlweni ka Jehova, a famba hi tontlhe tindlela ta Davida a dadani wakwe, a nga hambuki xibhabheni ge hambu xineneni.

1 Kronekele 22:19

Makunu lavani Jehova Nungungulu wa nwina hi timbilu ta nwina tontlhe, ni mihefemulo ya nwina yontlhe; mu suka mu aka a yindlu ya ku basa ya Jehova Nungungulu, mu neha a arke ga xivumelwano xa Jehova, ni zibya za ku basa za N ungungulu lomu ndlwini leyi mu ta nga yi akela vito ga Jehova.

1 Kronekele 28:8

Hikwalaho mina nzi wulawula laha mahlweni ka vontlhe va ka Israeli, ni lowu tlhangano wa Jehova, ni lomu tindleveni ta Nungungulu wa nwina, nziku: Gongani, mu lavisisa milayo yontlhe ya Jehova Nungungulu wa nwina, kasi nwina ma fela ku fumela a tiko legi go saseka, legi mu ta nga gi siyela a vana va nwina a kuva tshomba ya vona kala kupinzuka.

1 Kronekele 29:9

A vanhu va lo tsaka hi kunyikela kabye, hakuva va lo nyikela minyikelo yabye ka Jehova hi matsenya; hosi Davida i lo tsaka nguvu.

2 Kronekele 12:5

Zonake ku lota muprofeti Xemaia ka Rehoboamu ni ka tinduna ta va ka Juda, leti ti nga wa tsombene le Jerusalema hi kota yo chava Xixaka; a taku ngalo kabye: Jehova i ngalo; Nwina mu nzi tsikile. Hikwalaho minawu nzi mu tsikile mandleni ya Xixaka!

2 Kronekele 15:2

i lo ya khinga Asa a yaku kakwe: Wena Asa, na nwina nwentlhe vaJuda, ni va ka Benjamini, nzi ingiseni! Jehova i zinwe na nwina, loku nwinawu mu hi naye; loku mu mu hlota mu ta mu kuma; kanilezi loku mu mu tsika, yenawu i ta mu tsika. Deut. 4:29; Jer. 29:13

2 Kronekele 6:30

zwana wena na u hi kwaleyo tilweni, laho u akileko kona, u tsetselela, u nyika ka munwe ni munwani a ka mixuvo yakwe yontlhe, wena loyi u tivako a mbilu ya munhu ni munhu, hakuva hi wena wece u tivako a timbilu ta vana va vanhu, 1 Sam. 16:7; Jer. 11:20; 20:12

Ezra 8:22

Hakuva nzi wa hi ni tingana a ku kombela ka hosi a butho ga tinhenha ni vakhileli va mahaxi, kasi va hi vikela ka valala lomu ndleleni, hakuva nzi wa ngha nzi byelile a hosi, nziku: A canja ga Nungungulu wa hina ga va yimela vontlhe lava va mu lavako, kanilezi a ntamu wakwe ni zanga yakwe, zilwa ni vontlhe lava va mu fularelako.

Tisimu 101:2

Nzi ta lonzowota a ndlela yi mbheleleko. Hi rini u ta ngata ka mina ke? Nzi tava ni mahanyela ma nene lomu ndlwini ya mina.

Tisimu 139:2

Wa tiva kutshama ka mina ni kusuka ka mina; U tiva maalakanyo ya mina na u hi kule. Mat. 9:4

Tisimu 17:3

U hlolile a mbilu ya mina, u yi hlolisisa ni wusiku; U nzi hlolile, kanilezi a ku kumangi nanzu; A maalakanyo yo biha a ma humi nonwini wa mina.

Tisimu 18:2

Jehova hi ribye ga mina, ni khokhola ga mina, ni mutlhatlhisi wa mina; Nungungulu wa mina, ribye ga mina legi nzi chavelako ka gona; Xitlhangu xa mina, ni limhonzo la kuhanyiswa ka mina, ni khokhola ga mina. Lu. 1:69; Maheb. 2:13

Tisimu 7:10

A xitlhangu xa mina xi le ka Nungungulu, Loyi a lwelako lava va timbilu to lulama.

Tisimu 7:9

Ngha ku mbhela a kubiha ka va nga lulamangiko; Kanilezi u tiyisa laʼvo lulama; Hakuva wena Nungungulu u lulamile, wa hlolisisa timbilu ni tiswa. 1 Sam. 16:7; Joba 7:17; Kuv. 2:23

Tisimu 89:26

I ta nzi vitana, aku: Wena u dadani wa mina, Nungungulu wa mina, a ribye ga kuhanyiswa ka mina. 2 Sam. 7:14; 1 Kro. 17:13; Maheb. 1:5

Tisimu 89:38

Kanilezi makunu u hoxile a totilweko wa wena, U mu tsikile, u mu zangarela.

Tisimu 9:10

A va ku tsumbe lava va tivako a vito ga wena; Hakuva wena Jehova a ku tsiki lava va ku lavako.

Eksodusi 15:2

Jehova hi ntamu wa mina, ni lisimu la mina; Yena hi Muhanyisi wa mina. Hi yena Nungungulu wa mina, nzi ta mu dumisa; I Nungungulu wa dadani, nzi ta mu kulisa.

Eksodusi 3:16

Famba u ya tsombanyisa a masingalakati ya ka Israeli, uku ka wona: Jehova, Nungungulu wa vararu va nwina, Nungungulu wa Abrahama, ni Nungungulu wa Isaka, ni Nungungulu wa Jakobe, i wonekile ka mina, aku: Hakunene nzi mu enzele, nzi wonile lezi a vaGipite va zi mahako ka nwina.

Mavingu 17:3

A mbita yo nyekisela nja siliva, ni nzhimbo ngwa nzalama; anilezi Jehova i ringa timbilu.

Mavingu 3:6

U ta mu ingisa tindleleni tontlhe ta wena, ena i ta lulamisa a tisoko ta wena.

Mavingu 4:4

Dadani i lo nzi gonzisa aku: mbilu ya wena a yi namarele timhakeni ta mina; layisa zileletelo za mina u ta hanya. Levi 18:5; 1 Kro. 28:9

Isaya 1:28

Kanilezi a vahambunyeti ni vaonhi va ta lobyiswa khatiginwe, ni lava va tsikako Jehova va tafa.

Isaya 38:3

Jehova nza ku khongotela akuva u alakanya lezaku nzi fambile mahlweni ka wena hi kukholeka ni mbilu yi mbheleleko; nzi mahile lezi za zinene mahlweni ka wena. Hezekia i lo rila a tsikwila.

Isaya 45:19

A nzi wulangi xihundleni, A wutshanwini ga munyama laha misaveni; A nzi byelangi a vana va ka Jakobe, nziku: Mu ta nzi hlotela mahala! Mina Jehova nzi wulawula zinene, Nzi tlhatlhambutela lezi zi lulamileko. Deut. 30:11; Joh. 18:20

Jeremia 11:20

Kanilezi Jehova wa tiyimpi Mulamuli a lulamileko, loyi a hlolako a tiswa ni mbilu. Nzi ta wona loku u nzi photela ka vona, hakuva nzi ku tivisile a mhaka ya mina. 1 Sam. 16:7

Jeremia 17:10

Mina Jehova nzi hlota mbilu, nzi kamba a tiswa; Nzi nyika ka munwe ni munwani kota mahanyela yakwe, Kukotisa a mbhanzu wa zimaho zakwe. 1 Sam. 16:7; Rom. 2:6; Kuv. 2:23

Jeremia 20:12

Kanilezi Jehova wa tiyimpi, loyi u ringako a valulamileko, Loyi u wonako a tiswa ni timbilu; Nzi ta wona loku u nzi photela ka vona, Hakuva nzi ku tivisile a mhaka ya mina. 1 Sam. 16:7; Jer. 11:20

Jeremia 22:16

I lamule a mhaka ya lava va tsimbeketilweko ni ku vumala, Hi kota ya lezo i wa humelela. Xana lezo a hi ku nzi tiva ke? Ku wula Jehova,

Jeremia 24:7

Nzi ta vaha timbilu to nzi tiva lezaku hi mina Jehova; vona va tava vanhu va mina, mina nzi tava Nungungulu wabye, loku va tlhelela ka mina hi mbilu yabye yontlhe. Deut. 30:6; Maheb. 8:10

Jeremia 29:13

Mu ta nzi lava, mu ta nzi kuma loku mu nzi hlota hi mbilu ya nwina yontlhe.

Jeremia 29:14

Nzi ta kumiwa ha nwina, ku wula Jehova, nzi ta tlhelisela a vakhonwi va nwina, nzi ta mu tsombanyisa hi matikweni wontihe ni matlhelweni wontihe lawa nzi mu hangalasileko kona, ku wula Jehova; nzi ta tlhela nzi mu wuyisa ka wutshamu legi nzi mu hlongoleko ka gona muya wukhumbini. Deut. 30:1; Tis. 106:45

Jeremia 31:34

A vaakelani va nga ta ha gonzisana, Munhu a nga ta gonzisa makabye, aku: Tiva Jehova! Hakuva vontlhe va ta nzi tiva, Kusukela ka vatsongwani vabye kala vahombe, ku wula Jehova. Hakuva nzi ta va tsetselela a kubiha kabye, Cima nzi nga ta ha alakanya a zionho zabye. Mika 7:18; Joh. 6:45; Rom. 11:27

Jeremia 9:24

Kanilezi ngha loyi a ti dzunzako a ti dzunzela mhakeni leyi, Lezaku a hi ni kuzwisisa a nzi tiva, Lezaku hi mina Jehova nzi mahako wuxinji, ni kulamula ni nongameto laha misaveni; Hakuva nza xalaliswa hi zakunghahi, ku wula Jehova. 1 Kor. 1:31; 2 Kor. 10:17

Ezekieli 11:5

Zonake a Moya wa Jehova wu lo wela hehla ka mina, wuku: Wula, uku: Jehova i ngalo: Mu wula lezo, nwina va yindlu ya ka Israeli; mina nza ma tiva a maalakanyo ya timbilu ta nwina.

Ezekieli 38:10

Hosi Jehova i ngalo: Hi siku lego ku ta enghena maalakanyo mbilwini ya wena, u pola makungo yo biha;

Hosea 4:1

Zwanani a mhaka ya Jehova, nwina vanana va ka Israeli, hakuva Jehova wa kecara a vaaki va tiko, hakuva lomu tikweni a ku na zinene, a ku na wuxinji, ge hambu ku tiva Nungungulu.

Hosea 4:6

A vanhu va mina va lova hi kota yo vumala wutivi. Hilezi u alako wutivi minawu nzi ta ku ala, kasi u nga have mupristi wa mina. Lezi u riveleko a nayo wa Nungungulu, minawu nzi ta rivala a vanana va wena.

Johani 1:47

Jesu i lo wona Nataneli na a kari ata kakwe, aku ngalo: Langutani a muIsraeli wa zinene, loyi a nga hiko na kuxengetela. Tis. 32:2; Xip. 8:39; Rom. 2:28

Johani 17:3

A wutomi ga pinzukelwa hi kuva va ku tiva, wena Nungungulu wece wa zinene, na Jesu Kristu loyi u mu rumileko. Isa. 53:11; Jer. 9:24; 1 Kor. 8:4; Xip. 3:34; 7:29

Johani 2:25

ku wa nga laveki lezaku a tiviswa nchumu hi za munhu; hakuva a wutsumbu gakwe i wa kari a zi tiva lezi zi nga nzeni ka munhu. 1 Sam. 16:7; 1 Kro. 28:9

Johani 21:17

Aku ngalo ka yena hi xikhati xa wunharu: Simoni, nʼwana Johani, wa nzi ranza ke? Pedro i lo karateka hilezi a ngaku ngalo ka yena hi xikhati xa wunharu: Wa nzi ranza ke? Zonake aku ngalo: Hosi, wa zi tiva zontlhe; wa zi tiva lezaku ngalo nza ku ranza. Jesu aku ka yena: Gisa tiyivu ta mina. Xip. 2:24, 25; 16:30

Johani 4:24

Nungungulu i Moya, ni lava va mu khozelako va fanele ku khozela hi moya ni zinene. 2 Kor. 3:17

Johani 8:55

kasi a mu mu tivangi, kanilezi mina nza mu tiva; ni loku nzi wa ta wula nziku: A nzi mu tivi, nzi tava muhembi kota nwina. Kanilezi nza mu tiva, nzi hlayisa a mhaka yakwe. Xip. 7:28, 29

Mitiro 1:24

Zonake va lo khongela, vaku ngalo: Hosi, wena loyi u tivako a timbilu ta vanhu vontlhe, komba loyi wena u mu hlawulileko ka lava vambiri, Joh. 2:25; Maheb. 7:13; Kuv. 2:23

Mitiro 17:23

Hakuva khwatsi hilezi nzi nga kari nzi hunza, nzi cuwuka lezi mu zi khozelako, nzi lo kuma ni alati gi nga hi ni mutsalo, waku: Ga Nungungulu loyi a nga tibyiwiko. Makunu a Nungungulu loyi mu mu khozelako hi ku nga mu tivi, hi yena loyi nzi mu byelako ha yena. Efe. 2:12; 2 Tes. 2:4

Mitiro 17:30

Nungungulu i lo hunisela zikhati za kungativi; kanilezi makunu wa laya vanhu vontlhe, a matshanwini wontihe, lezaku va hunzuluka.

1 Va le Korinte 15:34

Vukani, mu maha kululama, mu nga onhi; hakuva vanwani a va mu tivi Nungungulu, nzi wula lezi ku mu chela tingana. Efe. 5:14; 1 Tes. 4:5

2 Va le Korinte 4:6

Hakuva Nungungulu loyi a ngaku ngalo: A kuwonekela ku ta woninga hi le munyameni, hi yena a nga woninga timbilwini ta hina, kasi ku woningela vanhu lezaku va tiva a kungangamela ka Nungungulu loku ku nga kona nghoheni ya Kristu. Gen. 1:3; Tis. 27:1; Isa. 2:5; Efe. 5:8, 14; 2 Ped. 1:19

2 Va le Korinte 8:12

Hakuva loku ku hi kona kuxuva ku nyika, a xinyikiwo xa amukeleka kotisa lezi munhu a nga nazo, na ku nga kotisi lezi a nga hiko nazo. Mar. 12:43, 44; Lu. 21:3

2 Va le Korinte 9:7

A munwe ni munwani a nyike kota lezi a xuvako mbilwini yakwe; na a nga karateki, kutani ku kurumetwa; hakuva Nungungulu wa ranza loyi a nyikako na a xalele. Ekso. 25:2; 35:5; Deut. 15:7; Rom. 12:8

Deuteronome 10:12

Makunu-ke Israeli, Jehova Nungungulu wa wena i lava yini ka wena ke? A hi lezaku u mu chava Jehova Nungungulu wa wena, u famba hi tontlhe tindlela takwe, u mu ranza, u tirela Jehova Nungungulu wa wena hi mbilu yontlhe ya wena, ni muhefemulo wontihe wa wena;

Deuteronome 31:21

Ni loku makhombo lawa yo tala ni zikarato zita hehla kabye, zonake leli lisimu li ta maha wukustumunyu mahlweni ka vona; hakuva lona li nga ta rivaliwa milonwini ya zizukulwana zabye. Hakuva mina nza tiva maalakanyo ya timbilu tabye legi siku, na nzi nga se nga va chiketa a tikweni legi nzi hlambanyileko ku va nyika gona.

Deuteronome 4:35

Wena u kustumunyu wa lezi zilo, kasi wena u fela ku zi tiva lezaku Jehova i Nungungulu, a ku kona munwani ahandle kakwe.

Maheberu 12:28

Hikwalaho kota lezi hi amukelako a mufumo lowu wu nga tsekatsekiswiko, ngha na hi hi ni kubonga, loku hi nga khozelako Nungungulu ha kona hi mu tsakisa, hiva ni xichawo xi basileko ni kururumela,

Maheberu 4:13

Hakuva a xi kona ximahwa xi fihlilweko mahlweni ka yena; kanilezi zontlhe zi vululwe ziku dlunya mahlweni ya yena loyi hi ta nga ti hlamulela mahlweni kakwe.

1 Pedro 5:2

Risani a ntlhambi wa Nungungulu lowu mu nga nawo, mu nga wu hlayisi hi kukurumetwa kanilezi hi ku zi ranza; na ku nga hi ku tirela bhinzu, kanilezi hi matsenya; Joh. 21:15-17; 1 Kor. 9:17

Kuvululelwa 2:23

A vana vakwe nzi ta va daya hi kufa; zonake a mabandla wontihe ma ta zi tiva lezaku hi mina nzi hlolako tiswa ni timbilu, nzi ta nyika munwe ni munwani wa nwina khwatsi hi mitiro yakwe. 1 Sam. 16:7; Tis. 62:12; Rom. 2:6

1 Samueli 12:20

Samueli i te ngalo ka vanhu: Mu nga chavi. Hakunene mu mahile kubiha, ntsena lezaku mu nga tsiki ku lanzela Jehova, kanilezi khozelani Jehova hi timbilu ta nwina tontlhe.

1 Samueli 16:7

Kanilezi Jehova i te ngalo ka Samueli: U nga cuwuki nghohe yakwe hambu ni xiyimo xakwe, hakuva mina a nzi mu lavi. Jehova a nga cuwuki lezi a vanhu va zi cuwukako; hakuva a vanhu va cuwuka a nghohe, kasike Jehova i cuwuka mbilu. Deut. 10:17; Tis. 7:10; Miti. 10:34