1 Kronekele 23:24 - Tshwa Bible

²⁴ Lava hi vana va ka Levi hi tiyindlu ta vararu vabye, ti nga tona tihosana ta tiyindlu ta vararu vabye, khwatsi hi lezi va hlayilweko hi mavito yabye hi tihloko tabye. Va wa hi ntirweni wa kukhozela ndlwini ya Jehova, kusukela ka lava va nga ni 20 wa malembe kuya mahlweni.

1 Kronekele 23:24 교차 참조

1 Kronekele 23:3

Ku lo hlayiwa a vaLevi kusukela ka lava va 30 wa malembe kuya mahlweni: a tsengo wabye hi tihosana tabye, va wa hi 38,000 wa vavanuna.

Mitsengo 10:21

Zonake ava ka Kohati, a varwali va zibya zo basa, va lo andlamuka; a vo ranga va lo yimisa a tabemakeli va longisela a kuta kabye.

Mitsengo 10:17

Zonake a tabemakeli gi tlhatlhiwa, ni vanana va ka Gerxoni, ni vanana va ka Merari va lo suka na va rwele a tabemakeli.

Mitsengo 4:3

lava va nga ni 30 wa malembe ni kuya mahlweni, kala ka lava va nga 50 wa malembe, vontlhe va faneleko ku enghena ntirweni wa tenda ga mutlhangano. Mitse. 8:24

Ezra 3:8

Makunu hi lembe ga wumbiri ga kuwuya kabye lomu ndlwini ya Jehova le Jerusalema, lomu ka hweti ya wumbiri, Zerubabeli nʼwana Xealtieli, na Jexua nʼwana Jozadake, ni vanakulobye lava va nga wa hi vapristi, ni va ka Levi, ni vontlhe lava va nga tlhelela Jerusalema na va huma hi le kukhonweni, va lo sangula ku tira; ku lo yimiswa vaLevi kusukela ka va 20 wa malembe kuya mahlweni, kasi ku fambisa a ntiro wa yindlu ya Jehova.

Mitsengo 8:24

A milayo ya vaLevi hi leyi: Lava va nga ni 25 wa malembe ni kuya mahlweni, va ta enghena ntirweni wa tenda ga mutlhangano.

1 Kronekele 23:27

(A ku hlayiwa ka vana va ka Levi ku sangula hi lava va nga ni 20 wa malembe kuya mahlweni; lezo zi mahilwe hi kuleletela ka Davida ko gumesa.)

Mitsengo 3:47

u ta ringanyisa hi xekeli ga wutshamu go basa; a xekeli legi gi nga ni 20 wa magera.

Mitsengo 3:20

A vana va Merari hi mingango yabye: Mahli, na Muxi. Leti hi tona tinyangwa ta vaLevi hi tiyindlu ta vararu vabye.

Mitsengo 3:15

Hlaya a vanana va vaLevi hi mingango ya vararu vabye, ni tinyangwa tabye; u ta hlaya vavanuna vontlhe, kusukela ka loyi wa hweti yinwe kala ka lava va nga le mahlweni.

Mitsengo 2:32

Lava hi vanana va ka Israeli, lava va hlayilweko hi tinyangwa tabye. Vontlhe lava va hlayilweko hi magovelo ya tiyimpi tabye va wa hi 603,550. Ekso. 12:37

Mitsengo 1:22

A vana va Simeoni, a zizukulwana zabye hi mingango yabye, hi tixaka tabye, lava va hlayilweko hi mavito, vavanuna vontlhe hi tihloko tabye; kusukela ka lava va nga ni 20 wa malembe, ni kuya mahlweni, vontlhe vavanuna lava va zi kotako ku hloma matlhari.

Mitsengo 1:18

Zonake hi siku go sangula ga hweti ya wumbiri, va lo vitana a tlhangano wontihe, va lo tsaliwa hi tinyangwa tabye ni mingango yabye, na va hlayiwa hi vito ga munhu ni munhu kusukela ka lava va nga ni 20 wa malembe ni kuya mahlweni.

Mitsengo 4:23

U ta va hlaya kusukela ka lava va nga ni 30 wa malembe ni kuya mahlweni, kala ka lava va nga 50 wa malembe a wukale; vontlhe va faneleko ku enghena ntirweni wa tenda ga mutlhangano.

1 Kronekele 23:23

A vana va Muxi: Mali, na Edera, na Jeremote; vanharu.

2 Kronekele 31:17

Ni lava va tsalilweko va vanana va vapristi, hi tiyindlu ta vararu vabye, a vaLevi va 20 wa malembe ni ku hunza; va ringanyiselwe mitiro yabye hi mitlawa yabye.

Mitsengo 18:5

Mu ta hlayisa a zibya za wutshamu ga kubasa ni ntiro wa alati, kasi a zanga yi nga engeti yiva kona hehla ka vanana va ka Israeli.

Nehemia 7:1

Makunu laha a ligingisi li nga mbhelile ku aketwa, na nzi vekele a tivati ni varinzeli va tona, nzi hlawula vayimbeleli ni vaLevi,