1 Kronekele 28:8 - Tshwa Bible

⁸ Hikwalaho mina nzi wulawula laha mahlweni ka vontlhe va ka Israeli, ni lowu tlhangano wa Jehova, ni lomu tindleveni ta Nungungulu wa nwina, nziku: Gongani, mu lavisisa milayo yontlhe ya Jehova Nungungulu wa nwina, kasi nwina ma fela ku fumela a tiko legi go saseka, legi mu ta nga gi siyela a vana va nwina a kuva tshomba ya vona kala kupinzuka.

1 Kronekele 28:8 교차 참조

1 Kronekele 28:7

Nzi ta yimisa mufumo wakwe kala kupinzuka, loku yena a simama ku hlayisa a milayo ya mina, ni zileletelo za mina, kota nyamutlha.

1 Kronekele 28:9

Wena nwananga Solomoni, tiva Nungungulu wa dadani wa wena, u mu khozela hi mbilu yi basileko ni kutsaka ka muhefemulo; hakuva Jehova wa kamba timbilu tontlhe, a tiva a timhaka tontlhe ta maalakanyo ya mbilu. Loku wena u mu hlota, u ta mu kuma; kanilezi loku wena u mu tsika, yena i ta ku hoxa kule kala kupinzuka. Isa. 55:6; Jer. 11:20; Kuv. 2:23

Ezra 9:12

Makunu mu nga nyikeli a vanhanyana va nwina ka vana vabye, hambu ni ku tekela a vafana va nwina a vanhanyana vabye; cima mu nga hloti a kurula ni kuvuvuma kabye; kasi nwina mu fela kuva ni ntamu, muga manone ya tiko, ni ku gi siyela a vana va nwina a tiko legi, a kuva tshomba yabye kala kupinzuka.

Tisimu 119:27

Nzi pimise a ndlela ya zileletelo za wena, Zonake nzi ta gugutsela hi zihlamaliso za wena.

Tisimu 119:4

U hi nyikile zileletelo za wena, Lezaku hi zi hlayisa hi kupinyama.

Tisimu 119:44

Nzi ta simamisa ku hlayisa nayo wa wena, Kala kupinzuka ni kupinzuka.

Eksodusi 23:13

Mu ta hlayisa zontlhe lezi nzi mu leleteleko. Mu nga dzuki mu kumbuka a mavito ya vanwani vanungungulu; ngha ma nga zwali milonwini ya nwina.

Mavingu 13:22

A munhu nene wa siyela vazukulu vakwe a tshomba; anilezi a tshomba ya muonhi yi siyelwa valulamileko.

Mavingu 3:1

Nwananga, u nga rivali nayo wa mina, anilezi a mbilu ya wena a yi hlayise zileletelo za mina; Deut. 8:1; 30:16

Isaya 34:16

Hlotani lomu bhukwini ga Jehova, mu gonza: A xi kona ni xinwe xi ta nga vumaleka, A xi kona xi ta nga vumala munghana wa xona; Hakuva a nomu wa Jehova wu wulile lezo, Ni Moya wakwe wu zi tsombanyisile.

Mitiro 10:33

Lezo nzi lo rumela ka wena; u mahile khwatsi lezi u tileko. Makunu hontlhe hi laha mahlweni ka Nungungulu, a kuzwa zontlhe lezi u layelweko zona hi Hosi.

Mitiro 17:11

A vaJuda va kona va wa hi va nene ku hunza va le Tesalonika, laha ka kuva va amukela a mhaka hi timbilu ti longileko, va hlola Mitsalo a masiku wontihe, lezaku a timhaka leti ti nghaho ke. Isa. 34:16; Lu. 16:29; Joh. 5:39

Deuteronome 27:1

Mosi ni masingalakati ya ka Israeli va lo laya vanhu, vaku: Hlayisani milayo leyi nzi mu nyikako yona nyamutlha.

Deuteronome 29:10

Nyamutlha mu yimile laha mahlweni ka Jehova Nungungulu wa nwina; nwina nwentlhe, ni tihosana ta tinyangwa ta nwina, ni masingalakati ya nwina, ni tinduna ta nwina, ni vontlhe vavanuna va ka Israeli,

Deuteronome 29:15

kanilezi nzi xi maha ka lava va yimileko laha nyamutlha zinwe na hina, mahlweni ka Jehova Nungungulu wa hina, ni ka vona lava va nga hiko zinwe na hina legi siku.

Deuteronome 4:1

Makunu, Israeli, ingisa milayo ni zileletelo lezi nzi mu gonzisako, lezaku mu zi maha, kasi mu fela ku hanya, mu ya enghena mu fumela a tiko legi Jehova Nungungulu wa vararu va nwina a mu nyikako gona.

Deuteronome 4:26

mina nza vitana nyamutlha a tilo ni misava a kuva vakustumunyu vo mu kecara, lezaku nwina mu ta yafa hi kuhatlisa a tikweni lego mu yako ku ya gi fumela, le tlhatukweni wa Jordani, cima nwina mu nga ta simama ni masiku ya nwina mu hanya, hakuva mu ta ya lobyiswa hakunene.

Deuteronome 4:6

Mu ta yi hlayisa ni ku yi maha, hakuva legi gi tava wutlhari ni kupima ka nwina le kuwoneni ka matiko lawa ma ta ngazwa hi milayo leyi yontlhe, va taku ngalo: Kunene, legi i tiko ga hombe, gi nga ni wutlhari ni kupima!

Deuteronome 5:32

Chelani kota, mu maha kota lezi Jehova Nungungulu wa nwina a mu leleteleko; mu nga hambukeli xineneni, hambu xibhabheni,

Deuteronome 5:33

kanilezi fambani hi yontlhe ndlela leyi Jehova Nungungulu wa nwina a mu leleteleko, kasi mu fela ku hanya, mu tshameka; ni lezaku kasi masiku ya nwina ma fela ku anza a tikweni legi mu yako ku ya gi fumela.

Joxua 24:20

Hi lezi loku ma nga fularela Jehova, mu ya khozela vanwani vanungungulu, yena i ta hunzuluka a mu mahela kubiha, a mu lovisa, laha ka kuva i wa mu mahele kusasa.