1 Kronekele 22:9 - Tshwa Bible

⁹ Languta u ta pswalelwa nʼwana loyi a ta ngava munhu wo rula; nzi ta mu nyika kuhumula xikari ka vontlhe valala vakwe va wontihe matlhelo, hakuva a vito gakwe i tava Solomoni; a masikwini yakwe nzi ta nyika va ka Israeli a kuhumula.

1 Kronekele 22:9 교차 참조

1 Tihosi 1:13

Famba u ya enghena ka hosi Davida, uku kakwe: Hosi yanga, a hi wena u nga hlambanya ka nanza ga wena, uku: Hizinene, a nʼwana wa wena Solomoni i ta fuma anzhako ka mina; i ta tshama hehla ka xitshamu xa wukosi xa mina ke? Makunu hi kuyini Adonija a fumako ke?

1 Tihosi 2:15

Yena aku: Wena wa zi tiva lezaku a mufumo wu wa lumba mina; vontlhe va ka Israeli va wa cuwukele mina lezaku nzi tava hosi; kanilezi a mufumo wu hunzulusilwe wuya ka nakulori, hakuva yena i nyikilwe hi Jehova.

1 Tihosi 3:7

Makunu Jehova Nungungulu wa mina, Wena u fumisile a nanza ga wena xikhundleni xa dadani wa mina Davida; na nzi hi nwanana tsongwani, a nzi zi tivi ku rangela vanhu.

1 Tihosi 4:20

A vaJuda ni va ka Israeli va wa tele nguvu khwatsi i seke wa fungu wa bimbi. Va loga, vanwa, va tsaka. Gen. 13:16; 22:17

1 Tihosi 4:24

Hakuva i wa fumele a tiko gontlhe ga leno Congweni, kusukela le Tifsa kala le Gaza, a tihosi leti ti wa hi leno tlhatuko wa congo, ti wa tshamile hi kurula wontihe matlhelo.

1 Tihosi 4:25

Kusukela le Dani kala le Berexeba a vaJuda ni va ka Israeli va wa rulile, va nga chavi nchumu, munwe ni munwani a hi lahasi ka xivina xakwe ni lahasi ka kuwu wakwe wontihe masiku ya Solomoni. Levi 26:5; Vala. 20:1; Mika 4:4

1 Tihosi 5:4

Makunu lezi Jehova Nungungulu wa mina i nzi nyikile kuhumula ka matlhelo wontihe; a ka hi kona valala hambu ni makhombo.

1 Tihosi 8:56

A ku dumiswe Jehova loyi a nyikileko kuhumula ka vanhu vakwe va ka Israeli, kota lezi a wulileko! Cima a ku kona ni gezu ginwe gi wileko ka wontihe magezu lawa yo saseka a ma tsumbisileko ka nanza gakwe Mosi. Deut. 12:10; Jox. 21:45; 23:14

1 Kronekele 17:11

A xikhati lexi a masiku ya wena ma ta nga tatiseka, na u famba ka vararu va wena, zonake nzi ta yimisa a mbewu ya wena, a munwe wa vana va wena, nzi tiyisa a mufumo wa yena.

1 Kronekele 22:18

aku ka tona: Jehova Nungungulu wa nwina a nga zinwe na nwina ke? A nga mu nyikangi kuhumula matlhelweni wontihe ke? Hakuva yena i nyikele mandleni ya mina vontlhe vaaki va tiko, makunu a tiko gi rulile mahlweni ka Jehova ni ka vanhu vakwe.

2 Kronekele 6:15

hakuva lezi u zi tsumbisileko ka dadani wa mina, a nanza ga wena Davida, u zi mahile; u wulawulile hi nomu wa wena, zonake u zi tatisa hi canja ga wena nyamutlha.

Joba 34:29

Loku a va nyika kurula, himani a ta nga sola ke? Ni loku a fihla nghohe yakwe, himani a nga mu wonako? I fumela matiko ni vanhu hi ndlela yinwe,

Tisimu 72:1

Nungungulu, nyika zilayelo za wena ka hosi. Ni nʼwana wa hosi u mu nyika kululama ka wena.

Tisimu 72:7

A masikwini yakwe a wakululama i ta hluka; Ni kurula ku ta anza, kala a hweti yi ngave kona. Lu. 2:14

Isaya 26:12

Jehova, u ta vanga kurula xikari ka hina, Hakuva a mitiro ya hina yontlhe hi wena u yi mahileko.

Isaya 45:7

Nzi mahile kuwonekela ni munyama; Nzi tsakisa munhu, nzi tlhela nzi rumela makhombo. Hi mina Jehova nzi mahako zontlhe lezo.

Isaya 57:19

Nzi ta veka kukhesa milonwini ya vanhu: Kurula ka loyi a nga le kule, Ni kurula ka loyi a nga kusuhani! Ku wula Jehova: Nzi ta mu hanyisa. Efe. 2:17; Maheb. 13:15

Isaya 66:12

Hakuva Jehova i ngalo: Nzi ta mu nehela, kurula ko khwatsi i congo, Ni wukosi ga matiko ko fanana ni congo wu hlatako; Zonake mu ta anwa, mu tlakuliwa, mu wukarelwa.

Hagai 2:9

A wukosi go gumesa ga yindlu leyi gi tava ga hombe ku hunza leʼgo ranga, ku wula Jehova wa tiyimpi; a ka wutshamu legi nzi ta nyika kurula, ku wula Jehova wa tiyimpi.

Valamuli 6:24

Zonake Gideoni i lo aka alati ga Jehova laho, a gi chula vito ga Jehova-xalome (Jehova wa kurula). Ni lezi ga hi kona le Ofra wa vaAbiezeri.