Zona kambe hosi Davida i lo zi nyikela ka Jehova, zinwe ni siliva ni nzalama, lezi a nga wa zi phangile matikweni wontihe ya ka Edomi, ni ya ka Moabi, ni ya vana va ka Amoni, ni ya vaFilistia, ni ya vaAmaleki.
Xelemote loyi ni vanakulobye va wa hi vahlayisi va titshomba tontlhe ta zilo lezi zi nyikelweko hi hosi Davida, ni tihosana ta tinyangwa, ni tinduna ta 1,000 ni ta mazana, ni tinduna ta yimpi.
Zontlhe lezi zi nyikelweko hi muwoni Samueli, na Saule nʼwana wa Kixi, na Abnere a nʼwana Neri, na Joabe nʼwana Zeruia, ni zontlhe lezi zi nga wa nyikelwe hi vontlhe, zontlhe zi wa vekilwe mandleni ya Xelemote ni vanakulobye.
Zinghaho laha Solomoni a nga wa mbhetile a ntiro wontihe lowu a nga wu mahela a yindlu ya Jehova, i lo neha a zilo lezi a dadani wakwe Davida a nga wa zi nyikele: a siliva, ni nzalama, ni zontlhe zibya, a ya zi veka lomu ka tshomba ya yindlu ya Nungungulu.
Yontlhe siliva, ni yontlhe nzalama, ni zontlhe zibya za suku, ni za ziketse zi tava zo basa za Jehova; zona zi ta enghena xikhwameni xa Jehova. Mitse. 31:54
