1 Kronekele 25:1 - Tshwa Bible

¹ Davida ni tinduna ta yimpi va lo avanyisa a ntiro wa vana va ka Asafa, ni va ka Hemani, ni va ka Jedutuni, lava va nga wa yimbelela hi zitende, ni timbila, ni tingoma hi moya wa ku profeta. A tsengo wa lava va yimisilweko ntirweni lowo hi lowu:

1 Kronekele 25:1 교차 참조

1 Tihosi 10:12

Zonake a hosi yi lo maha timhanze ta yindlu ya Jehova ni ta yindlu ya hosi hi tisinya ta almuga, ni ku maha zitende, ni timbila ta vayimbeleli. Hi cima ku wa nga se ngata a tisinya ta almuga to kota leto, ni kambe cima a ta ha woniwangi to kota leto kala nyamutlha.

2 Tihosi 3:15

Kanilezi makunu nzi neheleni a munhu loyi a zi tivako a kuba a gubhu. Laha a mubi wa gubhu a nga waba, a canja ga Jehova gi lota hehla ka Elixa.

1 Kronekele 12:28

Zadoke, a jaha gi nga hi nhenha; le ndlwini ya raru wakwe ku wa hi ni 22 wa tinduna.

1 Kronekele 13:8

Davida ni vontlhe va ka Israeli va wa kari va kina mahlweni ka Nungungulu hi ntamu wabye wontihe, na va yimbelela hi zitende ni timbila, ni tingomana, ni makhombela, ni mipunzu.

1 Kronekele 15:28

Zinghaho vontlhe va ka Israeli va lo neha a arke ga xivumelwano xa Jehova, na va kari va kanyuluka hi litsako; na vaba a miparatana, ni mipunzu, ni tingomana, ni zitende, ni timbila.

1 Kronekele 23:2

I lo tsombanyisa tontlhe tihosana ta ka Israeli, ni vapristi, ni vaLevi.

1 Kronekele 25:2

A vana va ka Asafa: Zakura, na Josefa, na Netania, na Axarela, va nga vana va ka Asafa; va lo rangelwa hi Asafa loyi a nga kari a profeta kota kuleletela ka hosi.

1 Kronekele 25:3

A va ka Jedutuni, a vana vakwe: Gedalia, na Zeri, na Jexaia, na Haxabia, na Mattitia, ntlhanu ni munwe lava va nga wa rangelwa hi raru wabye Jedutuni loyi a nga wa profeta hi xitende, a kii bonga ni ku dumisa Jehova.

1 Kronekele 25:9

A kuhlahluva ko sangula ku lo khoma Asafa, ku hlawula Josefa; a ka wumbiri ku hlawula Gedalia ni vanakulobye ni vana vakwe; vontlhe va wa hi 12.

1 Kronekele 6:16

A vana va Levi: Gerxoni, na Kohate, na Merari.

1 Kronekele 6:33

Lava hi vona va khomileko a ntiro lowu ni vana vabye. Xikari ka vana va Kohate: Hemani a muyimbeleli, a nʼwana Joeli, nʼwana Samueli,

1 Kronekele 6:39

Ni nakulobye Asafa loyi a nga wa yimile canjeni gakwe ga xinene: Asafa nʼwana Berekia wa Ximea,

1 Kronekele 6:44

A vanakulobye, a vana va Merari, lava va nga yima hi le xibhabheni: Etane nʼwana Kixi, nʼwana Abdi, nʼwana Matluka,

1 Kronekele 9:33

Lava hi vayimbeleli, a tihosana ta tiyindlu ta vararu vabye, a vaLevi; va wa tshama lomu tikwarutwini, va wa nga hi na ntiro wunwani, hakuva mumu ni wusiku va wa khoma a ntiro wabye.

2 Kronekele 23:1

Hi lembe ga wuntlhanu ni mambiri, Jehoiada i lo tiya, a maha xivumelwano ni tinduna ta mazana: Azaria nʼwana Jehoramu, na Azaria nʼwana Obedi, na Maaseia nʼwana Adaia, na Elixafate nʼwana Zikri.

2 Kronekele 23:13

I lo wona a hosi na yi yimile wutshanwini ga yona hi laha nyangweni, a tinduna ni vabi va mipunzu na va hi laha hosini; vontlhe vanhu va tiko va wa hi kutsakeni, na vaba mipunzu. A vayimbeleli kambe va wa hi ni timbila, va yimbelela tisimu ta kubonga. Zonake Atalia i lo hanzula a tinguwo takwe, aku: Kuhluwuka! Kuhluwuka!

2 Kronekele 23:18

Jehoiada i lo yimisa a vahlayisi lomu ndlwini ya Jehova vava lahasi ka vapristi va vaLevi, lava Davida a va xaxametileko hi mitlawa yabye lomu ndlwini ya Jehova, a ku nyikela a muphahlelo wa kuhiswa ka Jehova, khwatsi hi lezi ku tsalilweko nayweni wa Mosi, na va kari va tsaka va yimbelela, khwatsi hi lezi Davida a leleteleko.

2 Kronekele 23:9

Mupristi Jehoiada i lo nyika ka tinduna ta mazana a tisupado, ni tingenge, ni zitlhangu lezi zi nga wa hi za hosi Davida, zi nga wa hi lomu ndlwini ya Nungungulu.

2 Kronekele 29:13

a va ka Elizafana hi Ximri na Jeueli; a va ka Asafa hi Zakaria na Matania;

2 Kronekele 29:14

a va ka Hemani hi Jehueli na Ximei; a va ka Jedutuni hi Xemaia na Uzieli.

2 Kronekele 31:2

Hezekia i lo yimisa mitlawa ya vapristi ni va ka Levi lomu mitirweni yabye, munwe ni munwani hi ntiro wakwe, a vapristi ni vaLevi va wa fanele ku nyikela a munyikelo wa kuhiswa ni wa kubonga, ni ku khoma ntiro, ni ku dumisa Jehova, ni ku yimbelela lomu tinyangweni ta wugovelo ga Jehova. Levi 8:35; Mitse. 4:3

2 Kronekele 34:12

A vavanuna lavo va lo tira hi kutsumbeka. A vahlayisi vabye ku wa hi Jahate, na Obadia, a vaLevi xikari ka vana va Merari; na Zakaria, na Mexulamu, a vazukulu va Kohate, a ku susumeta ntiro. A vaLevi vontlhe va wa tiva ku yimbelela hi wucenje.

2 Kronekele 35:15

A vayimbeleli, a vana va Asafa, va wa hi wutshanwini gabye, khwatsi hi kuleletela ka Davida, na Asafa, na Hemani, na Jedutuni a muwoni wa hosi, ni vahlayisi va tinyangwa va wa hi lomu tinyangweni tontlhe; a va sukangi mitirweni yabye, hakuva a vanakulobye, a vaLevi, va va longisele Pasika.

2 Kronekele 5:12

ni vayimbeleli vontlhe va ka Levi, Asafa, na Hemani, na Jedutuni, ni vana vabye, ni vanakulobye, va wa yimile hi le Muhuma-gambo wa alati, na va ambele a tinguwo ta wukene, na va hi ni tingoma ni timbila ni zitende, na va hi ni 120 wa vapristi laha kusuhani lava va bako mipunzu).

2 Kronekele 8:14

Kota kuleletela ka raru wakwe Davida i lo yimisa a mitlawa ya vapristi mitirweni yabye, ni vaLevi mitirweni yabye, a ku dumisa Jehova ni ku maha mitiro yabye mahlweni ka vapristi siku ni siku; i lo yimisa ni vahlayisi va tinyangwa hi mitlawa yabye, ka nyangwa yinwe ni yinwani, hakuva Davida a munhu wa Nungungulu i lo leletela zalezo.

Ezra 2:41

A vayimbeleli: A vana va ka Asafa 128.

Ezra 6:18

Va lo yimisa vapristi mitlaweni yabye, ni vaLevi mitlaweni yabye, a kuva va tira mitiro ya Nungungulu wa le Jerusalema, kota lezi ku tsalilweko bhukwini ga Mosi.

Nehemia 11:17

Na Matania nʼwana Mika, nʼwana Zabdi, nʼwana Asafa, loyi a nga wa hi murangeli mikombelweni ya ku nyika kubonga, na Bakbukia a nga hi wa wumbiri xikari ka vanakulobye; na Abda, nʼwana Xamua, nʼwana Galala, nʼwana Jedutuni.

Nehemia 12:24

A tinduna ta vaLevi: Haxabia, Xerebia, na Jexua nʼwana Kadmieli, ni vanakulobye lava va cuwukeneko navo; va wa dumisa ni ku bonga, kotisa zileletelo za Davida a munhu wa Nungungulu; a ntlawa wu cuwukana ni wunwani ntlawa.

Nehemia 12:27

A xikhati xa kunyikelisiswa ka ligingisi la Jerusalema, ku lo vitaniswa vaLevi lomu mitini yontlhe, vaya Jerusalema, va ta nyikelisisa a ligingisi hi kutsaka, na va nyika kubonga, va yimbelela hi tingomana, ni timbila, ni zitende.

Tisimu 81:2

Tlhavani xizimba, muba tingomana, Ni zitende zo vuma khwatsi, zinwe ni magubhu.

Tisimu 81:3

Kuwonekeni ka hweti banani mpunzu, Wu biwa ni xikhatini xa babani, Hi siku ga mubuzo wa hina. Ekso. 12:1; Levi 23:5; Deut. 16:1

Ezekieli 40:44

Hi lehandle ka nyangwa ya hubye ya lomu xikari ku wa hi ni matsawu ya vayimbi; a ginwe gi wa hi tlhelweni ga nyangwa ya le Nwalungu, na gi cuwuka tlhelo ga Dzonga, a ginwani gi wa hi tlhelweni ga nyangwa ya tlhelo ga Mutsuwuka-gambo, na gi cuwukile Nwalungu.

1 Samueli 10:5

Anzhako ka lezo u ta ya chikela Gibea-Elohim, laha ku nga ni yindlu ya varinzeli va vaFilistia. Makunu a xikhati U enghenako mutini, u ta tlhangana ni ntlawa wa vaprofeti na va relela hi le wutshanwini gi tlakukileko, na va hi ni timbila, ni ngoma, ni maxava, ni zitende, na va kari va profeta.