1 Kronekele 25:6 - Tshwa Bible

⁶ Vontlhe lava va wa rangelwa hi raru wabye a ku yimbelela lomu ndlwini ya Jehova; va wa hi ni tingoma, ni timbila, ni zitende za ntiro wa kukhozela lomu ndlwini ya Nungungulu. Asafa, na Jedutuni, na Hemani, va wa leletelwa hi hosi.

1 Kronekele 25:6 교차 참조

2 Samueli 6:5

Davida ni yindlu yontlhe ya ka Israeli va wo yimbelela mahlweni ka Jehova hi tontlhe tixaka ta timbila ti mahiwako hi sinya ya fira, ni zitende, ni magubhu, ni tingomana, ni tinanga, ni zikoriyo.

1 Tihosi 10:12

Zonake a hosi yi lo maha timhanze ta yindlu ya Jehova ni ta yindlu ya hosi hi tisinya ta almuga, ni ku maha zitende, ni timbila ta vayimbeleli. Hi cima ku wa nga se ngata a tisinya ta almuga to kota leto, ni kambe cima a ta ha woniwangi to kota leto kala nyamutlha.

1 Kronekele 15:16

Davida i lo leletela a tihosana ta ka Levi a ku yimisa a vanakulobye ntirweni wa kuyimbelela hi timbila ni zitende, va yimbelela hi ntamu va kombisa kutsaka.

1 Kronekele 15:19

A vayimbeleli ku wa hi Hemani, na Asafa, na Etani, va nga wa hi ni zingomana za suku, va zi gidivela zi vuma nguvu;

1 Kronekele 15:22

Kenania a nduna ya va ka Levi, i wa hi murangeli wa vayimbeleli; i wa gonzisa ku yimbelela, hakuva i wa tlharihile.

1 Kronekele 23:5

A 4,000 va tava vahlayisi va tinyangwa, a vanwani va 4,000 va ta dumisa Jehova hi wucenje legi nzi gi maheleko a kuva mu dumisa ha gona.

2 Kronekele 20:28

Va lo enghena Jerusalema ni lomu ndlwini ya Jehova ni mihambi ni zitende ni mipunzu.

2 Kronekele 23:13

I lo wona a hosi na yi yimile wutshanwini ga yona hi laha nyangweni, a tinduna ni vabi va mipunzu na va hi laha hosini; vontlhe vanhu va tiko va wa hi kutsakeni, na vaba mipunzu. A vayimbeleli kambe va wa hi ni timbila, va yimbelela tisimu ta kubonga. Zonake Atalia i lo hanzula a tinguwo takwe, aku: Kuhluwuka! Kuhluwuka!

2 Kronekele 29:13

a va ka Elizafana hi Ximri na Jeueli; a va ka Asafa hi Zakaria na Matania;

2 Kronekele 29:25

I lo yimisa vaLevi lomu ndlwini ya Jehova, na va hi ni tingoma, ni zitende ni timbila, khwatsi hi kuleletela ka Davida na Gadi a muwoni wa hosi, na muprofeti Natani, hakuva a xileletelo xi wata hi ka Jehova hi vaprofeti vakwe.

Nehemia 11:17

Na Matania nʼwana Mika, nʼwana Zabdi, nʼwana Asafa, loyi a nga wa hi murangeli mikombelweni ya ku nyika kubonga, na Bakbukia a nga hi wa wumbiri xikari ka vanakulobye; na Abda, nʼwana Xamua, nʼwana Galala, nʼwana Jedutuni.

Nehemia 12:24

A tinduna ta vaLevi: Haxabia, Xerebia, na Jexua nʼwana Kadmieli, ni vanakulobye lava va cuwukeneko navo; va wa dumisa ni ku bonga, kotisa zileletelo za Davida a munhu wa Nungungulu; a ntlawa wu cuwukana ni wunwani ntlawa.

Nehemia 12:46

Hakuva masikwini lawo ya kale ya Davida na Asafa, ku wa hi ni varangeli va vayimbeleli, ni tisimu ta ku bonga Nungungulu.

Tisimu 68:25

A vayimbeleli va ranga mahlweni, Lenzhako ku lanzela vabi va magubhu. Xikari ka vanhwana lava va bako tingomana.

Va le Efesusi 5:19

mu wulawula munwe ni munwani hi tixangu ni tisimu ni zizimba za moya, mu yimbelela ni ku ketsela hi timbilu ta nwina ka Hosi; Jak. 5:13

Va le Kolosi 3:16

A mhaka ya Kristu a yi tshame yi anza ka nwina; gonzisanani hi wutlhari gontlhe, mu khongotelana hi tixangu ni tisimu ni zizimba za moya, na mu bonga Nungungulu hi tisimu timbilwini ta nwina. Jer. 15:16; Efe. 5:19; Xip. 4:6